السلام عليكم ورحمة الله وبركاته
وكيف الحال عساكم بخير
اعذرونا سجلنا وهجينا بس والله ظروف وللظروف احكام << إخلص وش عندك:a120(13):
المهم ياشباب انا الله يطول لي عماركم شريت لي { سوبر بان } 2010 طبعا LTZ والحمدالله السياره على مايرام وعلى احسن حال وطبعا كل شي لازم يكون له سلبيات وايجابيات
طبعا ابي اذكر لكم سلبيات السياره الي واجهتني بعد كذا نبدا بـ الايجابيات
السلبيات
{1}صوت الهواء لـ تعديت 100 ، تسمع صوت الهواء وهذي مشكله لحد الان مالقو فيها حل والمفروض والواحد يستفيد من خطاهـ عندكم من 2007 يعني مالحظتو الصوت ولا لقيتو له حل > الكلام موجه للموزعين
{2 }سرعة السياره بعد 120 العداد الالكتروني يتبرمج الى السرعه فوق الحد المطلوب ولاتشوف العدال لازم تهدي
{ 3 } الواجهه شوي نازله يعني لاجيت تلبق لازم الله لايهينك ماتلحم في الرصيف بسبب وجود الرفرف
الايجابيات
{1} تشغيل بالريموت وهذي الي ريحتني ولله الحمد يعني اطلع من الدوام احصل السياره شغاله والمكيف شغال كذلك وعلى حسب الاجواء لاكان الجوء حار تزيد سرعة المروحه اوتماتيك والعكس صحيح
{ 2 }وجود تبريد وتسخين المراتب ، وسفط المراه اوتوماتكيوالمراتب تصفط بزر وهذا شي جميل تكنلوجيا
{3} ونجي للزبده :xyxthumbs: واشكر الاخ { ابو دآليا } :ch19:على مساعدته لي في بعض الامور والاخ نسيته اسمه والله { بس على ما اظن هو { لحن المشاعر }:xyxthumbs: وبيض الله وجيهك السياره مريحه جداُ جداً على الخط وخاصه السفريات والحمدالله الاهل يشكرونك يا ابو داليا والاخ لحن المشاعر وبالاخص ابو داليا وجبنا طاريك بالمجالس قلنا مستشرين ناس عن طريق الشبكه العنكبوتيه ويدعوا لك قايمين وقاعدين}
{ 4 }المكيف لايعلى عليـه مشاء الله طبعا انا نقزت نقزه من موديل 92 إلى 2010 يعني حسيت بالتغير واول مره اطلع سياره وكاله
{ 5 }طبعا انا ماجربت جنط 17 على شان احكم / مع ان ولد عمي معه 2010 جنط17 بس ماجسرت اقوله عطني اجرب بس الحمدالله ماندمت اني شريت السياره ومثل ماقالو ماخب من استشار
...طبعا هذا الي اذكره ...
/
/
طبعا يا ابو داليا عندي لك بعض الاسئله لعلك تساعدني فيه انت وبعض الاخوان جاني اتصل البارح من لبنان > وكلمتي موظفه تقول فزت بسياره ومدري وش بعد مافهمت كلامها > قلت من انتي ، قالت موظفه في شركة > لتجميع السيارات او شركة السيارة والله ماني متاكد والله مدري وش تقول كلامها عجل ، وانا ياخوك ع هوني وانت عارف للبنانين > ماعنده الا شغل سريع سريع
والله مدري ياخوك ان كاني فايز بسياره ولا شي وكاني سمعت طاري 2007 قلت
قلت وش اسمي سيارتي ابي اتاكد هي تستهبل ولا وش السالفه ؟ قالت سوبربات 2010
وانا والله ياخوك مختبـص:c0214: ولا تقولي بناخذ من وقتك عشرين دقيقه بناخذ بعض المعلومات عن السياره {{ وانا اقول في نفسي مالقيتو الا انا ههههههه }}انا قلت بس لايسحبون رصيدي على الفاضي قلت الله يهديك الحين وقت قايله:xyxthumbs: والناس تتغدى اتصلي علي وقت ثاني قالت يعني مانقدر قله ايه مشغول ابي الفكه لايروح رصيدي مع انهم هم الي متصلين قالت: اوك يعطيك العافيه ونقدر لك تعاملك وراح نتصل عليك وقت ثاني قلت : في نفسي ايه يبلـغ
الموه اسف جدا جداجدا على الاطاله وانتظر ردودكم يالغالي وياويل الي موب رد> ع الاقل يرد لو سذب:a1120(86):
