N أبورغد N@user_188471RiYaDh 4X4 GrOuP·
26-01-2011
ماشاء الله عليكم
رحله موفقه وممتعه
الله يجمعكم دوم على خير
وتسلم على التقرير المميز
*
* ابو باسل *@user_93964RiYaDh 4X4 GrOuP صاحب الموضوع·
26-01-2011
وهذا صحن ثاني وجلسنا ونسينا السلطه ههههههههههه
بس تذكرها الي قطعها لانه هو الي قطع البصل مايمكن ينساها وقام وجابها لنا وعلى قولة المثل ينسى الضارب وماينسى المضروب هههههههههه
مافيه غير كب على طوووول
وبعدها تقهوينا قهوة العصر بس متأخره شوي لانا خلصنا شغلنا وضفينا عفشنا وماخلينا غير اغراض القهوه والشاهي
وكان فيه دلتين على المزاج وبراد شاهي ماتنسى ابد
وحان صفط اخر رواق وكل واحد منا يناضر الثاني ويقول تكفى لاتسرع على مهلك واعلن بعدها ساعات الرحيل والنفس بها ما بها على انتهاء يوم كان من اسعد ايام الحياة برفقة النشاما الي لهم النفس رايح تشتاق وتشتاق لمقابلتهم في اقرب وقت وفرصه
خلاص باب السواق مفتوح والهلي تقول يالله مشينا عجل علي
اعلنت ساعات الوداع لاخر مجموعه بعد ممشى اغلب الشباب وكلهم كان عندهم اشغال تركوها على شان الطلعه والجمعه الله يوفقهم جميع
التقطت لقطات اخيره للموقع قبل الممشى ولساعات الغروب
بعد مانضفنا مكانا وجمعنا جميع النفايات من المكان
وكان شعارنا اترك المكان كما كان او افضل مما كان
مشينا وتركنا خلفنا ساعات كانت ثمينه من حياتنا ولاكن جعلها الله لنا ساعات من ساعات الجنة في الدنيا وساعات من ساعات السعاده في الدنيا واحمد الله الي جمعنا وفرقنا على خير وطاعه وحب وتقدير .
وبعد ما اخذنا في طريقنا فتره بدت تمطر بفضل الله ورحمته وهذي اثار المطر على القزاز وصادف وجود اللوحه الي قدامي
في الختام [COLOR=Red]اشكر جدا اخي ابو رغد على توصيفه لي للشعيب
واشكره جدا لانه هو الي دلني عليه وسبق له هو ويا شباب قروب الوسطى الطعله له قبل طلوعي له بحوالي 4 اسابيع وماصادف طلعوي معهم في ذلك الوقت
والحمد لله طلعنا حنا له بعد السيل الي جاه وكان موقع لايعلا عليه.
اسأل الله ان يجمعنا على طاعته دوم واسف جدا على الاطاله .[/COLOR] اخيكم ابو باسل
*
* ابو باسل *@user_93964RiYaDh 4X4 GrOuP صاحب الموضوع·
26-01-2011
الريحه تدوخ والشغل عدل
اللون يحكي عن الطعم وفن ومهارت الطاهي
بس يفك ويحط في الصحن وحنا شغالين هههههههههههههه
اه بس ليتك عندي الحين والله اني جعت ههههههههههه
تفصيل اللحم ووضعه في القدر استعداد لاعداد وجبة الغداء
وزنية الماء الي مضبوط ميه في الميه وطلع بعدها مرق وش اقول بس مااقدر اقول شي ابد
وبعدها سكرنا القدر وخليناه ياخذ راحته
وهنا واحد من الشباب يقطع البصل وجزاه الله خير هو الي تبرع وحلف ما احد يقطعه غيره
وتحمل كل انواع البكاء والدموع ههههههههههه
طبعا البصل والطماط حق السلطه المكشاتيه سنايدي والله تكاتف ما شفت مثله ابد بين الشباب وفقهم الله
طبعا ضبطنا القصدير بعد ماطلعنا اللحم وحطينا اللحم فيه وقفلنا عليه زين على شان نعطيه نكهه خاصه جدا .
وهنا بعدها حطيناه على الجمر في نفس الوقت الي كبسنا فيه الرز وبعد مايخلص الرز نشيله عن الجمر
الله الله على الشغل
على طول غرفنا الرز وفكينا القصدير عن اللحم وطلع بهذا الشكل ولو خليناه زياده كان طلع احسن واحسن بس على شان الرز انتهى طلعنا اللحم معه وكان عليه ريحه تذوب النفس هههههههههه
المشروبات ولا تستغربون الثلج بس هي كذا ماتصلح غير بارده ههههههههههههه
جاهز الغداء ياشباب والله ياهي كانت كبسه غير غير مدري وش اقول ابي اقول كبستنا غير وبس
[COLOR=Red] الرجاء عدم الرد يتبع[/COLOR]
*
* ابو باسل *@user_93964RiYaDh 4X4 GrOuP صاحب الموضوع·
26-01-2011
ضبطنا محل جلستنا وبنينا اروقتنا على شان الهواء وكانت جلسه وناسه بكل معنى الكلمة
وهنا مكان الغسيل والصندوق بعد مانثرنا كل الي فيه وياسهل نثره وياصعب جمعه بس برفقت النشاما يصبح سهل .
