ارائكم تهمني حول التورس 2011 SHO

هلا والله وغلا

طال عمرك انا كم مره رحت عندهم وومااطلع بنتيجه منهم وكم مره اقولهم طيب ابي اطلبها يقولي ماعندنا طلبيات ؟؟؟ :confused1:

يالغالي انا ماعندي مانع لو نتقابل في الوكاله وياليت لو تعطيني رقم المندوب الي تعاملت انت معه واكون شاكر لك

ملاحظه : شيك الخاص :wink:

لا بالعكس لغالي انت والله خدمتني خدمه كبيره وتشكر عليها

لاني اذا خذيتها الحين وهي راح تتغير في 2012 راح اتحسف كثر شعر راسي << الي بقى منه :confused1:

وياليت لو تساعدني مره ثانيه واكون شاكر لك

والله يالغالي لهذا السبب ترددت احط لك رابط المضوع

انا ما عندي علم بهالمضوع ولا كان ودي اخبص عليك بهالطريقة

بس خفت انك تتحسف.

ياليت يالغالي لو تساعدني يمكن عندك خلفيه ومعلومات اكثر مني

خصوصا وانت قلبت تفكيري الحين 180 درجه :blue:

المبلغ موجود معي حالياً وكنت افكر اوفره من سنتين ويوم توفر جاني هالموضوع :smilie20:

الموضوع الي حطيت لك رابطه, حق 2012

انصحك تتأكد من صحة الخبر وعن موعد توفر موديل 2012 في امريكا

.

بيض الله وجيهكم والله يجزاكم كل خير انشاء الله على التفاعل

اخواني اولا بخصوص الوكاله انا من بدايه نزول التورس (2010) الى يومكم هذا وانا اتردد على الوكاله واتصل على مندوبين المبيعات بخصوص ال SHO لكن كل المعلومات الي يقولونها لي (يمكن تتوفر يمكن لا ) ( مانعرف عنها شي ) ( يمكن تجي في بدايه 2011) والطاسه ضايعه بينهم :confused1:

وفي يوم من الايام ارسلي ولد عمي ايميل بخصوص شركه تستورد السيارات وقلت ليه مااكلمهم واستفسر ... كلمتهم .. وتناقشنا بخصوص الSHO قال موجوده ونقدر نجيبها لك وارسلي صور لها .. قلت له ابي جديده لاني تبت من المستعمل الى الابد حتى لو انه ماشي 1000 كيلو توبه .. كلمني بعد ماشاف اسعارها وخلص قال (تقريباً) السياره ((((((وااااصله))))))) للدمام بحدود 155 الف وانا حاط احتمال تطلع الى 160 الف ...


وهذا كل الي صار معي وانتو وش رايكم ... وخصوصاً مع احد الردود على هذا الموضوع فيه احد الاخوان ذكر انها راح تتغير في 2012 ومدري انتظر والا اشتريها واخلص ؟؟

وبخصوص اللينكون ... يالغالي وربي ماقصرت فديتك بس انا رغبتي بالتورس اكثر ... خصوصا انا مجرب الموديلات القديمه ... وانا اشهد لها بالرساوه والتحمل (طبعا كنت مخليها جيب ومره قارب ومره حصان :rolleyes1: ياما طعست فيها وياما سويت فيها الهوايل وكانت ساكته وصابره لمده لا باس بها وماخذها مستعمله موديل 96 ) :bigggrin:


ارجوكم يااخوان انا كل يوم ادخل على هالموضوع ابي مشوره الحين بعد كل الي قلته لكم

وشاكر ومقدر لكم

واسف على الاطاله

لا تبعد يا الغلا , وتدخل نفسك بمتاهات مالها اول ولا تالي

,, مر الوكالة , وشوف وضعك , هناك ان شاء الله تتيسر الامور ,

وتحصل المواصفات والون اللي يعجبك ,


بالتوفيق ودعواتك لي

مساء الخير

اهنيك على الاختيار الجبار اناكان ودي تاخذها من الوكيل هنا لاكن ماتفرق
واعتقد راح تكلفك واجد من ناحية قيمة السياره وقيمة الشحن لاكن كلوو يهون
اللون اعتقد انك اخترت اللون الافتراضي للشو الاحمر لاكن زي ماقلت عندك الازرق الكحلي والفيراني حلو والاسود الملكي كلها حلوة انا اصوت للاسود لانه يبين النيكل ويطلع جبار

لاكن حتى الاحمر حلو لاكن فكر بالاسود

موووتر جبااااااااااااااااااااااار فخامه قوه كل شي بس قطع الغيار والضيانه هي المشكله

أخي الكريم لا تدور بعيد وروح قريب
السيارة التي تريدها موجودة عند الوكيل، ولكن باسم آخر
لنكون MKS، وفيها نوعين للمحرك ونظامين للدفع،
اختر المحرك الأعلى "إيكوبوست" والدفع الرباعي،
وبكذا حصلت التوروس شو بل أحسن وبالضمان والخدمة.

