باركولي شريت هونداي النترا 2011 ومحتاج نصائحكم وخبراتكم

بالتوفيق اخوي وخير ما اخترت ان شاء الله

الله يعطيك خيرها ويكفيك شرها

بالنسبه لتساؤلاتك

وقت التمرين الى 1000 كيلو انصحك تمشي على 100 ما تتعداها والمكيف عادي شغله

بعد ال 5000 الف كيلو ودها للوكاله وطبعا مافي صيانه مجانيه كله بفلوس

لذلك سو مثلي واختصر الوقت واذا ما عليك فيها اي ملاحظات بعد ال 5000 الف كيلو
اشتر زيت وسيفون وغيرهم برا افضلك

البنزين المناسب 91 يوم استلمت سسيارتي قالي الموظف عبي 91 وعبيت منه وممتاز معي

التنسيم بالقزاز ضروري اخوي لانها بالنهايه من الفئه الصغيره 120 وطالع راح تحس فيه
لكنه زينه بالخط وافضل من مثيلاتها بالنسبه للكورولا عن تجربه

والمسجل مثل ما قالو الاخوان

والله يعطيك خيرها ويكفيك شرها

موفق

اول شي الف مبروك عليك السياره و الله يطعمك من خيرها و يكفيك شرها

النترا سياره راااايقه جدا داخليا و خارجيا و اقتصاديه جدا و انا اقولك هذا الكلام لأن معي النترا 2011 و ماشيه حتى الان 5500

من ناحية تمرين السياره لا تتعدى 120 عشان الزيت الي فيها زيت تمرين و عشان السياره جديده محتاج تحركها مسافه عشان تلين العضلات مع بعض

و المكيف شغله عشان اذا اكتشفت فيها اعطال ترجعها للوكاله يصلحونه لك افضل من انك تكتشفها بعدين

تروح للصيانه بعد 1000 كيلو و 5000 و 10000 و 20000 حتى 90000

الزيت انا استخدم سوبر شل على نصيحة احد الاخوان هنا في المنتدى و تغيره اول مره بعد 1000 كيلو و بعدها تبي تغيره على 4000 او 5000 مثل ما تحب

البنزين الافضل لها هو 91 الفل 22 ريال و يمشيك اكثر من 700 كيلو

من ناحية الرساوه فهي تعتبر ممتازه جدا مقارنه بفئتها و لا يضيق صدرك ان حسيت ان الرساوه مش و لا بد في النهايه هي النترا مو بانورما

تنسيم الهوا تلاحظه عند 120 و لكن هذا طبيعي بالسيارات الي من فئتها

المسجل يشغل ام بي ثري منسوخ و يشغل اصلي و يشغل الفلاش

و في النهايه اتمنى اني كفيت و وفيت و اي استفسار انا حاضر و الاخوان ما يقصرون

الله يباركلك فيها ويعطيك ويكفيك شرها بالنسبة للتمرين لاتدعس على السيارة حررق و شوي شوي عليها واذا القير عادي غير النمر بهدوء وبس

ما اعتقد سعر الالنترا الجديده يوصل 60 الف

اذا السوناتا ب 59 الف عايدي

و63 توماتيك !!

الانترا معي وبصراحه ماشفت منها الاى كل خير موديل 2009

كيف الحال
أخوي قلم عاشق
مبروك عليك السيارة وأنشاءاللة تجوف خيرها وكيكفيك شرها

النتراء من السيارات العملية جدأ جدأ وه أحسن من الكورلا واليارس وجميع السيارات بحجمها

وهي ثلاث وكلاء الوعلان والناغي والمجدوعي

ومن مميزاتها خفة دمها في قيادتها وركوبها وقطع غيارها ومن النوادر خرابها ف أختيار مفق ...

ومن ناحيت التمرين ما عليك خوف لو تبي تمسك عليها خط توكل على اللة ما عليك ألا تغيير الزيت ..

وأنا ضد ان السيارة كل يوم في الوكالة للتشييك فا النتراء ما يبيلها شي زيت وبنزين ولا تقلق نفسك مع الوكالة فهية ليست ( جاكور ) يعني ليست صعبة ومعقدة ؟؟؟؟؟؟

ومن عيوبها شيء واحد فقط لا غير ( ليست راسية في الخطوط الطويلة ) لا تسرع .

أي أستفسار لا تبخل علينا

تحياتي

شكرا لمرورك ياالغالي