السلام عليكم
السياره : تاهو 2007 دبل LS
الممشى: 125 الف
الصيانه : من 40 الف خليتهم من صدموني يوم قالو صيانة ال 50 الف حوالي 2300 ريال سعودي
استعمالي:خشن بالشتاء بسبب طلعاتي للبر اسبوعيا وتكثر مشاويري على الموتر بس بالصيف السياره يوميا خط 27 رايح 27 راد هذا الدوام و بعض المشاوير
المشاكل
1- اغرب مشكله راح تقراها ,بدت المشكله شهر اعتقد 6-2010 ميلادي يعني قبل سنه و انا امشي اقفال الابواب تفتح و تصكر بشكل سريع و جنوني و مرات تعلق تصكر و تفتح بسرعه , وقت المشكله تكون شاشة القير يأشر على D و P و يتغير بينهم بسرعه و اسمع صوت طقطقه تحت السكان (عجلة القياده ) , المشكله تزيد اذا كنت بالديره و كثرت المطبات على السياره , تطورت المشكله لما كنت اطلع بالخطوط ما كانت تطلع الحين مرات تطلع و الشاشه مالت القير ان مو معشق لا على ال D ولا ال P و اعتقد القير يصير على الغيار الثالث تضل فتره و انا امشي يعني كيلو كيلوين و تروح طبعا ختمتها شوية لعب بشاشة القير و الاقفال بعدين ترد الشاشه على ال D و يبدل الموتر للغيار الرابع
س: ليش اهملتها و شنو سويت للمشكله ؟
ج: اول ايامها افتريت بالكراجات ولا احد عرفلها في واحد فحصها كمبيوتر قالي في عندك تماس قلتله و الحل ؟ قالي خلها عندي يوم افك السياره و ادوره , ما وثقت فيه و مشيت عنه , في منتدى اجنبي قلتلهم المشكله بالتفصيل قالي واحد ان يشتبه ان شغله اسمها (BMC : body module control )
س: و ليش اهملتها ؟
ج:المشكله استمرت شهر او شهرين بعدين صارت تختفي و مرت حوالي 6 شهور بدون اي حركه لقفل السياره و توها الشهر هذا ردت بقوه
2- بعد ما تعديت ال 100 الف , بدلت بواجي و كويلات و بعدها بفتره بدت السياره مثلالي تنتفض لما اوقف بالسياره و خاصة اذا وقفتها على ال D فحصت كمبيوتر قالي تصفيه قلتله توني مبدل بواجي و كويلات و فلتر هوا قالي بس هذا الي بين عندي , ما اقتنعت بكلامه الموتر كل يوم امشي فيه خطوط و ممشاي مو شويه عليه لو مشاويري كلها ديره اوكي , خليت هالمشكله و توها بدت تزيد و تقطع السياره كأنها بتطفي اتوقع انها تنظيف بخاخات او الثروتل ما ادري
3 - المشكله هذي اعتقد متعلقه بأحد المشكلتين السابقتين واهي اول مابلشت لما كانت المشكله رقم 1 تطلع و انا بخط تشب علامة التراكشن و يقولي service stablitrack system اتوقع مشكلتها بسبب تلخبط الكمبيوتر بسبب تأشير شاشة القير بين الD و P و التحذير كان يروح من يوقف جنون القفل , بعدها بفتره و بلشت اليوم بقوه علامة check engine تشب و تطفي مدة حوالي 5 ثواني و انا بالخط رادالبيت من الدوام و تشب و يطلع تحذير service sstablitrack system
ملاحظه : توني تذكرت ان محد نظف فلتر الهوا من شريته قبل 25 الف كيلو بسبب عدم توفر مفك له عندي المفك العصر بطلع افكه و انظف الفلتر ان شاء لله
س:ليش متردد من الوكيل؟
ج: السبب الاول السعر
السبب الثاني الوكيل سياسته ((مثلا)) اذا عندك غطا الراديتر عطلان ما يبدلك الغطا يبدلك الراديتر و نظام التبريد كامل , حصلي عطل بسببي قبل و وديته لهم و صدموني قالو بيبدلون نظام الفرامل كاااامل حتى مع الفرامل اليدويه ب 10 الاف ريال فقط , و رفضو يقولون وين العطل لما رفضت الاصلاح مع اني دافع 500 ريال فحص عندهم , طلعت السياره طلعت المشكله قطعه سعرها بالوكاله 450 ريال و تركيبها 100 ريال و كم علبة زيت للفرامل ......
اشكركم اخذ الوقت في قراءة الموضوع و حاولت اغطي التفاصيل كامله
رايكم وكاله و ولا افتر بالورش ولافي اي ورشه ثقه عندنا الله المستعان ما رايكم عن المشاكل الي ذكرتها و حلولها
