السلام عليكم ورحمة الله وبركاته
اول شيء اهنيكم على المنتدى المميز
وانا كنت من الزوار لهذا المنتدى لكن بفضل الله صرت عضو مشارك معكم
اليوم رحت لوكالة الحمراني ببريدة على طريق الملك عبد العزيز
لقيت صالة العرض مقفله فاتجهت للصيانة
فقابلت واحد كان جالس مع حراس الأمن
قال معليش اليوم مافيه دوام قلت له لا بس أبغى كاتلوجات للإكستيرا
دخلني الصاله وعطاني كتالوج للباترول قلت لا يالحبيب هذا مانطوله:bigggrin: وابغى موتر شبابي
قال نصيحة لا تاخذ الاكستيرا لأني انا شغال بالصيانة
وخراباته كثيرة وعدد لي خرابات واجد ومنها خرابات المكينه وارتفاع حرارته
قلت ايه هذولا الشباب راعين مقاومات (مطارحات) وتطعيس وتفجير للموتر
قال لا والله يجي شباب وشياب قلت شايب يشتري اكستيرا ؟!:c0214:
قال والله العضيم
سؤالي هو: هل كلامه صحيح؟ وهل تنصحونني بشرائه؟
لأني دخلت رابطة الاكستيرا في هذا المنتدى
مافي أحد اشتكى من الخرابات:confused1:
كلهم اشتكوا من معاملة موظفين الصيانة فقط!!
وشكرا لكم
يارب تردون علي:a1120(86):
