هل السيارات الامريكية جودتها سيئها ؟ وهل اسباب تتسبب كثرة الخرابات

انا من رائيي المتواضع ان جوده اليابانى تتفوق على الامريكي رغم انى من ملاك السيارات الامريكيه كابريس وجراند ماركيز والحين كروز لكن الامريكي يتفوق بقوه المحركات والرساوه والفخامه عالعموم السياره اذا حافظت عليها مهما كانت تدووم معاك واذا كرفتها عمرها الافتراضي ينقص ^_*

أخواني اذا السسياره تبيها اتعمر معك ع حسب اهتمامك بسياره

والله لو مب امريكي لو انها تاتا لاتعمر معك هي ع الاهتمااام و الحظ وانا خيكم

والحمدلله اخوي معه فورد96 مااشااء الله تبارك الرحمن اشياء استهلاكيه بس وماادري عن جديد يالغالين

واعذروني اذا طولت عليكم

أخووكم..

لان السعوديين متعودين عالهيلوكسات وفجأه يطب بكابرس والا لومينا

فتحصله يطمر عالرصيف ويعشقها بالدي وهي تمشي بالريوس

ويوقفها عالقير بدون ما يسحب البريك الارضي

ويعملون فيها الهوايل ويجون يقولون الامريكي تعبان

الامريكي استعمله بلين وصنه صيانه دوريه يستمر معاك الى يوم القيامة

وعندي امريكي خربان ولا ياباني عراوي

تحياتي

في بعض ردود ما تفرق بين جودة بلاستك داخلي وجودة سيارة عامة

جودة بلاستك داخلي للأمركي شو تعبان

لكن جسم سيارة ومحرك جودتها عالية

فلا ندخل جودة داخلية للسيارة مع جودة محرك و بودي

لا.اذا الاستعمال كان ممتاز

تظل السيارات الامريكية مفضلة حتى لو كانت جودتها اقل من الياباني لاسباب:
سيارات مريحة وبلدنا كبير جدا عسى الله يديم امنه
اسعارها لم تتغير كثيرا لارتباطنا بالدولار
اسعار صيانتها المعقولة وقطع الغيار معقولة
مع الصيانة الدورية لا تفقد راحتها ولا قوتها
انا من يوم عرفت اليسيارات وانا استخدم كراون فكتوريا . وبدون مؤاخذة والله مرتبتها اريح من بعض السيارات الفارهة بدون ذكر اسماء

رد مفيد الله يعطيك الف عافيه

السلام عليك اخوي ،،،

في البداية شكرا لك لقيامك بطرح هذا الموضوع الهام ...

واجابتي كالتالي :

* اخوي تاكد تماما ان اي سيارة يتم استعمالها بطريقه سيئة راح تظهر فيها اعطال ( وبالتالي راح تحكم عليها الناس بان جودة هذه السيارة سيئة .. ولكن اهملوا جانب مهم وهو طريقة استعمال هذه السيارة ..) .

* جميع الصناعات سواءا كانت الاوروبية او الامريكية او حتى اليابانية فيها سيارات تتميز بجودة عالية وسيارات اخرى جودتها اقل ..

* المتعارف لدى اغلب الناس ان السيارات الاوروبية تتميز بان جودتها عالية .. وهذا الكلام صحيح ،، ولكن 80 % من هذا الكلام يعود لسبب مهم وهو : ( نظرا لارتفاع سعر السيارات الاوروبية فان من يقوم باستخدام هذه السيارات يعتون بها ويستخدمونها بطريقة ممتازة اما السيارات الاخرى فانك تشاهد كل من هب ودب يقودها بمختلف الصور ..
ومثال على ذلك : كان عندي قبل 3 سنوات سيارة معروفة بقوة تحملها واعتماديتها وهي تويوتا لاندكروزر وكنت بصراحة استخدمها بطريقة سيئة وبعدم مبالاه وخلال السنين التي استخدمت فيها السيارة قمت بتبديل القير مرتين والراديتر واشياء كثيره .. وبعدها قمت باستخدام رنج روفر .. وهذه السيارة فرضت علي منذ البداية ان اقوم بالاعتناء بها .. ( وذلك نظرا لقيمتها المرتفعة ولخوفي من اعطالها لان قطع القيار غالية .. وقمت باستخدام السيارة لمدة سنتين تقريبا ولكنني لم اقوم بتبدل اي شيء فيها سواء الفرامل والاطارات والزيت والفلتر و البواجي ( الاشياء العادية .. والتي يجب تغيرها نظرا للاستهلاك ) ومره بعد غيرت لها بطارية .

