محتار بين الكيزاشي ( سوزوكي) و اليگاسي (سوبارو)؟

سوزوكي وبس

يارجل انا عندي سوزوكي ليانا >> كبر حجم الصني

قسم بالله زيت المكينه اغيره بعد 16 الف كيلو والمساعدات والخرابيط والكهرباء ما عمري غيرتها من اول ما شتريت السياره وكاله هههههههههه

طبعا الزيت عادي شل سوبر هع وسياره اعتماديه وحقت كرف درجة اولى


فما بالك بـ الكيزاشي اتوقع اقوى وافضل وازين واحلى وخاصه باللون الاسود اجرام


لك ودي

:xyxthumbs:

يخوي انا اخدت الكلام من اللي معاهم سزوكي و (sx4) خاصتاا :a120(115):

الكيزاشي حلوه

لكن فيها عيب ما يتصلح ,,, ضيقه من الداخل

مره ركبت في مكان السايق في الوكاله وكان راسي يضرب التنده من غير ما ارفعه

اذا قلت ان وزني 60 كيلو بطول 177 سم

لكن شكلها الخارجي جنان جنان جنان

وتصويتي للسوبارو

على فكرة اليوم كنت بوكالة سوزوكي

وعاينت الكيزاشي ( الفل )

قمة وجمال غير طبيعي

وسعرهاا للفائده .. 87 الف ريال


بالتوفيق لك

المشكلة كالتالي ............اول شي كاني قاري واحد يقترح كامري.....ماعلينا....
الوكيلين زفت كلهم يعانون من مشكلة شح قطع الغيار والصيانة سواء في الوكالة او الورش الي ماتستقبلك.....!
اليمني وكيل سوبارو صار فية شغلة ادارية ممكن انها ترجع للسوبارو مكانتها باذن الله
والكيزاشي جديدة وشفتها على الطبيعة باللون الابيض وحسيتها متورمة وتصميمها المفروض لفئه اصغر .....! لاكن هذا مايعيبها اذا شكلها معجب صاحب الموضوع.....
انا ممكن اخليك تنسي الكيزاشي وكل سيارات العالم....رح لليمني وقلهم ابغي اجرب الgt وقيمتها 118 الف طبعا فرع التحلية في الرياض لاكن خلك صامل
السيارتين ممتازات بكل صراحة لاكن الكيزاشي نادرة جدا وهذا مهب من صالحها والكل يعرف ان الوكلاء مايهتمون بالسيارات الي ماتنباع عندهم كثير وممكن يوقفون بيعها مثل الزوم الترا فاحسب حساب هالشي
والف مبروك مقدما ما خترت .........ولاتقولى بكرة تويوتا....

ليجاسي - متعة القياده

انا راح اصوت للــ كيزاشي

متفوقه من وجهة نظري

ماعليك منهم

واسألهم .... وش تنصحوني ؟

كااااامري امري ياكاااامري :bigggrin:

الكيزاشي كانت من ضمن الخيارات إلا إنه تأخر نزولها عندنا ..

كشكل ومواصفات وجودة وسعر مغري إلا أن غلاء قطع الغيار وكذلك نزول السقف عند الباب الخلفي جعلني أبتعد عنها...

أما الليجاسي .. فالمواصفات والدفع الرباعي والقيادة الممتعة والجودة جعلها الخيار الأفضل ،،، وحتى الآن أكثر من 17000 كلم ولله الحمد دون مشاكل تذكر سوى بعض الملاحظات البسيطة والتي لم ولن تؤثر على قرار الشراء بنظري

بالتوفيق إن شاء الله :smile:

و هذي الكيزاشي




و هذي ليقاسي

كلام الناس كثير و القيل و قال مالها فايدة الا اشاعات

انا مجرب السوزوكي sx4 السيارة من افضل السيارات من فئتها من ناحية الداخلية انا داخل الاكسنت و داخل اليارس و داخل الكوريلا و اشوف السوزوكي افضل

و السوبارو ليقاسي و الكيزاشي عينان براس بس اشوف الكيزاشي افضل لانها جديدة بسوق و راح تحس انك مميز

^^^

شكلها على الطبيعه رووووووووعه انا شوفت وحده فل كامل يلي تجي اعتقد بجنوط 18 في طريق جده-مكه صراحه شكلها جدا ملفت بس مستغرب اني شوفتها مع انها مانزلت حسب علمي في الوكاله ؟؟ !!

