استفسار عن تركيب زينون للفورد توروس

مبروك عليك السيارة والله يعطيك خيرها ويكفيك شرها .. بالنسبه للزينون

اخوك ماخلى شي ماجربه .. حتى زينون الوكالة ركبته وطلع ابو كلب .. واسترجعت فلوسي اضف الى ان التركيب مش حالك هذا وهو وكالة طبعا الشركة المتعاقدة مع الوكالة

واللي هي Pit Shop ونصيحه لا تروح لهم نهائيا .. انا اعطيك الخلاصة اللي تريح راسك

جب لك ياطويل العمر .. محولات هيلا اصلية .. مع وصلتها اللي تركب على الفورد

اذا فكرت بالموضوع راسلني على الخاص اعطيك رقم الرجال اللي اعرفه يوفر لك محول

الهيلا الاصلي وسعره تقريبا 1200 والرجال ثقه انا شاريه منه ومركبه على الجيب وفكيته يوم بعت الجيب وركبته على التوروس

لازنه ولا هم يحزنون .. وتحتاج ياطويل العمر شمعات مقاس 9005 لون 4300 كلفن

افضل لون واحسن واوضح من 6000 كلفن لا بالشكل ولا بالطريق

وتحتاج كتاوت اصلي ممكن الرجال يوفره لك او يجيب لك كتاوت عادي ..

ثمن بيرسلك على الكهربائي المتخصص بالشغله هذي لأنه ما شا الله تبارك الله فاهم بشغله صح وتركيبه عال العال وهو اللي رهم لي عدسات على الاكسبلورر بشغل احترافي

الشمعات اذا تبي اصلية غاليه شوي وماهي متوفره هنا انا حاليا اخذت من عند الكهربائي شمعات صينيه 4300 كلفن .. وكويسه ونورها تمام .. الاصلية يطلبها الرجال من برا بس غاليه الفيليبس اصلي 1500 والاوسرام اصلي 1250 هذا سعر الشمعات فقط

وللمعلومية مقاس 9005 هو مقاس النور العالي .. وعشان كذا توفره صعب اضف الى انه ممنوع في أمريكا على السيارات اللي شمعاتها كريستال .. يركب فقط على العدسات

1500 ريال = محولات هيلا اصلية + شمعات صينيه 4300 كلفن وتوصيلات وتركيب

وراح تدعي لي .. انا مركبها عندي .. والرجال متعاون وحبوب وراح يوريك محول الهيلا

ويعطيك مقارنات وكل شي بيجاوبك عنه .. ومايخليك تدفع شي الا وانت مقتنع تماما

وراح يعطيك الافضل .. طبعا بس عشان ماحد يقول اسوي دعاية انا فقط اللي يحتاج شغله

ادله على هالرجال ولاني قاعد اطامر بالمنتديات واحط رقمه ..

تحياتي لك