بورش كاين 2011

هلا اخوي الموضوع يعتمد على وضعك المالي هو الي يحدد وش الافضل لكن من نصيحه لك ادا كان وضعك المالي مايفرق معك انصحك بالبورش طبعا اولا شكل جديد واسم بورش وسواقه بورش غنيه عن التعريف ادا سقتها ماودك تتركها .. اتكلم عن نفسي لسبب اختياري البي ام عرض الصيانه + الضمان + معرفه سابقه في البي ام + السياره متوفره وقت الرغبه في الشراء .. البورش كنت لازم انتظر 4 شهور + سوء المعامله من البياعين + ضمان المصنعي وقيمه تجديده ب 6300 بعد مرور السنتين الاوله للضمان .. الموضوع كله اقتصادي بنظري هو الي يرجح مين الافضل ... ال اكس 5 سياره غنيه عن التعريف ويكفي انها من افضل الجيوب الالمانيه ادا ماكنت الاوله بينهم والقرار الاخير بيدك

اخوي مسؤول مبيعات

والله احترت ومدري وش اختار بي ام ولا كايين

العفو ابو تركي ومبروك السياره مقدما ربي يعطيك خيرها ويكفيك شرها ان شالله وخير ما اخترت

مسؤول مبيعات ... ما قصرت .. هذا اللي انا قاعد اوضحه من الصبح ..

مشكور.

واحتمال اخوي ابو تركي ما يحسبون مواصفاتهم اللي هم يجيبونها ف عشان كذا لازم تزيد ع السعر فايدة الوكاله والجمارك

طيب بيشبك كمبيوترهم ب كومبيترك ويشوفون وش طالب زياده عنهم ويشوفون وش هم اساسا ماخذين زياده عنك ويحطونها في طلب واحد وبعدين بورش تعطيهم السعر وتزيد ساماكو فايدتهم والجمارك
مدري يمكنيبغونه سبورت اكثر بس انا لما كنت في وكالة جده كلها مخشبة واشوف ان هذا الشي المفروض ما نختلف فيه

اختصار لمواضيع البورش ...
الكاين الموجود لدى ساماكو يكون بمواصفات كل سياره تختلف عن الثانيه ويكون الوكيل هو المحدد المواصفات وانت عليك الاختيار .. اما الطلبيه الخاصه سعرها يعتمد على حسب المواصفات فا مثلا سعر الكاين اس 8 سلندر يبدا من 300 الف ريال ستاندر مع المواصفات يوصل الى مبلغ معين على حسب المواصفات بعد الانتهاء والاختيار تضيف ماقيمته 5% رسوم جمارك ويتحدد سعرها في حاله وصول السياره لااختلاف عمله اليورو يتم احتساب رسوم الجمارك على عمله اليورو ... اتكلم عن تجربه شخصيه لوكاله بورش شارع الضباب في الرياض افراد المبيعات تعاملهم جدا جدا جدا سيء وفيهم شوفت نفس حسيت كان الوكاله لهم وخاصه اللبناني .. ماعدا والحق ينقال الاخ خالد ابو النجا سعودي جدا انسان محترم و متفهم وفاهم بالمواصفات واي شخص وده يستشير يروح لخالد عن تجربه والاخ الاردني الثاني يقولي اتصل على الصيانه اسئلهم عن الجنوط والمفروض شغلته انه يسئل بس بعدها حلفت يمين مااشتري من تعاملهم وهزئتهم واشتريت اكس 5 والحمدالله مرتاح جدا مع السياره من واقع تجربه الاشخاص الي بوكاله ساماكو فاشلين عشان كدا العميل مايفهم وش المواصفات ولا تكون عنده معلومات كافيه
اسف على الاطاله

غير صحيح كلامك.

اذا اشتريت السيارة من ساماكو .. يشبك الكمبيوتر حقهم بكمبيوتر المصنع. ويحط كل المواصفات اللي انت اخترتها. و لكل مواصفة لها كود .. وفي النهاية الورقة اللي تنطبع هي اصلا تنطبع من كمبيوتر مصنع بورش.

