ما رأيكم في شراء تويوتا فورتشنر او اف جيه او كيا سورينتو او فورد اكسبلوور 2011 ؟

طيب وش فية الاكسبيدشن الحجم القصير وتقدر تقارنة باليوكن القصير او التاهو..!!
ومشاءالله وسيع + قوة + فورد وقطع غيارة متوفرة + نظام امان مرة ممتاز + والمكينة 8 سلندر + ثلاث مراتب .... وفوق هذا كلة سعرة 109000 الاف ريال لا ومسوين علية عروض اليومين هاذي يا تلحق يا ماتلحق

<<< توهـ يسكت من الضحك

أنا انصح صاحب الموضوع بالاكسبلورر من واقع تجربة لمده 5 سنوات شبابي - عائلي - سيارة بر ... وشكرا

الفورتشنر عن تجربة - وخلك من كلام هايلوكس مصندق طياره سبورت ثلاجه برمائيه = السياره استخدمتها 4 سنوات ونصف - غير جلد مساحات مع الفحص وبنزين وزيت ماحطيت لها - عند المطب مااوقف " غير محافظ " وماشيه زي اللوز - اطلع اسرتي واهلي - حول 10 بالسياره - وانا وزن ثقيل ومرتاح ع المرتبه - طبعا 6 سلندر الى اتكلم عنه - كم مره طحت بزحمه ومن فوق الرصيف - ولا يقول اتششششششو الفورتشنر سياره عمليه - وقطعها في هايبر بنده " توويوتا " ^_* والله يكتب لك الخيررر

الاف جيه شلته من راسي ما ينفع للعائلة

والله عندي خيارين الموهافي او السورينتو 2011

المشكلة الموهافي شكلها ميتغير بعد سنه او سنتين
والسورينتو ما فيها دبل ميكانيكي
الدبل الموجود فيها الكتروني يعني ماهو دبل حقيقي

1- اف جي
2- سورينتو

وحده من الثنتين هذي وريح راسك

الفورتنشر6سلندر للعائلة خيار ممتاز
ويتحمل ويكد ويأخذ ممكن 10 اشخاص لاتستغرب من هالمعلومة
وبخصوص الوسع ماشاءالله وسيع من الداخل
ونسبة الراحة 7/10 لكن من يقول غير مريح هذا ماجربه
اما السيارات الأخرى فلم اجربها صراحةً.

الباجيرو ممتازة

بس إذا عزمت عليه لا تأخذ أقل من الفل كامل بمحرك 3.8cc

خليجي وارد الإمارات بـ 113

أخوو البلاش

انصحك في الاكسبلورر
بس حاليا وعلى كلام موظف في توكيلات الجزيره ما فيه 2011 الشركه ما بتنزله السنه هذي وبتنزل السنه الجايه موديل 2012

والله يا جماعه كل آرائكم على راسي
صحيح الفورنشتر هايلكس مصندق وحسيت انه ما ينفع
والاف جيه شبابي وحلو بس ما ينفع للعائلة ما ياخذ غير 5 ركاب
اما الاكسبلورر صراحة عالي بزيادة بقيمته اخذ يكون 2011 نصف فل ودبل
اما الكيا سورينتو صراحة حلوةبس انا الي ما خش مزاجي انها في الاخير كيا
صح ان كيا تطورت وفيها انظمة ممتازة بس تبقى كيا وفي حاله احتجت وبعت الموتر ما يجيب شي

وهنا المشكلة

الباجيرو ببحث عنها وبشوف

والله لو انا مكانك وهذه الخيارات المطروحه راح اختار الكيا سورينتو خصوصا ال 6 سلندر فل كامل مواصفاته ممتازه وشكله رائع

الفورد اكسبلورر
حلو ولكن الشكل الجديد سعره راح يكون خيالي حاله حال الايدج الجديد الليميتد قيمته 145000

الفورتنشنر
ما ازيد على كلام الاخوان عباره عن هايلكس مصندق وكثير عليه 50000

الاف جي
جيد بس مشكلته ضيق وباب ونص ( على قولة واحد من الشباب شراه اول مانزل يقول الباب الثاني كنه باب ثلاجه :c008:)

وفقك الله لما يحب ويرضى

اكسبلورر اولا

فورتشنر قوة + شكل غبي + امان معدوم + هايلكس مصندق

كيا حلوه اذا ماتفكر تبيع بعدين

اف جي سيارة مراهقين وتفحيط

اذا تبي سيارة ثلاث صفوف مراتب وبنفس الوقت شبابية ..
خذ الباجيرو 3.5 جلد فتحة بـ 110 الاف ريال ..

FJ آلآفضل ..!!

طالما إنك ذكرت اسم فورد بين الخيارات فالجواب المنطقي دوماً هو فورد !

وأصلاً من الظلم انك تقارن سيارة ممتازة ومتكاملة مثل الاكسبلورر مع سيارات رديئة وفاشلة مثل كيا سورنتو !! أو تويوتا فوتشنر !

أما الإف جي فهي ذات طابع مختلف تماماً ولا تقارن بأي من السيارات المذكورة

الكيا برا من اولها

الاف جي لايصلح عائله والمواد المصنعه مو بجوده عاليه بلاستيك

فورتشنر ممتاز لو كان 6 سلندر فل مع انه رفيع بشكل زايد وخطر

الاكسبلولر الافضل لك قوه تحمل اداء عائلي

الاف جي ممتــــــــــــــــــــــــــــــــاز جدا

الأف جي باب ونص والصف الثاني وصندوق الأمتعة فيه ضيق
من رأيي أنها سيارة طرقات وعرة ومغامرات ، لا تناسب العوائل أبداً ( سيارة رياضية )

الفور تشنر قوي جداً خصوصاً v6 لكنه غير مريح
السيارة بشكل عام جيدة وتناسب العائلة الصغيرة ( من 5 إلى 7 أشخاص بالغين كحد أعلى ) مع إبقاء الصف الثالث والاستغناء عن صندوق أمتعه .
نظام الأمان والسلامة فيها صفر !

الأكسبلورر قوية ومريحه
السيارة بشكل عام ممتازة ونظام الأمان فيها قوي بعد الله سبحانه وتعالى وتتفوق على الفور تشنر بمراحل من هذه الناحية
السيارة تناسب العائلة الصغيرة أو المتوسطة أيضاً ( من 5 / إلى 7 أشخاص بالغين ) مع إبقاء الصف الثالث والاستغناء عن صندوق الأمتعة
هذا بالنسبة للموديل 2010
الموديل 2011 للأسف لا أعلم عنه لكنه يختلف إختلاف كلي عن الموديل 2010
بالتوفيق