اهل البورش ابي رايكم

انس .. الدليل انها الصاجات الامامية و الخلفية حلوة انك تجدها في صور سيارات بورش التيربو اللي في الموقع على اساس انها السيارة المثالية في الشكل.

ثانيا انت شوفها بنفسك في صور الموقع واحكم.

شيئ ممتاز من ساماكو انه يوفر لك امكانية بناء مواصفات سيارتك بنفسك !!!

ما توقعتها منه

يا ريت باقي الوكلاء مثله ,وكل واحد يصمم سيارته !!!

وموفق في سيارتك

يعطيك العافية يا ابو تركي انا حطيت صاجات امامية فقط لان الي كان يسوي لي عرض السعر قالي لاتحطها لان ما لها داعي ابدا انت كيف تنصحني احطها او لا
بالنسبة لعلامة البورش حطيتها

انس .. مواصفات روعة و الوان فعلا مميزة ...

باقي شغلتين داخلية و خارجية

١- الصاجات من اسفل السيارة من الامام و الخلف (شكل و حماية).
٢- طبع علامة بورش على وسادات الراس.

و بكذا تكون فعلا السيارة خرافية.

ملاحظة اخيرة : ماني متأكد اذا انوار الزينون زي التيربو ولا لا .

مبروك مقدما و يعطيك خيرها و يكفيك شرها.

يحفظكم ربي يالغاليين على الاهتمام والرد على تساؤلات الاعضاء
بس انا ابي رايكم في المواصفات انا اليوم رحت المعرض واخترت مواصفات السيارة فابي رايكم فيها
1/ اللون الخارجي عودي
2/ اللون الداخلي اسود
3/ الدركسون رياضي
4/ حزام الامان و العداد لونها احمر
5/ كاميرا خلفيو اماميه
6 / سقف بانوراما
7/ جنوط 21 انش 911
8/المفتاح على لون السيارة
9/العادم رياضي
هذي هي ابرز الموصفات الي احتاج رايكم فيها بالنسبة للسماعات الرجال الي كان معي في المعرض قالي اني ما احتاج احط سماعات لان السماعت الاستاندر الي مع السيارة كويسة

نسية منتد السيارة منتد فيه أخلق حسنه

مشاء الله أحسان الله إليكم مع تحية الفارس911

انس .. صار فيه اخذ و رد قبل فترة بسيطة في هذا الموضوع .. و عشان تاخذ الخلاصة .. هي ان السيارات اللي موجودة في الوكالة هي مطلوبة بمواصفات معينة اضافتها الوكالة من عندها .. لذلك وبالطبيعي يكون سعرها غير الموقع .. و لكن لو بتطلب السيارة كطلبية الوكالة ملزمة بسعر الموقع .. و لكن عليك الانتظار من ٣-٥ شهور حتى توصل .. هذا اللي انا سويته شخصيا.

لذلك .. رح للموقع .. واختار Build up your car .. و بعد ما تضيف المواصفات وتخلص بتشوف السعر النهائي .. اطبعه ورح للوكالة واطلب السيارة وهم ملزمين بتوفيرها لك بالسعر الموجود بالموقع.

اخوي SNOW كلام ابو تركي مظبوط لو انت تبي تطلبة طلبية الاسعار تبدا من 250 الف ريال

8

لآ آخوي آبو تركي آنآ مريتهم قبل فتره ,, آقل نووع آلسيآحيه جدآ بـ 280 آلف

اخوي انس

البورش اقل نوع يبدا من ٢٥٠ و ليس ٢٨٠

راجع الموقع.

مشكور يا ابو تركي على المعلومات الحلوة بس ترا السيارة تبدا من 280000
بدون اي اضافات الجنوط 21 كاريرا شي لا يوصف بس المشكلة مرة غالي الجنوط لوحدها ب19400

انس

من وجهة نظري اهم شي الجنوط (جنوط كاريرا ٢١ راااائعة). يليها البانوراما (رخيصة البانوراما اعتقد انها ب ١٤٠٠ ريال و رائعة اذا انك بتاخذ اللون ابيض) يليه الصاجات امامية و خلفية من تحت السيارة لحمايتها من المطبات و الارصفة و معطية شكل جميل و رخيصة ايضا .. اخر شي كاميرا خلفية. الى الان بتكلفك السيارة ٢٧٥ الف ريال.
لو عندك مبلغ زيادة و ما تدري وين توديه .. غير السماعات الى (بيرميستر) الالمانية .. يركبولك ١٦ سماعة و امبليفاير تعطيك قوة صوت اكثر من ١٠٠٠ واط مع توصيلة للايفون. و بتطلع عليك التكلفة الان ٢٩١ الف.

غير كذا ما في شي مهم يتركب..

يعطيكم العافية يا شباب على الردود
بس ايش المواصفات الي تستحق اني اضيفها على السيارة
انا رحت المعرض و خلتيه يسوي لي عرض سعر بمميزات جنان شي خيالي بس السعر طلع غالي يعني على وصل 340000
وهي بدون اضافات 280
ابي اخذ رايكم في الاضافات المهمة من وجهة نظركم لاني بصراحة ما اقدر ادفع ذا السعر

والله ياخوي تستحق الانتظار
أما بخصوص إنها استاندرد
الفرق بينها وبين الفل في V6 :
1- السقف البانورامي
2- الكاميرا الخلفية
3- حجم الجنط
وحتى مواصفات الاستاندرد ولا أحلى منها
لما تمشي بسيارة بورش غير لما تمشي بسيارة BMW
أما بخصوص الصيانة
على كلام الإخوان إنها سنتين مفتوح العداد لكن هل قطع غيارها في السنتين مجانية ولا لأ؟
ياليت اللي عنده خبر مؤكد يجاوب لنا
الله يوفقك وييسر أمرك

اخوي انس
من وجهة نظري كسواقة البورش مافي مثله ابدا متعه فريدة من نوعها في الطريق
لكن مثل ماقالو الشباب تحتاج اقلها تاخذها بمواصفات معقوله اشان تكون مريحة لك
موفق اخي الكريم

انا اشتريتلي بورش تيربو من شهرين وباقي حوالي ٣ الى ٤ شهور حتى توصل .. بس انتظرها لو سنة ،، لاني مثلك سرقت قلبي من اول نظرة .. و فعلا كان معي في فرع الخبر شخصين يشترونها في نفس الوقت

في الفترة اللي فاتت كان هنا في كذا موضوع عن الكايين ومقارناتها تقدر تتصفح الموقع و تستفيد

و بالنسبة للصيانة فضمان بورش سنتين مفتوح العداد .. و في الاعتمادية تراها في القمة ...

والبي ام ما عليها غبار ايضا .. بس بورش مميزة ولما يكون معاك بورش تكون فعلا مميز.

ومبروك مقدما.

تبي رايي
البورش حلو واسمه قوي
بس حسافة تشري السياحي .....
يا تكمل مبلغك وتشتري الثمانية سلندر
او ارجع للبي ام وخذها