بسم الله الرحمن الرحيم
الموضوع منقول للأخ المشرف ( يزيد ) في احد المنتديات المجاوره واستأذنه مشكورا في نقله هنا ومادعاني لكتابته هو وصول الدفعه 2012 من موديلات كيا كادنزا لدى وكالة الجبر للسيارات .
السلام عليكم ورحمة الله وبركاته
طبعا انتوا عارفين ان الكادينزا 2011 اول مانزلت كان سعر الاستاندر 65 الف , وهذا يدل ان الكادينزا الاستاندر تطلع على الجبر (تقريبا) 60 الف هذا اذا ماكانت اقل بعد !
ولكن لنفترض انها تطلع على الجبر 60 الف يعني بمكسب 5 الاف ريال بكل سيارة < مكسب مو هين
عالعموم بعد ما انجذبوا الناس لها وزادت مبيعاتها رفع الجبر سعرها شيئا فشيئا حتى وصل 77 الف للاستاندر !
المهم لي اسبوع اتردد على وكالة كيا وكل يوم يقولون مافيه كادينزا بعدها ماوصلت ولكن اليووم وتوي جاي من الجبر لقيتها وصلت الحمدلله ولكن الدفعه الي وصلت موديل 2012
وسألت الموظف عن سعرها (وكنت اتوقع انها بزياده عن الـ2011 ألفين ريال لا أكثر يعني 79 الف او 78 الف)
وقال الموظف انتظر شوي افتح الايميل اطلع الاسعار لان قبل شوي جات التسعيره الجديده وفتح الايميل وانا اشوف بعيني , وتطلع الكادي الاستاندر بـ83.500 ريال ! يعني فرق عن موديل 2011 بـ(6500) ريال
والله الجبر رفع الاسعار جدا , انا مااقول ان الكادي ماتستاهل ولكن مصيبه اذا كان مكسب الجبر في السيارة الواحده قبل 8 شهور 5 الاف ريال وبعد 8 شهور يصبح مكسب الجبر في السيارة الواحده 23500 ريال !!!!!