إخواني أمس بالليل أثناء استخدامي السيارة لمدة جاوزت الساعتين وبعد ما طفيتها وشغلتها أكثر من مرة وعند توقفي بأحد المحلات داخل المدينة نزلت من السيارة وسمعت صوت مثل ماء حار ومكتوم ولما فتحت الكبوت ما استطعت أشوف بضوء الجوال إلا تهريب قطرات مويه من خلف الماكينة تحت مستوى حساس الهواء بشوي لأن الإضاءة كانت موش تمام .. ذهبت لمحل رديترات وقال انتظر ربع ساعة وطفي سيارتك .. لما طفيت السيارة تهريب الماء توقف !! بعد ربع ساعة شغلت السيارة ودخلتها داخل محل الرديترات وما كان هناك أي تهريب .. بعد مرور 10 دقائق على تشغيل السيارة قمت شغلت المكيف وما حصلنا تهريب .. وانتظرنا خمس دقائق وبعدين رجعت شغلت المكيف مرة ثانية لكي نرفع حرارة السيارة وبعد لحظات بدأ التهريب بقطرات ماء وبعد فحص قال روح للميكانيكي يشوف من وين التهريب لأن لياتك والقفزان سليمة والموضوع محتاج ميكانيكي ..
طبعاً أمس الخميس وبعد صلاة العشاء كانت مراكز الصيانة كلها مغلقة حتى السبت .. رجعت للبيت وطفيت السيارة ووجدت التهريب يتوقف مع إطفاء السيارة !!
من أمس وحتى الآن وأنا ما أدري سبب ممكن لتهريب الماء مع ارتفاع الحرارة وتوقفه مع إطفاء المحرك ؟
الله يعافي كل من قدم نصيحة أو نصيحة في الموضوع
