اتوكلنا على الله ودفعنا عربون الماركيز

السلام عليكم
انا عندي ماركيز 2009 فل اوبشن
ميزات السيارة :
1- الراحة
2-فل البانزين تقريبا 26 ريال اذا اشتغلت عندك لمبة البانزين
3-قل الخرابات فية وعملى جداا وكذلك رخص قطع الغيار فية وتوفرها بشكل ممتاز سوا كان جديد او بالتشاليح السيارة عموما ممتازة
لكن العيون :
1- عزل الهواء فيها تعبان تعبان جداااااااااااااااا
2- على كبر السيارة السيت الخلفي انا اشوفة عاااادي ولا فية ذيك الراحة بالنسبة الى اقدام اللى راكبين بالخلف عزكم الله يعني كانة سيارة بحجم الكامري من الخلف
3- المكيف فية خصوصا اللى يجي الكتروني وانا انصحك انك لا تاخذة لانة غبي ثم غبي ثم غبي ثم غبي يفصل احيان ولا يطلع لك هواء وفية نظام عبيط بانة الكمبريسور يفصل من نفسة وشوي تشوف المكيف يتحر وشوي يبرد ومشاكل الالكتروني كثيرة وانا من اللى يعانون من هذي المشكلة اذا كان ولا بد افضل لك تاخذ النوع العادي اللى يجي فرار لانة افضل واقل مشاكل
3- تحسة على الخط شوي ينطط
4-حجمة كبير اذا جيت تبي تصف السيارة او تدوير كانك راكب راس تريلة
5-اذا كنت شخص يهتم بالسيفتي تراة من السيارات اللى السيفتي والسلامة فيها قليلة جدااا خصوصا اذا انحرف من الواحد لا قدر الله صعب تثبيت السيارة على الخط يحذف بسرعة
6-لا تاخذ الفل اوبشن لانة عن الستاندر ما فية اي فرق بس زيااادة سعر على الفاضي وجلد من نوعية ردية انا افضل المخمل وكذلك افضل السعودي على الامريكي لانة يجي بمكيف خلفي وكذلك السبير فية بنفس حجم الجنوط اللى تسوق فيها الامريكي يجي جنط صغير جدا

لكن تبقي سيارة معقولة جدا وحقت استخدام وقليلة الاعطال ومريحة وعملية واذا سالتني هل انت نادم انك اخذتها اقولك 40% ندمان و60% لا مع اني ما شفت فيها مشاكل خطيرة غير عزل الهواء وكذلك المكيف الالكتروني والباقي للامانة ممتازة والله الموفق اتمني اني فدتك