استفسارعن تحويل النافقيتور من هيدروليك لعادي

ماقصرتو الله يعافيكم وابلغكم أني غيرت واحد من الحساسات الأمامية للهيدروليك وضبط بس باقي مشكلة البرد يعني الصبح بدري يبطي الماطور يعبي ومع ذالك مايرتفع الا إذا سخن ورحت عليه مشوار بعيد ..وإذا المشوار قريب اروح وأرجع وهو طايح بقوة .وماعليش يعني لو هبوطه معقول مافيه مشكلة وعادي بس لو شفته قبل اشغله قلت لاتمشي عليه وهو طايح كذا وسلامتكم .
( شكل السيارة الجاية أنشألله إسكاليد وش رايكم )
عجزت اتوب من الأمريكي مع كثرة خرباته لأن فخامة السيارات الأمريكية تلبي طموح النفس بعكس الياباني البخيل بالمواصفات والي مايصدق يفتح شماسة الجيب الكزس ويشوف المراية حقة الشماسة نفس حقة الكورلا.

النافيقاتور والاكسبيدشن يشتركون في نفس قاعدة العجلات..
فتحتاج تشتري مساعدات ويايات اكسبيدشن من نفس الموديل وقد تضطر تركب القواعد حقت المساعدات واليايات..والأفضل انك تشتري القواعد من التشليح..بينما المساعدات واليايات من أي محل قطع فورد..

لكن تأكد قبل ان تقوم باي تغيير من الكشف على الهيدروليك بالكامل ابتداء من البوالين الى وصلات الهواء الى حساس وزن الهواء(البلف)..
يمكن المشكلة بسيطة...لأن الهيدروليك ميزة ممتازة وراح تلاحظ فرق في المركب والتحكم لو غيرته الى عادي..
وان شاء الله ما تحتاج تغير الى عايدي..