ايهم افضل السلة الخلفية ام الشنطة اللي فوق السقف لليوكن والتاهو !!!

يعطيكم العافية على ما تقدمونه من معلومات

أنا اشوف الي فوق افضل لان الي ورا راح تخرب عليك الكاميرا و الحساسات....اقصد بالتخريب يعني ماراح تشوف صح بالكاميرا و لا الحساسات راح تعطيك الانذارات صح ...!!

السلة الفوقية أفضل وآمن لعدة أسباب منها

1. الحمل فوق يتوزع على جميع محاور السيارة بينما السلة الخلفية الضغط كله على الدفرنش الخلفي والمساعدات الخلفية

2. رساوة الموتر مع السلة الفوقية أفضل بكثير من السلة الخلفية واذا كان الحمل زايد في السلة الخلفية راح يخفف الضغط على المساعدات والأذرعة الأمامية ويقلل تلامس الكفرات الأمامية للطريق ويصير الدركسون عندك خفيف بشكل مخيف جداً

3. في حال البنشر لا قدر الله اذا مركب سلة خلفية ممكن تتسبب بانقلاب السيارة لاختلاف الأوزان وسبق حصلت مع عائلة على سيارة قطرية حول طريف شمال المملكة كانوا مركبينها على لاندكروزر --- الله يرحم من مات منهم ويشافي المصاب منهم.

وبالتوفيق إن شاء الله

السلة الخلفية افضل واحسن
والله اعلم

لكم تحياتي

انا اشوف ان الخلفية افضل

نصيحة الخلفية أحسن لأن الفوقية مزعجة مع المطبات والله أعلم

وعليكم السلام ورحمة الله وبركاته

والله من رايي انك تركب العلويه اضمن واحسن .... ضدالمطر والهواء علشان مايتحرك شي من الاغراض ... والله يكتبلك الخير انشاء الله

أؤويد سلة السقف لأسباب منها :
1- تعطي جمال للسيارة
2- لاتعيق فتح وإغلاق شنطة اليوكن والتاهو (خصوصا ً إذا كان فتحها كهربائي)
3- أكثر أمانا ً
4- عادة لاتستخدم الشنطة إلا بالسفر وبالتالي لن تذهب إليها أكثر من مرتين (مرة لتثبيتها ومرة لإنزالها)

وبالنسبة لشنطة السقف اللي حاط صورتها هاذي ماتتقارن مع السلة الخلفيه
لأنها ضد الماء والغبار أما السلة الخلفيه فهي سله عاديه وأعتقد تتقارن مع سلة السقف

شوف شركة Defender Rack عندها سلة سقف للسوبربان واليوكن إكس 1.3 متر عرض و مترين طول !

1 - ترهيم عشوائي غير مدروس من قبل صانع السيارة ( من أهم الأسباب ) .

2 - تأثر على مستوى وثبات السيارة ويتضح ذلك عند نزول السيارة بشكل ملفت من الخلف أثناء التحميل .

3 - غير واضحة لبعض السائقين من السيارت التي تسير خلفك خصوصاً وقت المساء وبالليل .

4 - فكها وتركيبها متعب حسب ما أرى ( لا أدري قد يكون لها طريقة فك وتركيب سهلة ) .

أكيد اللي بالسقف أفضل
لآن السلة الخلفية تأثر على رساوة السيارة وعلى الحساسات الخلفية

السلام عليكم ورحمة الله وبركاته

انا اتفق مع الاخ ديزل و لا انصح بالسله الخلفيه وذلك لانها تخل بمحاور السياره وبالتالي تؤثر على ثبات السياره على مختلف الطرقات
كل سياره لها مركز ثقل بناء على محوري السياره ومع اضافة السلة الخلفيه فأنت تقوم بتغيير موقع مركز الثقل الى الخلف اكثر مما يحمل المحور الخلفي اكثر من الوزن المصمم له وبالتالي يسبب انحراف للسياره اثناء المنعطفات.

اغلب من يضيف السلات الخلفيه تجدهم كبار سن ولا يعلمون تأثيرها على سلامتهم وسلامة المركبة.

هذا كلام احد مهندسي الميكانيكا

اقرب مثال
الرافعه الشوكيه
مصممه ليكون مركز ثقلها مع حمولتها القصوى على ارتفاع معين على المحور الامامي.
في حال تحميلها بجسم مركز ثقله يميل لاي طرف فإن ذلك يؤدي لاختلال توازنها ثم انقلابها عند الانعطاف حتى على سرعه متدنيه.

هلابك اخووووي . . .

بالنسبه للتحميل اذا كان موترك

جمس اللي فوق السقف افضل بكثير

اما السله الخلفيه اشوف اكثر اللي يستخدمونها

سياراتهم تكون سيكويا او لاندكروز او فورتشينز

الجيوب عموما لان السله اللي فوق تجي ع الجوانب بس

وغير كذا تطرح الموتر من ورى تضغط لك المساعدات

اللي فوق انا اشوف انها انسب

والله شف اخوي من نااااحيه الاريح السله الخلفيه بس لازم تكون من حديد وتكون راااكبه على نفس الشاصي يعني عامودين ولا تكون راكبه على الهوك

اما من ناحيه القير او الدفرنش والله مدري بصراحه

انا من نااحيتي ركبت السله الخلفيه طبعا لها وزنيه ولها طريقه معينه تكرب علشان تفتح القزاز الخلفي لما تبي تطلع شي واذكر شايل عليها اكثر من 200 كيلو ,,,

حسب معلوماتي ان اللي فوق افضل لعدة اسباب اولا ان السياره مجهزه انها تتحمل اغراض فوق السقف ولها اماكن مخصصه لتربيط الشنطه

ثانياً ما تأثر على الجير او الدفرنس لانها تعتبر من حمولة السياره يعني كان فيه ركاب زياده في السيارة

اما السله الخلفية فحسب علمي انها تأثر على الدفرنس لان ما لها كفرات وحنا ماشاء الله اقل شي نحملها 200 كيلو فما فوق فبالتالي كأن الموتر قاعد يسحب سياره لمسافات طويلة وهذا طبعا له ضرر على الجير والدفرنس

بالنسبه لي انا استخدم العلوية ولازم احد يساعدني في التحميل اما التنزيل اهون شوي

ارشح الخلفيه اللي فيها كفرات

اتوقع الفوقية

لان الي بالخلف

راح تنزل السيارة من ورا بشكل باين

مما يقلل رساوتها ويجعلها خطيرة شوي