بعدين غير صحيح ان كل سياراتهم اللي يجيبونها تخشيب. انا شفت كايين اصفر في معرض الخبر كان بدون تخشيب نهائيا.

انا قلت للي يسأل رح للوكاله ما قلت رح للشركة عشان كذا خل بورش برا الموضوع
الوكاله نفسها جايبين من كل نوع درجتين ومسمينها كذا
بس تعال انا الحين تأكدت من حاجه
السعر ف النت هذا سعر الشركة بس الحين بقولك على شي توي تأكدت منه انه فيه اشياء اصلا ساماكو مسويتها طلبيه لكل عملائها مثل تخشيبة الدركسون والتبريد والتسخين والتخشيب الداخلي واشياء غيرها ف نفسها ساماكو كلفها اكثر من 250 تقريبا مكلفها من 260 الى 270 والفايده اكيد ياخذونها من الزبون
ف انت اصلا طالب اشياء من الموقع الوكاله طالبتها من الاساس وفيه اشياء احتمال انك ما طلبتها والوكاله بتطلبها ف عشان كذا قالولك السعر يتحدد بعد ما تنصنع عشان يشوفون كم طلعت من المصنع وياخذون منك عمولتهم ف الحين المواصفات اللي طلبتها انت وهم اساسا يجيبونها ساماكو من غير تطلبها ما بيحسبون عليك قيمتها لانهم قد حسبوها والاشياء اللي طلبتها وهم ماطلبوها هذي اللي بيزيدونها والاشياء اللي هم يجيبونها ساماكو وانت ما طلبتها برضو بيزيدونها على سعرك اللي طبعته
يعني بتصير الشغله باختصار سعر الوكاله + اذا فيه شي طلبته انت ماهم طالبينه
واللي اذكره ان سعر التيربو في ساماكو 540 وانت تعديت هذا الرقم ف معناته انك طالب اكثر مما هم اساسا يطلبون واحسب عليها فايدتهم من السياره واحسب عليها اذا فيه شي يطلبونه انت ما طلبته يعني السياره تقريبا اتوقع بتطلع لك في حدود ال 570

<<< تلخبط الولد سوا الطلبيه ١٠ مرات

يعني الستاندر الي مافيه شي سعره مثل الموقع ولا مو مثل الموقع !!!!!

والله لو الوكاله عندي لا امسك البناني واحوسه حووووس لين يقولي وش سالفته :(

بدون تعصب ..

كلمة فل اوبشن و لو اوبشن هذي ما تعترف فيها بورش. جايز الوكالة تسميها كذا.

مثلا : انا شفت كايين اس عليه جنوط عادية لكن فيه بانوراما و تخشيب.
و شفت كايين اس عليه جنوط افخم و بانوراما لكن بدون تخشيب .

تقدر تقولي اي واحد فيهم فل اوبشن واي واحد لو اوبشن؟

بالنسبة لسيارتي عندي العقد مطبوع بقيمة السيارة. كل مافي الموضوع انهم ما يضمنون مثلا الجمارك مثلا بكرة ترفع قيمة الجمرك وبعدين من يتحملها؟

و مع ذلك براجعهم مرة ثانية.

