السلام عليكم
ارجع واقتبس من ردي السابق
السلام عليكم
أخوي موضوعك طويل ومن المواضيع اللي مالها نهايه ...
اول شي اهنئ وأشكر الأخوان اللي ردوا على رقي فكرهم ورحابة صدورهم
لان الموضوع لما فتح قبل تقريبا ثلاث او اربع سنوات في نفس المنتدى كان فيه نوعيات من الردود متعصبه بشكل غريب ويصل لحد العباطه ...
شباب بالنسبه لي افضل البي ام ..
بالنسبه ببفخامه والتصميم وطريقة الإناره الداخليه وتوزيع الأزرار فهي شي ذوقي محد يقدر يقول هذي احلى من هذي والسبب اختلاف الأذوق ... <- وهي من صالح البي ام من وجهة نظري
بالنسبه للتحمل
المشكله اللي عندنا هي سمعه قديمه كان ضد البي ام لصالح المرسيدس ...
وكانت مشكلة فكر قديم ..
في السابق كان البي ام المرغوب والمطلوب هو 740 بينما المرسيدس المطلوب والمرغوب 320
وفي النهايه يقولون المرسيدس تتحمل أكثر ....
طيب شي طبيعي ان المرسيدس 320 راح يتحكل أكثر من البي ام 740 لان اصلا مافيه مقارنه بين المكائن لأن الـ320 عباره عن 6 سلندر اما الـ 740 عباره عن 8 سلندر
فلا وجه للمقارنه
لكن لو كانت المقارنه بين 320 أو الـ350 الحالي مع 730 ما أعتقد راح تقول نفس الكلام القديم فبالعكس البي ام سياره عمليه جداً <- طبعا الـ6 سلندر
طبعاً ولا يهون المرسدس ...
بالنسبه لقطع الغيار فهي متقاربه جداً
بالنسبه للقطع الاستهلاكيه فهي رخيصه للسيارتين لكن القطع اللي تتغير مره وحده في العمر هي الصلخه ...
واكبر تحدي قدمه بي ام هي ضمان الخمس سنوات بدون تحمل العميل ريال واحد لا من ناحية قطع الضمان او القطع الاستهلاكيه ...
عموماً وفي النهاية .. افضل البي ام بالنسبة لي ...
الله يعطيك العافيه على الموضوع أخوي ...
وأحب أضيف نقطه مهمه جداً بالنسبه للشباب للي يقولون ان المرسيدس يمسك سعر أكثر من البي ام
لاتنسى ان البي ام والمرسيدس يتغيرون في أوقات مختلفه
يعني على سبيل المثال
في عام 1999 نزل الفياقرا بينما البي ام ماتغير على نفس شكله من عام 1995 ولكن تغير فيس لفت.
في عام 2002 تغير البي ام ومازالت الفياقرا على نفس الشكل اللي نزل عام 1999
نجي للسوق طبعاً تلاقي الواحد يقارن بين الأسعار مثلاً فياقرا 2001 وبي ام 2001 ويلاقي الفياقرا اغلا ويقول شوفوا المرسيدس مسك سعره
انا اقول لا مامسك لكن البي ام تغير شكله
مثل اللي صاير الحين لما الواحد يقارن بين بي ام 2007 وبانوراما 2007 اكيد راح تكون البانوراما اغلى ولكن لا تنسى ان البانوراما تغير فيس لفت في 2010 بينما البي ام تغير كلياً في 2009
نرجع للسبب الثاني
مثلا راح تلاقي بالسوق بانوراما 2009 بقيمة 290 الف بينما تلاقي بي ام 2009 بـ250 ألف
طيب بسأل سؤال واحد ... الإنسان قبل يشوف القيمه السوقيه للسياره هل يعرف القيمة الأساسيه من الوكاله ؟؟
شباب ترا البي ام اللي بـ250 ألف قيمتها وكاله بـ325 بينما البانوراما اللي بـ290 قيمتها بالوكاله حوالي 380 ألف
بالمحصله البانوراما طاح 90 الف ريال والبي ام 80 ألف ريال
معناته وبعد هالكلام اكتشف ان البي ام يمسك سعره أكثر من المرسيدس :smilie16:
عموماً
أستغرب من اللي يقولك المرسيدس او البي ام عملي اكثر من الثاني وقطع غيار ارخص او اغلى واللي يقول ينشب بحلقك ولما تناظر سيارته تلاقي بورش ولا فورد ولا اودي ولا يوكن المهم لا هو مرسيدس ولا هو بي ام
بالنسبه لي شخصياً احاول اتكلم بشكل حيادي مع اني ولا ممكن في يوم من الأيام راح اخذ مرسيدس وهذا رأي ولا اقدر اجبر أحد فيه
اما بالنسبه للي يقول البي ام يعيش اكثر او المرسيدس يعيش أكثر
احب اقولك هذي ترجع لإستخدامك
في سيارات كامري و غيرها من السيارات العمليه قدروا ناس وبكل فخر انهم يخربوها في مده وجيزه
فيه سيارات تشوفها تحلف اها ما مشت ولما تركبها تلافيها ماشيه فوق الـ200 الف وفيه سيارات تشوفها تحسها مكروفه مع أنها ما بعد وصلت الـ 50 ألف
هذر راجعة للإستخدام ومتابعة الصيانه
مشكلتنا نبي سياره ماتخرب ولا تطلب ولا نوديها للصيانه واذا خربت قلنا مب عمليه
اسف على الإطاله تحياتي