اقرأ عن السيارة على هذا الرابط
ودعائي لك بالتوفيق.

مشكور وماقصرت يالغالي

وشاكر لك مرورك وردك الكريم

اهلا اخوي

قبل كل حاجة اسئل وشوف

لو تجيبها طلبية من الوكاله افضلك

عن نفسي يالون احمر فاتح ياسود

الله يعطيك العافيه اخوي ZEMAN على تصويتك

بس على فكره الموضوع يوم دخلته وقريته غير تفكيري 180 درجه :(

يعني قولك اصبر الى موديل 2012 ؟؟؟

وعليكم السلام ورحمة الله وبركاته

حياك الله

انا انصحك باللون الأزرق على الـ SHO, لو تدخل موقع فورد وتشوف الألوان بتلاقي اسمه Kona Blue ازرق غامق

بالنسبة لمسألة الإستيراد, الأفضل انك تمر عالوكالة وتسأل المهندسين هناك ان كانت السيارة المستوردة يقبلها الوكيل ويوفر قطع الغيار لها ( خصوصاً الـ SHO لن الوكيل ما يجيبها )

في النهاية, ما ودي اخرب عليك لكني انصحك تقرأ هالموضوع:

http://www.assayyarat.com/forums/thread234675.html

الله يوفقك.

بيض الله وجيهكم صراحه والله ماقصرتوا ورايتكم بيضا ...

وانا اشوف الاكثريه على اللون الاحمر مابين الداكن والفاتح والاخ Golden Holden هو الوحيد الي على الكحلي ...

طيب حبيت اسال انتو ليه متخوفين من المستورد ؟؟ خصوصا وانا باخذه وكاله جديد وانا مكلم واحد من اقاربي في امريكا قال انا بجيبها لك وعلى كونتينر خاص وكل شي اوكي ؟؟؟

واذا على العداد وما العداد انا اشوف انها ماتفرق معي سوا بالميل او الكيلو ... لاني شاري ابي استخدم انشاء الله مابي ابيع ...

واذا على تركيبه السياره وقطعها انا سالت عن الموضوع مع كم واحد في الوكاله وفي غير الوكاله وقلت لهم قطع التورس المستورد هي نفس قطع التورس السعودي (توكيلات الجزيره) قالو نفسها وماهي متغيره زي الكراون فكتوريا والماركيز .... وهذا الي طمني اللهم الاختلاف في الكيلو والميل وبعض الحاجات الي تعتبر ثانويه ...

وبخصوص ان السياره موجوده انا ياما رحت وجيت ودااااومت في توكيلات الجزيره (على طريق الدمام الخبر ) ولا لقيت ال SHO وياما تواصلت معاهم عشان يشوفون الدفعات الي راح تجي ... وكلها SE,SEL ويالله يالله تلاقي كم حبه ليمتد !!! وقالولي الشو مانزلت منها الا كم حبه حدود ال4 الى 5 حبات وكلها راحت ؟؟؟

انا ابي اعرف يالغالين انتو ليه متخوفين من المستورد خصووووصاً انه بيكون جديييييد مع كل هالمعولمات الي عطيتكم اياها ؟؟

واسف على الاطاله

وشاكر ومقدر تعاونكم ...

تحياتي لكم

اللون الي انت حطيته (أرزرق على كحلي) راااااايق لو علي إخترته
و موفق

و أنا ما أنصحك بالمستورد
إصبر
أكيد الشركه بتجيبها
و اذا ما جابوها عندك ال اس اس سواءا لومي أو كابرس و عندت ال ار تي و عندك ال اس ار تي من كرايسلر او دودج و كلها عليها ضمان من الوكيل احسن من انك تاخذها من برى و لا لها وكيل يضمنها
+
القطع أعتقد تختلف

اذا انت معزم على الشو ارشح كلام الاخوان الأحمر الفاتح ,, واذا تبغى تشوفها بوضوح تشوفها في توقيع الأخ TAURUS LIMITED أتوقع انها واضحة لكنها ليمتد مو شو ,, مع اني اشور عليك انك تشوفها عالطبيعة ,, ترى نظرة الموتر عالطبيعة تفرق.. ترى الشو تعتبر سبورت اتوقع , واحلى الألوان على السبورت الألوان الداكنة مع اني ما ودي فيها لأنها تعذب في التنظيف ,, انا عندي الؤلؤي ما شالله تمام