شكرا لك اخوي NIGHTHAWK
قصدي بالمرحلتين اي عدد مرات دقات السلف
يعني بدال ما يدق السلف مره وحده و يعلق عليه 6 او 7 ثواني يكون
ي1- فتح السلف و وصول البنزين من طرمبة البنزين و لمبات الفحص طفت ( كانك بالمفتاح على وضع ON بدون ماتدق سلف مده 5 او 4 ثواني ) بكذا و صل البنزين على الخاخات ( او الكبريتر للسيارات القديمه ) منه الى المكينه بكذا راح تسهل عمليه التشغيل
2 - يدق سلف ولاكن بمده بسيطه لا تتجاوز 1 او2 ثانيه تكون كا تهيئه للمحرك و يكون هناك خيارين
اما ان تشتغل السياره و هذا اعتقد السيارات الجديده ماعنده مشكله وراح يفصل النظام او --- المرحله الي بعدها
3- يدق سلف بعد فتره لا تقل عن 1 او 2 ثانيه من المرحله رقم 2 و تكون هذي على حسب برمجه راعي السياره و تشتغل ( هنا شغل بوابات اكترونيه اذا (2)اشتغل تمام و اذا ماشتغل حول للمرحله الي بعدها(3) --
كذا اعتقد او انا الي احسه و سويه مع سيارتي و الحمد الله اكثر محافضه للمكينه و السلف برضو
[COLOR=red]ملاحظه بسيطه : بالنسبه للبعض السيارات مثل الكابرس و الومينا تختلف دقت سلفه يعني بس لمسه و السياره تقوم بتشغيل نفسها بنفسها
يعني بس تحط المفتاح في الوضه التشغيل و تدق سلف بمده 1 و تفك يدك و السياره تكمل الباقي الى ان تشتغل
و اذكر المرسدس القديم مادري الجديد كيف ( اعتقد الجديد مايحتاج خلنا على القديم شوي )
يحتاج الى تعليق على السلف الى ان يشتغل بس صعب تخمين مده التشغيل \
اسف اخوي على الاطاله و ادري اني صدعت راسك بكلامي الكثير و يمكن ماله داعي بس حبيت ابدي رايي لاني محب لهذي الاشياء << تذكرني بايام الكليه >>
تحياتي
[/COLOR]
هلا اخوي , بالنسبة لرقم 1 , طبعاً هي موجودة لو لاحظت المقطع راح تعرف ان في البداية يتم وضع المفتاح على on ثم بعد فترة بسيطة يدق السلف .
أما بالنسبة لرقم 2 , فأنا إلى الآن ماني قادر افهم الجدوى من هذه الطريقة وكيف هذي الطريقة تحافظلي على المكينة؟ , يعني ماهي راضية تدخل عقلي , ياليت إذا تقدر تفصل اكثر.
وياليت التفصيل يكون علمي نوعاً ما .
وشكلك دارس الكترونيات إذا ماخاب ظني , إذا الجواب نعم , والله انصحك اخوي انك تطور نفسك وتقرا وتحاول تنفذ مشاريع وتطبيقات , لأن والله العظيم مجالنا ممتع ومفيد في نفس الوقت . وإذا حاب نتواصل واعطيك بعض أسماء المراجع والكتب المفيدة جداً تر أنا حاضر ويسعدني هذا الشي وكمان ممكن شخصياً اساعدك واوقف معاك , ونستفيد من بعض انا وانت ونتبادل المعلومات.
بس أهم شي في كل هذا هو الارادة الصادقة والقوية.