لا حبايبي روح الوكاله وفي لكل فئة law option وفيه full option والفرق بالنسبة للسته سلندر الجنط والنظام الصوتي والسقف والكاميرا الخلفية والبصمه
ومن ناحية تخشيبة الدركسون ساماكو يجيبها كلها مخشبة من اقل نوع الى اعلى نوع
والفرق بين السته سلندر فل كامل والتيربو الهيدروليك ونظام الاضاءة وصوت الاقزوز والجنط (( حق التيربو 21 وحق السته سلندر 20 )) والاقزوز الخلفية تختلف والشبك حق التيربو يجي كبير زي حق الاستون مارتن و الفرامل واشياء زي كذا
والطلبية ايه ادري انه حسب ميزانيتي بس فيه اشياء ساماكو اصلا طالبينها مثل تخشيبة الدركسون وغيرها وفيه اشياء انا اطلبها بس ازيدها ع سعر الوكاله مو سعر الموقع
وبالنسبة لاخوي تركي مالها وجه لان السياره ماانصنعت هم عندهم تيربو ف الوكاله وعارفين سعره وانت مانت طالب 2012 عشان يقولون لك يتحدد السعر بعد ما تطلع من المصنع لا انت شاري 2011 وقد باعوا 2011 وسعره من الحين معروف بس انت طالب مواصفات زياده وينتظرون السياره تجي هم يقوم الموظف الله لا يهينه يفتح الحاسبه ويجمع ويطرح (( شكلك رحت لهم ف الصباح ما فيهم من جمع وطرح قالوا لك نعلمك السعر بعدين!!
والله نصيحه اخوي تركي راجعهم واسال

عن اذن بدون تعصب ..

ما في شي اسمه فل كامل. فيه مواصفات انت تركبها بمزاجك. وكل مواصفة عليها سعر. عندك ٢٠ نوع من الجنوط .. عندك نوعين من السماعات. عندك تخشيب للدركسون بس .. او تخشيب للسيارة كلها. كل واحد له سعر. وانت تبني سيارتك على ميزانيتك.

طيب اخوي بدون تعصب
الستة سلندر فل كامل وش يفرق عن مواصفات التيربو غير المكينة

بدون تعصب ..

الصحيح اني سعر سيارتي ٥٤٨ الف مع المواصفات. و صحيح انهم قالولي ان السعر يتحدد اذا وصلت السيارة لسبب ان السيارة ما تصنعت.
طبعا انا رحت لهم ومعاي برنت اوت من الموقع وهو طبع البرنت على نفس عقد الشراء.

بالنسبة للاختلاف في الاسعار بين سيارات الموقع والسيارات الموجودة .. فالسبب اختلاف المواصفات. لان ساماكو يطلبون مواصفات اضافية احيانا. فأكيد ان السيارة اللي بتشوفها غير اللي في الموقع من ناحية المواصفات.

فلذلك نصيحتي للي بيطلب طلبية انه يروح مع برنت اوت .. خصوصا انك تقدر تركب مواصفاتك و بعد ما تخلص بيطلعلك السعر سويله برنت ورح خش في عينهم اذا عاجبك السعر.

