هل السرعة الزائدة تضر السيارة او لا ؟

اخوووي الفاااضل ماتضر السرعاات العااليه بالمكينه مستحيل
الي يضر المكينه ثلاث اشياااء بس

الاول / تخلي المكينه تطفح زيت او ماتغير السيفون بانتظاام يعني ثالث تغيره للزيت تغير السيفون معه بعضهم يخليه معى رابع تغيره او خامس تغيره للزيت يغير كذا خطا لنو السيفون يتعبى شوايب وتجي تغير مثلا اربع الا ربع كذا يطفح الزيت بالمكينه وتخبط.

الثاني / تخلي زيت المكينه اكثر من المده المسموح به ..... يعني يمشي 3500 تخليه يمشي 5000 بشكل متكرر يعدم عليك البسااتم وكذا تخبط .

الثالث / تشحطها بالنمره الين يفصل او يتفتف بعدين تغير ع النمره الثانيه تعطي المكينه جهد اكثر من الازم كذا تخبط .


اسرع واشحط المووتر والعن خيره عاادي ما ياثر على السيااره لنهم صانعينها لتتحمل هالشي
بس اهم شي النقااط الثلاث الي فوق اذا حافظت عليها صدقني مايضر السياره شي

لني مجرب ثماان اسنين بمووتري لاعن خيره والحمد لله ماشكيت منه

الغالي m_001

السرعة بحد ذاتها لا تؤثر سلباً على المحرك"المكينة"

الي يأثر سلباً على المحرك عداد الضغط الـ"ار بي ام" اذا وصل الى معدل مرتفع ترتفع معها درجة الحرارة الى حد كبيرة مما يقلل من عمر المحرك أو الى التلف

وهنا النقطة الي ابي أوضحه

السرعة مره ثانية لا تأثر سلباً على المحرك اذا كان التسارع للوصول الى الطبلون طبيعي

لكن الذي قد يتلف المحرك أو يقلل عمره اذا ارتفع معدل الضغط "RPM" الى أقصاه أو الى معدلات مرتفعة

طبعا ً ... لزوجــة الزيت لهــا دور كبيـــر وهــام في ذلك ( تسهيــل عمــل البستن )..

كما انه يساهم في تمديد عمــر البستن ...

ولذلك السيارات الرياضية او ذات المحركات الكبيرة والتي تتميز بسرعاتها العالية يكون الزيت المستخدم لها ذات لزوجة عالية ..

ولكن قارن بنفسك : ايهما سوف يكون عمــــره اطول .. ( المحرك الذي يعمل بسرعة عادية او متوسطة ام اللي يعمل بسرعات عالية يوميا ً ؟؟

وتقبل تحياتي ..

طيب يا m_001 لو كان الزيت المستخدم عالي اللزوجة والمناسب لمحركة السيارة ..مو المفروض يسهل عمل البساتم؟

لانها هي بتشتغل كذا على سرعة منخفضة ولا عالية

مو شرط التدبيل يخرب السيارة اذا كان نادر وقليل

انا لابد كل فترة وفترة أدبل فيها...إما اختبر عزمها ولا اشفي غليلي في الخط :tongue:

والمثل يقول"الشئ اذا زاد عن حده قبل ضده"

وهذا في كل شئ

هــلا اخـــوي ،،،

بالتاكيــــد تضر ...

** اليـــــك التفسيـــر باختصــار :

* اهــم شيء في السيــارة هو المحـــرك... واهــم شــيء في المحــرك هــو البستـــن ... والسرعة تزيــد من سرعـة تحرك البســتن ( الى اعلى والى اسفل ) مما الى احتكاك اكبــر... وبالتالي يقل عمــر المحــرك ( لان اذا تعطــل احد البساتن في المحرك فمن الاسهل والارخص والافضــل ان يتم تغيـر المحــرك ... لانه من الصعب ان يتم فك البستن وتبديلة بجديد .. )

بالعكس كلام الغامدي كلام سليم لو كان غير سليم شغل السيارة وعلى طول ادعس عليها صدقني خلال شهر بتوظب المكينة معروف يا أخي سلط حرارة على أي معدن بشكل كبير راح يتأثر المعدن بعد مدة وراح يضعف وربما يتفكك فكذلك المكينة معدن والسرعات الكبيرة والمفاجئة تنتج حرارة كبيرة داخل المحرك مما يؤثر على المعدن على المدى البعيد .
اسرع عادي بس لا توصل للخط الاحمر في عداد دورات المحرك وخذ السرعة بتدريج أفضل

انا ابضيف على سؤالك بالنسبة للي نسميها الزرزرة وهي انك تدوس بكامل قوة السيارة فجأه زي عند اشارة ولاشي

هل لها تاثير ؟ لأن بعض السيارات بعد الزرزرة تروح حرارتها فوق كان الموتر بيحترق مع ان سيارتي مب رياضية تاهو 2011

^^^^^^^
ممكن دليل عقلي او واقعي ..حتى نستفيد منك ونقتنع

انا اشوف السيارات الى دائم يسافرون تخبط مكائنهم اسرع من السياره الى بالمدينه

معليش أخوي لكن مدري احسه المثل غير مناسب .

ياخي انت بشر وقدراتك محدودة وضعيف .

لكن هذيك مكينة وآلة صح ممكن بعض الحالات تسبب لها تلفيات لكن أتوقع لو تسرع بالتدريج ما اظن فيها شيء يمكن على المدى الطويل تأثر من ناحية التآكل ومن هالأمور .

في كل الحالات السرعة ما وراها خير يخوك إلا في حالات طارئة والله يكفينا وياك شرها .

موفقين .

والله اذا كان الخط سليم يعني خالي من الحفر وحفر التريلات يعني مستوي فلا مشكله بالسرعه بس فيه اشيا لازم تنبه لها 1-تكون السرعه في حدود قوة المكينه يعني ماتمشي بكسنت او ماشابه 200 وضغط المكينه قريب من الاحمر تكون السرعه على سياره قويه 2-السياره لابد تكون حديثه والاهم نضيفه يعني فيه اشيا السرعه ماتخربها لاكن اذا كانت خربانه من اول تزيدها 3- ماتفك الفاصل وماتخلي السياره تاصل الفاصل لانه يضر القير
وبالاخير تذكر بالتاني السلامه وبالعجله الندامه

شوف يا اخوي

السيارة تتحمل السرعه الى تصفية الطبلون...وهذا شئ طبيعه لها

والشئ الغير طبيعي هو الشد على السيارة "الحرق المفاجئ" المستمرة يسبب مشاكل كثيرة

انا الي اشوف وانا الي أعتبره سليم انك لو تسرع في خط مناسب "مثل خط السفر" فما يأثر على السيارة

مو معقولة أشتري سيارة وتخرب من السرعة!!

على كذا السيارت الي عندي كانت سيارات لها تحمل خااااارق *_*

أسرع بالعقل وانتبه على نفسك

والسرعه بالنسبة لسيارة شئ طبيعي ومن اسباب صنعها أصل