السلام عليكم ورحمة الله وبركاته
شلونكم يالربع << هات الزبدة بلا هرج زآيد
سم أبشر...
ياجماعة الخير سمّوا بالرحمن وأذكروا الله وتعوذوا بالله من إبليس
أنا عندي قراند ماركيز 2003 وقدّر الله علي وسويت حادث عيد الفطر اللي رآح 1431هـ.
الحادث جاء على الكفر الأمامي من الجهة اليسرى
وخمّ معه الديكور والباكم والأسلاك
وشبّت نار بيسطة ولحقوا عليها الأجواد وطفوها
حاجة بسيطه ما تذكر
المهم بعد شهر من إسترخاء سيارتي في الورشة خلصت أخيراً
ولكن ظهرت مشكلة يوم شغلت السيارة
وهي إنها قامت تتفتف << مأخوذة من تفتف الموتر يعني قام يتنافض وهو مشتغل تقول خايف.
المهم ..
قالوا لي كويلات
غيرتها كل أبوها وما نفع
قالوا لي بخاخات
غيرتها كل أبوها وما نفع.
وطب على وآحد قال لي البلا من البلوف << بغيت أتلاقط أنا وياه
آخر شي رحت لواحد ابن حلال سعودي يقال له أبو عبدالعزيز في صناعية الشفا بالرياض
قال لي البلا من الكمبيوتر
رحت صلحت الكمبيوتر والحمد لله راحت التفتفه نوعاً مّا.
وطلعت مشكله ثانية
وهي إني لا صرت وآقف عند إشارة والتعشيق على الـ D زي العادة فجأة يتفتف الموتر وتولّع لمبة الـ check engen
رديته للورشة انهبلوا منه ولا لقوا له حل
رديته للورشة انهبلوا منه ولا لقوا له حل
وخليته عندهم لعل وعسى إنهم يملّونه منه ويحطون حليهم فيه ويصلحونه
وفي الأخير رحت به لخوينا أبو عبدالعزيز وقال إن البلا من الكمبوتر
وجبت له كمبوتر ولكن نفس المشكلة.
آخر ما صرح به مصدر مسؤول (( اللي هو أبو عبدالعزيز )) إن البلا يمكن يكون من الظفيرة.
وأنا ألتعن أبو خامسي من هالموتر
ما قدرت أستخدمه ولا قدرت أبيعه
وحالي مثل ما قال راعي المدري وشو:
(( جبرني هوى الماركيز غصبن بلا طوعي ،،، وذوّقني المرّ الحَمَر مخطر الحامي ))
(( مضى لي زمان أحيان نومي على كوعي ،،، أعدّ النجوم وتطلع الشمس ما نامي))
(( مضى لي زمان أحيان نومي على كوعي ،،، أعدّ النجوم وتطلع الشمس ما نامي))
فتكفووووووووون يا جماعة الخير
اللي عنده حل أو تجربه أو تصوّر أو أي شي يفيدني به الله يخليكم لكل عينن ترجيكم
والله تعبت وفكرت أنحر هالموتر وأفتك منه
وسلامتكم ،،،
مع تحيات::
((((((( ......... )))))))