اول شي اخوي تركي التيربو انت شف سعره الاساسي ف الوكاله مو ف الموقع بعدين زد عليه قيمة الطلبيه
انا على مااعتقد انه ف الموقع 490 الف وف الوكاله على مااعتقد انه اعلى ف اذا طلع معاك ف الموقع 550 الف (( اذكر في موضوعك قلت انك شاريه ب هالقيمه )) معناته ان الزياده 60 الف ف الزياده هذي لازم تزيدها على سعر الوكاله مو على سعر الموقع الا ان كان سعر الوكاله زي سعر الموقع ف عاد هذي حاجه ثانيه بس مااتوقع ان سعر الوكاله زي سعر الموقع لان والله اللي اذكره لما رحت لهم قالولي على مااعتقد 540 ف بيكون سعر سيارتك 540 + 60 = 600 الف بس والدليل انهم قالولك السعر يتحدد لما توصل السياره ولا كان قالولك ايه 550 بس لا تاخذ على كلامي بس اللي متأكد منه 100% انك تشوف الزياده ف النت اللي زدتها على ال 490 وتزيدها على سعره ف الوكاله
بس ممكن سؤال ؟؟ لو انت الحين طلعلك ف الموقع سعر طلبيتك 550 يعني انت زدت 60 الف مواصفات خاصه !! كثير والله خاصه ان التيربو كل شي فيه الا ان كان سعر الوكاله زي ما قلتلك 540 وانت طلبك زياده 10 الاف ؟؟ مدري صراحه
واللي يقول زيد 5 الاف جمارك غلطان الستاندر ف الوكاله بنفسي رحت وشفته ب 290 وبعد الطلبه 280 وسعره ف النت 250 يعني الزياده 30 الف ريال
ومن ناحية اللون البنفسجي والاصفر ما يتغير ولا شي بس هم حاطينه سبيشال لسببين
1- التميز عن باقي اللي معاهم نفس سيارتك
2- التميز ان هذي اللونين مو موجوده في سيارات اي شركه المانيه ثانيه
بس انا اشوف ان الالوان مجرد تميز ولا لو تفكرون فيها اصفر مررره ما يخارج والبنفسجي يعطي السياره منظر بس ما بتحس انها بورش
واشوف نصيحه اي واحد بيشتري كاايين خاصه الطلبيه يختار الاخضر الغامق والله لو تشوفونه ع الطبيعه ان اي واحد ماخذ لون ثاني ان يتحسف انا شفت باناميرا في جده وكايين 2011 في ابو ظبي والله غير هيبه ومنظر وسبورت وفخم في نفس الوقت
واللون هذا خاصه لو تلاحظون مو موجود في اي شركه ثانيه وما عليه زيادة فلوس
وارجع للي يقول الزياده 5 الاف جمارك لا لان الاسعار ف الوكاله زايده عن الموقع ب كثيرررر حتى الكايين 6 سلندر فول اوبشن 320 الف ولو تسوي طلبيه ع الستاندر ف الموقع عشان يصير زي الفل اوبشن ما توصل الزياده 40 الف زي اللي ف الوكاله
اتوقع بتطلع لك حدود 305 تقريبا هذا اللي اذكره لاني نويت اسوي هذي الحركه
والكايين اس سعره ف الموقع 290 وف الوكاله 370 هذا فرق 80 الف ريال وانا اشوف لكم كلكم اللي بيشترون كايين جيبوه مستورد زيرو من الشركه ولا تاخذونه طلبيه من الوكاله لان مانتوا مستفيدين من الوكاله شي لان ما فيه صيانه مجانيه والضمان اللي سنتين اصله عالملي يقبلونه وهم رجاجيل وبيطلع لكم الفرق كثيييير في صالحكم
يعني اشتر كايين اس ب 290 الف وزد عليه قيمة السقف البانوراما 4700 وتخشيبة الدركسون اتوقع ب 2000 ريال عشان يصير زي حق ساماكو يطلع المجموع 297 تقريبا + جمارك وطفايه 5500 يطلع 302 تقريبا وقولهم في المانيا انك تبغاه حسب موصفات الشرق الاوسط عشان السيور والفلاتر والحاجات البسيطه يحطونها تتناسب مع درجة الحراره عندنا وبتكلف تقريبا 3 الاف واذا ما سووها لك الوكاله يسوونها ب نفس السعر تقريبا
معليش كثرت عليكم كلام بس للفايده

٥٠٠ سهله هذي يعني اتفلسف واحط المواصفات
بس الي حارق دمي موضوع الشاشه البي سي ام الي مالقيت له اثر والي مجنني انهم ما يردون علي التلفون وربي قهر من جد

طيب احد شاف الون السبشل البنفسجي يعني الون يتغير علي حسب الوقت يعني بالصباح شكل والليل شكل ولا بس هم متفلسفين ومخلنه سبشل بس كذا. يعني وش الي يميز الونين الاصفر والبنفسجي عن غيرهم

عساف ..

كثير من اللي تكلمو هنا يقصدون ان سعر البورش على الموقع في دول ثانية ارخص من السعودية مثل امريكا. وزي ما قلتلك بس زودوا ٥٠٠ ريال طفاية حريق اجباري من الجمارك.

الاسعار نفس في الموقع لكن زيدوا عليها ٥٠٠٠ للجمارك