* ومن خلال تجربتي للسيارات الامريكية ( كاديلاك الدورادو 1998 ) كملت معاي 8 حوالي 8 سنوات من دون مشاكل ( عدى الاشياء البسيطة ) .

في النهاية كل شي على حسب الاستخدام ( شوف الشياب .. ليش سياراتهم تظل عدهم لمده طويلة من الزمن ومن دون مشاكل ) .

واعذرني على الاطالة ..

تقبل تحياتي ..

اشكركم على التفاعل مع الموضوع

السلام عليكم
اول شي اخوي اهنيك على موضوعك الاكثر من رائع لانه موضوع حساس
لان السيارات الامريكيه تعبت من الاشاعات
طيب انا عندي سؤال وش معنى بس حنا الي في السعوديه نشتكي من الامريكي بس غيرنا في الخليج مايشتوكن من شي زي ماحنا نزعم
السيارات الامريكيه ماراح سوقها الى الحين
ماسكه سوقها بس مجرد كبوة فرس
(ولا ننسى ان طريقة السواقه لها دور كبير)..

الامريكي والله ممتاز وقوي جدا مكاينه ..

المشكلة في اللي يسوقه بطريقة غلط .. ويرفع ار بي ام وقومات 24 ساعة عليه وار بي ام عالي ..

شي طبيعي ..

وزي ماقال اخوي لو جبتله مدرعة ولا دبابة تلاقيها منتهية ..

انا اقول ان السيارات الامركية ذات جودة جيدة اكيد مو مثل الياباني بس تبقا جيدة

فيه واحد من الشباب قال كلمة من زماااااااان

وتوها والله جت في بالي

يقول : الغشيم لو تجيب له مدرعه عسكريه بعد سنة تجيه تلقاها مهربده


مهربده = مقربعه او سكراب او تشليح


اتمنى وصلت الفكره

راح اقارن الفئة المحترفة بين الياباني والامريكي
لاندكروزر جي اكس ار 210 فل !!!!
دينالي لا اتوقع يتجاوز 190 فل !!!!
فرق مواصفات .. فرق مركب .. فرق فرش
امسك باب الاثنين واحكم بنفسك !! اللاندكروزر متينة وقويه لكن اين هي بالرفاهية عن الدينالي !!
هذي مقارنه بسيطة بين الامريكي والياباني بشكل عام !
اخوي.. اي سيارة اجيبها لك وتستعملها صح باذن االله تعمر عندك مهما كانت
ولكن نقول لا تخلو من العيوب الصناعية في بعضها
فحافظ على الموتر يعمّر معك باذن الله حتى لو كانت شيري !!!

السيارات توافيق...........و الأمريكي فئات

نعم. لسوء الاستعمال .. لا.اذا الاستعمال كان ممتاز

ما فيه فرق بين الثنتين ..

.....

باعتقادي الأمركي هو الأكثر حساسية من بين كل السيارات

حاليا اليابانيات مشكاكلها كثير .. واحد من أقاربي مطلع ماكسيما 2010السيارة مبهذلته رغم انه كبير وسواقته رايقه .. والغريب مو هو وبس كثير من اللي عنده ماكسيما على حسب ما قلي وكلهم نفس المشاكل

اتويوتا أوريون .. مشاكلها وعيوبها المصنعية كثير

بالأخير انا أؤمن ان السيارة توفيق من الله أولا .. والشي الثاني انت وسواقتك