عموما ارشح الليقاسي في النهايه :D

ابعد عن سزوكي ترا مايمدحونها

وبعدين السوبارو رساوتها قويه , واجمد من ناحيه الكرف

نسيت نقطة عن الكيزاشي انها تجي فيها زينون للفل الكامل

و ارى الكيزاشي افضل بما اني مجرب السوزوكي و اشوفها سيارة اعتمادية من الدرجة الاولى و ما تاكل قطع غير الاستهلاكية

الكيزاشي الفل مظهرها رائع, واللجسي لها هيبتها الخاصة
كلا السيارتين بفاخمة داخلية لا تقارن بمثيلاتها, والي يقارن بداخلية السوناتا فالفرق مثل ما بين الليل والنهار
الوكيل حتما لصالح بامعروف - بصراحة جربت اللجسي وليس السوزوكي
السعر لصالح الكيزاشي بفرق
كلا السيارتين لو اضطريت تبيعهم عن قريب فلن يكون الامر سهلا

في النهاية جرب السيارتين وكلاهما قيادتهم ممتعة, وممكن تشوف الكوري والمازدا 6 , وموفق ان شاء الله.

ما اشوف في احسن من الليجاسي ف فئتها ولو كتبت ماراح اخلص لكن شوف الموضوع حقي ع اليمين عن الليجاسي طبعا يمكن يفيدك ..

شكرا لك ..

وعليكم السلام ورحمة الله وبركاته

اولا: شكرا لك على المعلوات المفيدة ^.^

ثانيا:

لايختلف اثنين على ان الليجاسي افضل من الكيزاشي في اغلب الجوانب

مثل القيادة والتقنيات والامان والمحرك والحجم والاسم

ولكن بالنسبة لي اذا جيت اشتري فخياري راح يكون الكيزاشي وليس الليجاسي

والسبب:

1-
الكيزاشي اقرب سيارة لشركة سوبارو
وكانها احد سياراتها وصراحة الكيزاشي تعتبر ثورة
وماتوقعت انها تصل لهذا المستوى

2-
مواصفات الكيزاشي افضل بشكل عام
وتقنيات الرفاهية فيها اكثر

3-
عزمها افضل من عزم الليجاسي (اذا كانت الكيزاشي قير عادي)
لان الليجاسي تسارعها في بحر ال8 ثواني تقريبا

4-
رغم ان الكيزاشي دفع امامي الا ان قيادتها مميزة جدا
وهي اقرب سيارة من هذي الناحية للسوبارو

5-
كلا السيارتين جودتهم عالية
لكن الكفّة تميل للكيزاشي

6-
سعرها ارخص
رغم ان كلا السيارتين سعرهم فيهم

7-
وهذا السبب الرئيسي واللي يخليني استغني عن الليجاسي مقابل الكيزاشي اذا كانت السيارتين مجاناً !
وهو الوكيــــــــــــل
اللي مايجيب قطع الا في النادر
وحتى المهندسين عنده مو مرة
وكل واحد يفتي من راسه وكل واحد يقولك سعر والمعاملة معه عذااب
وحتى وكيل سوزوكي سيء لكن ارحم بالف مرة من اليمني

.

لذا, ارى ان الكيزاشي افضل خيار في فئتها بشكل عام

وماراح تلقى مثلها باقل من 100 الف

قد تجد سيارة مواصفاتها عالية كالسوناتا ولكن امانها ضعيف جدا جدا وجودة موادها اقل من الكزاشي

وقد تجد سيارة امانها عالي كالليجاسي لكن مواصفاتها اقل ووكيلها لايصلح للمعاملة البشرية :mad1:

بالضافة الى ان شكل الكيزاشي على الطبيعة جدا جذاب وله هيبة ماشاء الله

خصوصا اذا كانت الفل (سبورت)

وهي كما ذكرت سابقا....اقرب سيارة الى مستوى سوبارو من ناحية القيادة والجودة

وقطعها متوسطة السعر وقد تكون مرتفعة قليلا (تقريبا اسعرها قريبة من اسعار مازدا)

لكنها ارخص من هوندا بكثير

وبالتوفيق^^"