حطينا برادنا على النار على شان تزين علومه وتقهوينا من الزمزميات الي جابو الشباب في انتظار
الماء يغلي ونضبط قهوة الضو .
[CENTER]سوالف وجمعه تسوى الدنياء كلها الله يعيدها علينا على خير طبعا الوقت لايزال مبكر يعني حوالي عشر ونص وكنا نحسب لكل ثانيه لان الوقت يمضي بسرعه خياليه من الجمعه الحلوه الي ماتنمل
زانت علوم المهيله ياراعيها والله ان الفنجال منها يصقع في الراس سلمت ايادي ضبطتها وكانت دلتين مع بعض ولا كفتنا قفيناها بثنتين ههههههههه
وهنا جاء الحلاء سلمت ايادي سوته والله يحرمها عن النار حتى وحنا في البر يبقى ابداع بنات حواء ومشاركتهم لنا بكل خير معنى وكان طعمه وذوابنه في الفم يحرك في الراس النشاط والحيويه .
اصلاً ما امداني اصوره غير وهو ناقص كم حبه لا وتم مسحه بعد في ثواني هههههههههه
وبعد القهوه والحلاء والعلوم الغانمه قلنا ناخذ لنا جوله على رجولنا نتمشى في المنطقة وكانت الساعه تقريبا 11 ونص
هناك واحد توه جاي من بعيد واخذت له صوره على الطاير
صوره لمكان جلستنا .
السيل يمشي في كل مكان وهو جاي قبلنا بيوم بس ماشاء الله ما بعد انقطع .
صوره لجريان الماء ماشاء الله
وبعدها رجعنا لمحل جلستنا وقلنا نشوي الكبد وبعض الحم الين يجي الغداء تصبيره يعني هههههههه
قلب الكبد يامقلب
ياســــــــــلام
الله الله على الطعم ولا الابعد ماخلص زبط ملحها شي يخرش المخ هههههههههههه
لايزال الشيف مواصل في ابداعه سلمت يمينه
يتبع الرجاء عدم الرد
[/CENTER]
*
* ابو باسل *@user_93964RiYaDh 4X4 GrOuP صاحب الموضوع·
26-01-2011
طبعا مافيه في المنطقة غير حنا والي قابلنهم حقين قناة الصحراء بس يعني جميع انواع الهدواء والي مر علينا بعدين يمكن ثلاث سيارات بس وكلهم طرقيه ما احد جلس غير واحد جلس افطر جنبنا يمكن ساعه ومشى وبعدها ما عاد شفنا اي ازعج سياره الين مشينا منطقة هاديه وبعيده وهذا الي محليها ومخليها نضيفه
قطعنا الشعيب وحاذيناه من يمينه وقلنا نبي ندور مكان نجلس فيه على شان نفطر اول بعدين ننتقل لمكان الغداء والجلسه
وهنا وقفنا على شان الفطور وكانت الساعه 8 تقريباً
الشباب ماقصرو نزلو اغراض الفطور وزبطو مكان الجلسه وبدو يفطرون وانا كنت اصورهم وراح علي الفطور مافيه تفاهم على طووول شغل ههههههههه
بس والله مااضلمهم كلهم زهموني بس انا كنت مشغول شوي واخذت لهم صوره على الطاير وعلى طوووول معهم على الفطور
هنا عريكة بر وسمن وعسل الله يحرم النار على ايد سوتها
وهنا بعد عريكة بر وسمن وعسل الله يحرم النار على ايد سوتها ويجعله في ميزان اعمالهم طبعاً الفطور جايبينه الشباب معهم من البيوت
بعدها ارسلنا اثنين من الشباب على شان يشوفون محل زين فيه ضل وارضه جافه شوي على شان نقدر نجلس فيه باقي وقتنا .
بس اشوف الفكره راقت لباقي الشباب وقالو حنا نبي نشارك
طبعا انا بعدهم اخذت جوله في المنطقة الي حولي وكل ماجيت شجره الا واحصل تحتها المكان مليان ماء وطين بعد الجفاف الي شافته طول السنه سبحان الي رزقها المطر واسقاها .
وشفنا ذيك الشجره انا والشباب الي جلسو معي قلنا يالله خلنا نروح لها ونشوفها يمكن مكانها جاف شوي .
ويوم وصلت لها الا واشوف هذي المسيله الي ود الواحد يجلس فيها بدون فراش
اتصلت على الشباب وكانو يحاولون يدخلون الشعيب بس كانت المنطقة كلها طين وباقي ماجفت زين وكل ماشافو محل زين ماقدرو يوصلون له والمكان الي كانت الاشجار فيه بكثافه كان كله مجمع ماء ولا احد يقدر ياصله بالسيارات
المهم الشباب حصلو الطعوس قداهم واخذو فيها كم لفه ورجعو لنا . صفطنا عفشنا من جديد ونبي نتجه لشجرتنا
بدينا ننزل عزبتنا ونزبط محل جلستنا وكلنا طاقه وحيويه بعد الفطور الي اعطانا نشاط غير طبيعي كثر الله خير من جابه
والله اني ماانسى لذته الى الحين
وهنا الشباب وشبة النار
ياسلام الحين تجي العلوم الزينه والدفى
الشباب والكل شغال في التجهيزات
وهذي ذبيحتنا نزلناها وزعنها في الصحون على شان يهبها الهواء
وهذا الراس يقول انا وش جابني في ارضكم هههههههههههه
