ص ــبـآح / م ــسآء..... الخير
اولـاً ..... هذي اول مشاركه لي في ذا المنتدى وانشاء الله اكون ضيف خفيف عليكم
المشكله هي ذي السياره كابرس 2004 8سلندر اللي رفعت ظغطي اول شي كانت الحراره توصل H الموهم طلعت المشكله من المراوح وغيرت المروحتين امريكيه الوحده 450 الموهم صارت حراره السياره على النص بس اذا مسكت خط وانا ماشي فوق 120 يعني على دعسه ماافك البنزين ترتفع الحراره واذا فكيت الدعسه او هديت ترجع طبيعي هذى في النهار واذا مشيت 120 واقل ماترتفع حتى لو اروح جيبوتي .... وفي الليل تقريبا لو امشي 180 ترتفع الحراره واذا فكيت الدعسه تجلس تقريبا دقيقتين الى ثلاث وترجع على النص
والسياره في المدينه ولااحلى الحراره على النص حتى عند الوقفه تجلس السياره بالساعات واقفه وماترتفع ....
وقلت يمكن المشكله من الرديتر وغيرته ومانفع نفس المشكله ... قلت يمكن من طرمبه المويه وغيرتها ونفس الحكايه قلت يمكن من البلف وغيرته ولازال الموتر يقهرني ...
الموهم رحت مركز وقلتله السالفه كيت وكيت قاللي غير وجيه المكينه وروس البلف قلت طيب بس ضمان تروح الحراره قال خلاص غيرتها ولازالت المشكله ورحت واخذت دراهمي بعدين جلست اتفحص السياره لقيت القسام حق الحراره مصدي وغيرته ... وللاسف تهي تهي تهي :smilie20: نفس المشكله ومن الوسوسه غيرت السيور ولازال الموتر يقهرني
ورحت عند واحد وقاللي بنظف المواصير اللي توصل للمكينه واذا ماراحت خذ دراهمك>> اهم شي الفلوس........ زي ثلاجه المكينه وهيك شغلات وانا خلاص قفلت معي ماادري وش السواه وفي اللي قاللي غير الليات حقت الرديتر وهي مافيها شي
بس ملاحضه اذا ضغط اللي الكبير اللي فوق حق الرديتر والسياره طافيه اشوف تهريب من تحت جهه اليمين والسياره قدامك
ومشكله ثانيه هي المكيف يبرد اذا كنت امشي اما اذا وقفت احس انه يقل تبريده يعني كانه مروحه
واسف على الاطاله بس والله ذا الموتر رفع ظغطي
والله لايهينكم اذا احد يعرف ورشه متخصصه بالكابرس في الرياض واسعارها كويسه يعطيني خبر وشكرا...............
