شباب انا عندي محل تاجير سيارات وافكر اجيب هالسيارات ؟؟؟؟؟؟؟

اذا عندك.. سيارهـ واحد. في المحــل فخمــه.. شوي. وانت تشوف انها ماشية يعني يستاجرونه الشعب وترجع. سليمــة حلووو اما سيارهـ ترجع خربانه انتبه لا تحط. فلووسك. في سيارات فخمـة وخر شي يستاجره واحد سوا يفحط. فيه او يطعس. ولا يسوي فيه شي وتروح الفلوس
انا انصحك. بسيارهـ سعرهـ قليل وماشيه ( كرلاه _ يارس _ اوبترا_ صني_ وماشبه ذالك/< يعني رخيصه وماشية..

انصحكم لا تجيب هاذي السيارات :a1120(121):

اخوي كلهم زينين

اذا تزيد الافالون احسن ...!

اخوي مافي شيء ما يمشي بأيجار السيارات

بس هي تعتمد على الموقع الجغرافي للفرع وعلى الموظف نفسه

انا عندي في بدجت فروع عليها طلب للسيارات الفاخرة وفي فروع عليها طلب للسيارات العائلية وفي فروع عليها طلب في السيارات الصغيرة

يعني اعتمادها على موقع الفرع والبيئة الي حواليها

وبالعكس انا اشجعك على الخطوة هذي وبصراحة اقولك اياها ربح السيارات هذي افضل من السيارات الصغيرة

بس لا اوصيك تهتم بالمميزات لأيجار هذي الفئة ويبغاالها دعاية قوية

هلا اخوي ...

في البداية اسال الله العلي القدير ان يوفقك في تجارتك ويرزقك منها الرزق الحلال الطيّب ..

اما بالنسبة الى السيارات التي تم ذكرها ..

فانا اتفق مع الاخوان .. ومن وجهة نظري ان تبيتعد عن السيارات التي اسعار صيانها مرتفعه .. ولو كان ارتفاعها او فرق اسعار الصيانة بسيط ..

انا من وجهة نظري ان تقوم باختيار سيارات اسعار صيانتها منخفضة التكلفة او بها عقد صيانه مجاني ..

لان اغلب المستاجرين لايقومون بالمحافظة على السيارة .. وبالتالي سوف تقوم بالدفع والتكلفة راح تكون لك اعلى من الدخل ..

وتقبل تحياتي

انا ما انصح بالامريكي في الاجار ما يتحمل
سيارات البر فكرة حلوة وبالذات اذا هي مجهزة بتانكي موية وونش بس انتبه من المهربين.

..................

اذا كنت في منطقة سيااحية .. "جدة .. الشرقية "

انصحك بالسياارات العائلية .. "يوكن , تاهو , ارمادا , سكويا "

وسعر التاجير تقريبا .. 400 الى 450 رياال ..

وبالتوفيق يا غاالي ^_^

اهم شئ خذ توروس و ماليبو و اكورد و قلي انت فين بتفتح المحل

كيف الوضع عندك الان وكيف تخريب السيارات
السيارات الفخمة تجيب سعرها بسرعة اكبر اذا كان عليها طلب
مثلا
عندك يارس ب 40الف 2011
ايجارها 100ريال
فرضا لو مشت 50الف ومتوسط 150 كيلو كذا بتكون طلعت لك حوالي 33الف
مثلا نقول الكامارو ب 160الف
سعر الايجار 1000ريال ومشت 30000كم ومتوسط 150
اذا راح تجيب لك 200الف خلال ممشى 30الف
في شركة الاسطول الحديث عندها دودج تشالنجر فل والان نزلت بانيميرا
والسيارات الصغيرة توجود فيها منافسة قوية خاصة مثل شركات زي ذيب وبدجت تمتلك اسطول كبير من السيارات الصغيرة خاصة الاكسنت واسعارهم رخيصة
شخصيا ان افضل التميز خاصة للمحلات الجديدة على السوق او الصغيرة

دامك صاحب محل اجار خل عندك هذي القاعده

السياره الي راح تشتريها دور فيها 3 اشياء .. سعر البيع وسعر الصيانه و الجوده

وهذي المواصفات تتوفر في السيارات الصغيره و الكابريس والفكتوريا اذا سعر البيع ما يهمك

خذ لك السيارات المطلوبه واللي لها حاجه ..
يعني سوبربان ، يوكن .. وهالنوعيه لـ العائلات اللي بتسافر ولا عندها سيارات كبيره ، وعليها اقبال صدقني !
خصوصاً بالصيف ، راح تطلع ذهب من وراها ..

والسيارات الصغيره "اكسنت - يارس - افيو ....الخ" بحيث تكون رخيصه ، لـ اللي بيمشي حاله فيها الين تطلع سيارته من الصيانه ، او يتعلم عليها ، وهالاشياء ..

اما سيارات السرعه والتطعيس والدرفته ابعد عنها .. ما راح يجيك من وراها الا وجع الراس !

وانا اخوك خذلك كم سياره تورس وكم سيارت جمس وراح تشوف الناس نمل ان شاء الله

أنا افضل تاخذ السيارات العمليه تكون افضل يعني عندك
كامري - التيما - اكورد - سوناتا - كابريس - كروان فكتوريا - قراند ماركيز - تشارجر 2010 لانها بتطلع عليك رخيصه لو تبغاها

الا بيستاجر شارجر او اف جي او شاص او كومارو بينعل خير خيرها سواء تفحيط او تطعيس ..
فـــ انا اقول مثل mso فكتوريا ماركيز كابريس يكون احسن .. وسلاام