خطر الجنزير ومذا عمل بسيارتي الأوبترا

[moha23inter]

السلام عليكم ورحمة الله وبركاته

شباب أحذروا لازم تغيروا الجنزير بعد مسافة 100000 كيلو متر لا يصير لكم مثل ما صار لي
(الجنزير طبعا سير بلاستيكي أو rubber يربط البكرات في المكينه وتبديله سهل وقيمته 150 للأوبترا أصلي وهذا طبعا يختلف عن السير الخارجي )

القصه وما فيها

إني كنت رايح للعمل من صباحة الله خير إلا وشميت ريحه فكرتها ريحة المصانع إلا في الطريق و واصلت لين ما سمعت صوت و وقفت في جانب الطريق وفجأة طفت السياراة لحالها ... حاولت أشغلها ما تشتغل تطلع أصوات غريبه عجيبه ... كررت محاولة تشغيلها بلا فائده (وهذا أكبر غلط سويته )

رحت للميكانيكي قال لي الجنزير مقطوع أهم شيئ إنك ما حاولت تشغلها لما طفت ؟
طبعا أنا قلت لا طبعا ما حاولت أشغلها (مع عني كررت محاولة التشغيل ككك )

الزبده لما إنقطع الجنزير ضربت المكينه و إنكسرت الصمامات (الفالفات) و إنكسرت البكرات و المكينه يبيلها توضيب .... وخسرت خساااير سواءا من التوضيب أو السطحاااات لأني كنت في طريق صحراوي
ولحد الحين السياراة في المصلح .....

أكثر حاجه تقهر إني كنت توني مستلم الراتب وكنت أتحلم بجوال samsung galexy s لاكن حلمي راح و الراتب طااااار على هالأوبترا الغبيه

لذالك يا شباب أحذروا وغيروا الجنزير هو بس ب 150 وتركيبه ممكن ب 200 إلى 300 . لاتخسروا الألاف على المكينه

طبعا سيارتي أوبترا مديل 2004
ماشيه 128000 كيلوووووو

[hondasi]

السلام عليكم اخي الكريم والله يعوضك خير
مع احترامي لك.. الابترا سيارة سيئة ومشاكلها كثيرة الا مارحم ربي
وبالنسبة للجنزير ماهو كل السيارات تضرر اذا انقطع الجنزير وهذا يعتمد على شكل البستم (محفور) والمسافة بينه وبين البلوف..

[moha23inter]

hondasi

شكرا على المرور أخي .... الأوبترا مشاكلها كثيره و إذا تبوني أقول لكم كل المشاكل إلا واجهتني
في الأوبترا خلال أكثر من 7 سنوات أنا حاضر

[ابوعمد الزهراني]

السلام عليكم اخوي الله يعوضك على الجوال مدام اخترت الاوبترا ماراح تتعدى جوال الكشاف لانها بصراحه مشاكلها كثيره وبعدين مو شرط كل 100000 والله يا اخوي ترجع للاستخدام وحجم المكينه وانا الحمد لله سيارتي ماشيه 140000 وماشيه زي الحلاوه طبعا لو فتحت كتلوج الوكاله راح تلاقيهم كاتبين كل 60000 الف كيلو بس انت عارف الوكاله يبالغون في الصيانه والقطع طبعا يختلف الوضع للي يبي يريح باله ( زود الحرص) انا انصحه يغيره 60000 بس اهم شي يكون اصلي تقبل مروري

[moha23inter]

ابوعمد الزهراني
المشكله إني مدلع السياراة في الصيانه الوقائيه يعني فلتر الهواء وفلتر زيت الجير و فلتر البنزين و السير الخارجي أغيره في وقته ... وزيت المكينه كل 5000 أغيره .... كل شيئ يحتاج تغير أغيره حسب الكتلوج ... لاكن لأول مره أعرف بوجود شيئ إسمه جنزير داخل المكينه لازم يغير كل 100000 كيلو تقريبا لأني كنت مفكر الكتلوج يتكلم عن السير الخارجي

عن صج الواحد يضيع من غير سيااارة ....
بعد تجربتي مع الأوبترا حرمت أخذ شيئ من وكالة دايو

وشكرا على المرور

[PC Master]

ياخوي خلك من السيارة خذ لك السامسونغ وبتنسى السيارات كلها (كلام مجرب) :P

امزح طبعاً والله يعوضك خير ان شاء الله ويعطيك السامسونغ

[Microsoft]

كلنا في الهواء سواء

أحلم بالـSamsung Galaxy S .. ما ألومك خطير والله



--------------------------------

بالنسبة للجنزير بعض المعلومات التي ذكروها الشباب خاطئة

أولاً .. أغلب السيارات (إن لم تكن كلها) معرضه للتخبيط عند إنقطاع الجنزير
( إذا ما تعطلت سيارتك بعد إنقطاع الجنزير فهذي رحمة من رب العالمين)


ثانياً.. عمر الجنزير يختلف من سيارة لسيارة وتعرف ذلك من الكتالوج المرفق
(ستجد في الكاتلوج كم عمر الجنزير حسب نوعية القيادة .. حاسبين حسابها)


ثالثاً.. السيارات الكورية مختلفة الجودة أفضلهم هونداي تليها مباشرة كيـا
( بقية الشركات من دايو إلى سامسونج وغيرها.. لازالت ضعيفه وللأسف )



- أخيراً -

المعلومات السابقة .. ما جبتها من رأسي بل من إطلاع ومتابعة

[العقرباوي]

الحمدلله على السلامة
اللي مستغرب منه ليش بعض الشركات صارت تستخدم سير المكينة (الجنزير) بلاستيك؟!!

مثل المكسيما........الموديلات القديمة كانت جنزير حديد و ما عمري سمعت احد انقطع عنده..........و أصلا كان يعتبر قطعة غير استهلاكية عمره من عمر السيارة..........و حتى لو كان فيه خلل يطلع صوت قبل ما ينقطع بفترة طويلة

المكس الجديد خلوه بلاسيك!!! يمكن يبغون الناس تدفع زيادة في الصيانة بعد الأزمة الاقتصادية العالمية!!