ما رأيكم بعد زلزال اليابان أشتري أفالون أو تورس ؟؟

aramco786 @user_61614 · 20-03-2011

السلام عليكم ورحمة الله وبركاته

اليوم كنت في وكالة عبداللطيف جميل وسألت عن الأسعار فقال لي أنها زادت تقريبا 4000 ريال عن قيمتها قبل الزلزال وأيضا قطع الغيار ارتفع سعرها ويمكن راح ترتفع أكثر !!
أنا سألته عن الأوريون قراندي 2011بدون شاشة فقال 107000
والأفالون ليميتيد 2011بدون شاشة 130000
بعدين رحت لتوكيلات الجزيرة لقيتهم رافعين السعر 2000 ريال !! مع أن مالهم دخل بالزلزال
يقول سعر التورس 2011نص فل كان 97000 وصار 99000 للدفع الأمامي أما الدفع الرباعي ب105850 ريال سعودي

ايش رأيكم يا شباب هل أفكر في الياباني أو الوضع الحالي في اليابان ما يشجع ؟؟
أو أشتري لي أمريكي أحسن مع أني أميل من ناحية الشكل إلى الأفالون الجديدة .

نافعكم كلكم @user_39749 · 17-06-2011

الله لا يوفقك هالوكلاء والله يحاسبهم على ظلمهم للعباد يعني مغير رفع اسعار طوول السنه ولا جا رمضان جا معه الخير وآخرتها تخفيض لسعر السياره زي ما كانت اول السنه ومن بعد الزيادات يشيل زيادات السنه كامله ويقولك تخفيض

انا انصحك بالتوروس

اكسبدشن ليمتد @user_263199 · 17-06-2011

والله ما ينفع مع هالاشكال الا المقاطعة

aramco786 @user_61614 صاحب الموضوع · 21-03-2011

تذكرون يوم سوى الشعب السعودي مقاطعة لأبوجميل فترة من الزمن
والله يبيلهم يقاطعونه مرة ثانية الين ما ينضبط ويخلي عنه الجشع .

صنقروو @user_252085 · 21-03-2011

اصلا الزلزال صار بسبب ان شركه تويوتا قررت تنزل جيد يديد من السيارات السنه اليايه

البرنس هاشم @user_255279 · 21-03-2011

والله اؤيد تاخذ التورس ولا تحتار

m_001 @user_240750 · 21-03-2011

غريبة يااخوي ...

مصائب قوم ٍ عند قوم ٍ فوائــــدُ ....

المفروض من الوكلاء انهم ينزلون الاسعار .. في هذه الفترة من اجل كسب الزبائن لان الناس في هالوقت متخوفه من السيارات اليابانية .. وبالذات من ناحية توفير قطع غيار السيارات ... لان الوضوع لو بقي على ماهو عليه لفترة اطول .. راح تصير مشكلة في توفير قطع الغيار وخصوصا ً في دول الخليج لانها اكثر الاسواق استهلاكا ً وتملكا ً للسيارات اليابانية ولان جو الخليج يجعل قطع الغيار الاستهلاكية اسرع تعرضا ً للتلف ...

FireBox @user_233434 · 21-03-2011

طيب اذا انت تقدر على قيمة افالون ليمتد خذ التورس فل افخم ( مواصفات خيالية ) واجمل ومعاة صيانة مجانية بعد ...

~ شبيه الريح ~ @user_146592 · 21-03-2011

التورس افضل خاصه الفل كامل
وخل تويوتا ترتفع اسعارها للدبل
يعني استغرب مصانع تويوتا اكثرها خارج اليابان ليه تتأثر بعد الزلازل
هذي لعبه من الوكلاء

أنـــــس @user_34305 · 21-03-2011

كلها سيارات رائعه ولها وزنها

اقترح عليك تجربة السيارتين حتى تقرر وتحكم

موفق

aramco786 @user_61614 صاحب الموضوع · 20-03-2011

الله يعين الشعب السعودي على أبو جميل
إن شاء الله يأدبونه الهيئة الوطنية لمكافحة الفساد اللي يقولون عنها !!
وتسلم لي يا الغالي على ردك

genes power @user_202671 · 20-03-2011

وعليكم السلام ورحمة الله وبركاته

ايش دخل الزلزال ....وايش دخل اليابان حتى !!

الافالون امريكية يعني ماتضررت ومصانع تويوتا المتضررة فقط مصنع يارس

لكن مدري ايش بلاه ابو جميل رافع الاسعار على الفاضي....لو مرض الرئيس الياباني قال رفعنا الاسعار !!

لكن دام انه رافع الاسعار ويخدع الناس هذا غير التلفيق المسبق للافالون

فالافضل تبعد عن تويوتا كلها

وترا الاضرار اغلبها لمصانع ماتُصدّر للسعودية يعني اغلب الياباني ما منه خوف لكن ارتفاع الاسعار ماله مبرر !..!

وبالتوفيق^^"