يا هلا بك وينك يا رجل .... موقوف ولا وش السالفه
المهم نورت برجعتك .... ومن العايدين الفايزين ان شاء الله
الي اعرفه ان الشركات تشيل منه شيل ....... واذا الشركات شالت فاعرف
ان السياره مضبوطه وعمليه
يبي لك وحده استخدام نظيف وتوكل على الله
بس يقولون عيبه ضعف مكينته .... بس ما يمنع انك تجربها قبل ما تشتريها
موفق ان شاء الله
هلا بك اخوي فهد وشلون اهل باريس جيراننا عساهم طيبين
ابد ما هنا ال كل خير ان شا الله
نورت بوجودكم يالغالي
انا مايهمن القوه بالمقارنه معهم
مشكور على رأيك الجميل والمفيد.
هذا إقتباس لأحد ملاكها
وهذا الموضوع طويل لكن فيه الكثير من الفائدة
http://www.assayyarat.com/forums/thread95965.html
جزاك الله خير يالغالي
أهلا أخوي
الناتيفا كان سعره بالسبعينات ، لحد ماوصل للثمانينات عند الوكالة بسبب الطلب الكبير ( حسب كلام الموظف )
المحرك 6سلندر على شكل V ، السعة 3000 سنتي متر مكعب ( يعني 3 لتر) ، 180 حصانا
أعتقد أنه محرك الباجيرو السياحي الأول لموديلات 2004 كذا ، زي اللي مع الدوريات
القير تماتيك فقط بـ 4 تغييرات، ولايوجد عادي حسب كلام الوكاله
[COLOR="Red"]
المميزات/
1- أرتفاع ممتاز عن الأرض : يفيدك بالبر ، وأوقات الأمطار بالشوارع ، والأرصفه
2- سعر معقول مقارنة ببقية الجيوب
3- إعتمادية وجودة ميتسوبيشي ، بشرط الصيانة والإهتمام حتى لو كان جديد
ولاتنسى تسأل عن مكينته هل يوجد في مكينته الجنزير اللي يغير أو لا ؟ ، لأن الباجيرو
فيه جنزير داخلي يغير كل 100 الف
والعالم عندنا صايره تمشي وبس ، ولما يوقف عليهم وتطق البلوف ، يجي يقول لك الميستوبيشي لايهمك !!
العيوب /
ربما ، (وأنا أقول ربما) ، يكون غير هادىء بالخطوط السريعه ، مقارنة بباقي الجيوب ، بسبب الـ 4 تغييرات للقير ( لازم تجرب)
1- وكيل ميتسوبيشي : بعض القطع قد تتفاجأ أن أسعارها نار ! ، وبعضها معقول إلى حد ما
وحسب تجربة عدد من الأقارب ، القطع الإستهلاكية مرتفعة بشكل بسيط ، لكن المشكلة لو أردت
أن تشتري : أسطبة ، أو صدام ، أو شمعات مثلا هنا السعر كبير بالعادة
2- عند البيع ينخفض السعر بشكل كبير ، وهذا يرجع لك أنت ، هل تهتم لهالنقطة أو لا ؟
ملاحضات مهمه :
1- تروح تاخذ برنت أسعار قطع الغيار شاملة ، أو تسأل كأنك بشتري قطع للناتيفا ، وكل ماشفت راعي ناتيفا أسأله ممكن ينورك أكثر عن قطع الغيار ، وعن رأيه بالجيب ككل
2- تسأل إذا كان متوفر بمكيف خلفي ، لأنه المكيف الخلفي ارح يفيد ويريح العائلة كثير ، بالصيف والشتاء
3- أنك تشتري أخو الجديد ، يعني يكون ماشي شي بسيط ، لأنه بيطيح من سعره وأنت المستفيد ، أذكر شفت إعلان لواحد ماشي بالخمسينات ، موديل 2005 أعتقد ، السعر 47 الف
البدائل :
1- باجيرو سبورت ، شفه بالوكاله ، عملي ومرتفع وأفخم شوي ، السعر حول 100 أو زود شوي
2- تويوتا فوتشنر 4 سلندر : صحيح ماأميل لهالسيارة ، بسبب شكلها ، بس للأمانه عملية جدا وقطع غيار متوفر ومعقول
أتمنى بأني أفدتك
[/COLOR]
ومـضـه / لاإله إلا الله
والله مادري وش اقول كلام جميل ومعلومات غنية بالفيتامينات جزاك ربي كل خير يارب .
لي عودة!! !؟
