جهاز تعقب للسياره .؟ استفسار

يوجد جهاز مخصص للشاحنات و الشبكة للتعقب مقدمة من شركة الإتصالات السعودية

و أنا ركبته في سيارتي نيسان باثفايندر و الجهاز فيه خواص كثيرة أكثر مما تحتاج

و الجهاز صغير نفس حجم محفظة النقود و تركب تحت الدركسون داخل الطبلون بحيث ما يبين ابد

و التعقب يكون عن طريق الانترنت قوقل ارث يعطونك يوزر و باسوورد خاص من مشخل الخدمة.... تقدر تعرف وين راحت السيارة و كذلك وين راحت أمس و الساعة كم و وين راحت الاسبوع الماضي بالإضافة الى كم السرعة هذا و أنت جالس في البيت

و كذلك تقدر تبرمج الاشارة بحيث أنه اذا دخل مكان معين أو على شارع معين تجيب تنبيه بالجوال (مجانا) أو تقدر تبرمج اذا السيارة تحركت من 12 الليل الى 6 الصباح يجيك تنبيه بالجوال

و هناك إضافات ما ركبتها في سيارتي مثل خدمة اطفاء السيارة عن بعد و تحديد مستوى الوقود و تنبيه الباب اذا انفتح و تسكر و حرارة الريديتر و أشياء كثيرة

و للاسف الشركة اللي تركب خبرتها للشاحنات لذلك قد يجدون صعوبة في تركيب سيارات عادية و سبق أن ركبو بي ام و مرسيدس و أنا سيارت جلسو يركبونها 3 ساعات (التريله نص ساعه) و مع ذلك حرقو فيوز و في الأخير رجعتلهم الليل و صلحوا الفيوز المحترق

طبعا الأسعار أنا جاني عرض خاص:

1000 ريال الهاردوير (الجهاز و الاسلاك) و سعرها الأصلي 1200
التركيب مجانان (الاصلي 150 ريال)
50 ريال شهرياً يعطونك يوزر و باسوورد لموقعهم فيه قوقل ايرث بالإضافة الى التنبيهات الجوال مجانا (الأصلي 100 ريال شهرياً)

و لو عندي وقت حطيت بعض الصور