استفسار عن مشكلة القير في الكادينزا

لاهنت يابوسامي كم موديل الكادي الي معك ؟؟

ع حسب كلآم بعض ملآكهآأ ..,

تحتآج برمجة قير و تضبط الآمور

,,

هذا بلانا مع الكوري :(

اغلبكم توّه ما كمل الـ 100,000 ويقول طقه واصوات وصدأ

علشان تعذرون الناس لا شروا كامري ولا اكورد وهي مافيها ولا نص مواصفات الكوري

انا ما اقول شيء عن جودة الكوري ، لكن عطونا تقارير بالله نبي ناس مشوا 100,000 و200,000 ينزلون لنا تقارير

هل خرب عليهم شيء ، ولا بس قطع استهلاكية

المشكلة تبحث بالمنتديات تبي تجارب سوناتا ولا ازيرا ولا اوبتيما ولا كادينزا

ما تحصل ابد كل ملاكها توهم شارينها

طمنونا بالله

استغرب من الي يقول الكادينزا فيها انا معي 2012 فل كامل والحمد لله مشاء الله الجير تمام لاطقة لا شي ولا اصوات الجير هادي جدا مشاء الله تبارك الرحمن
يمكن هالمشكلة بس في 2011 المهم اخي لاتتهاون وهذا من ابسط حقوقك بس الاغلب من ملاكها سووها وقت ال 5000 لكن اذا انت منزعج لاتتهاون وبرد قلبك

الله يعينك وراجع الوكالة ولا تتهاون

السلام عليكم

صحيح انا ايضا املك كادينزا 2011 نص فل كامل
اول ماطلعت السياره من الوكاله ثاني يوم
وكنت موقف السياره ويوم جيت اشغل السياره طق القير عندي وتفاجات بصراحه
وطبعا مو دايم يعني في الاسبوع حصلت معي مرره وحده
والي الان لم اسمع لها حس
وكلمتهم عنها قالو انتظر الصيانه لحد 5000 كيلو
وانا مستحيل انتظرهم 5000 كيلو رااح اطب عليهم يوم الاربعاء القادم ان شاء الله
اخليهم يعدلونها ويغيرون القطع اللي بجانب المكينه لانه عليها صدا من اخذتها

تحياتي

أخوي اللي سوى الصيانة في الوكالة نفسها في الرياض طريق خريص وليس لي علم عن الصيانة السريعة فالتحديث يتطلب فني كمبيوتر وربما ماتحصله في الصيانة ا لسريعة ونصيحتي لاتتهاون في الموضوع لأن الطقة ربما تحدث مشكلة مستقبلية في القير ...... تقبل مباركتي بالعيد السعيد لك ولكافة الأعضاء

بأذن الله اول ماتفتح الوكاله انا عندهم بس عندي استفسار بسيط الي شفته سوى التحديث فين في الصيانه السريعه ولا الرئيسية
مشكور اخوي ماتقصر

وياشباب عنوان الصيانه مو السريعه في جده

أخوي كما يقول المثل جلد مهب جلدك جره على الشوك القضية لاتعنيهم لأنهم لم يدفعوا قيمة السيارة
ومافيه داعي تكلمهم أول ماتفتح الوكالة دخلها الصيانة على طول وأطلب عمل أبديت للقير وأنا بنفسي شايف واحد في وكالة الرياض مسوي التحديث والسيارة مامشت ألفين وبخصوص الطقة في قير السوناتا بسبب كون القير واسمه zv مركب للسوناتا والكادينزا

بالنسبه اني ماانتظر 5000 انا كلمتهم اكثر من مره وقالوا ان هذا شي عادي وهي مشكلة بسيطه مافيها ضرر
بالنسبه لقوه الصوت فهو قوي جدا ومعها نتعه قويه اضطر اضغط على الفرامل وانا بشغلها بس مو دايم يطلع الصوت
بالنسبه للسوناتا عندي اخوي نفس مشكلتك صوت قطه بسيطه

اخوي الصوت قوي ولا خفيف (طق )كذا الصوت
لاني معي سوناتا 2011 إذا شغلتها طلع طق والقير يهتز ولا رحت الوكاله