مرسيدس S 2009 والـ BMW 535 2011 ...

[TnT550]

السلام عليكم ورحمة الله ..
ياشباب هذا الشهر السادس ماشالله وانا في حيره منغصه في امر السياره ..
اخيرا حطيت عربون عند الناغي حتى توصل ال bmw 535 F10 اخر الشهر.. مشورتكم ياشباب هل المبلغ 255 الف كثير عالسياره ؟
وبايش تنصحون اخذها واتوكل او بنفس السعر مرسيدس s 2009 ماشي حدود العشره الاف..معروف ان المرسيدس افضل بمراحل ولكن احتاج مشورتكم باعتبار ايش الاختيار الافضل من ناحية ايهما بتعمر وتستمر لمدة 8 الى 10 سنين بافضل حالاتها وقلة اعطالها واكثر اعتماديه من الاخري

ماتقصروا ياشباب وترا ارائكم تهمني كثير وراح تحسم قراري خصوصا ان السياره راح توصل تقريبا الاسبوع الجاي..
سلمتم

[اعانق الطيف]

المرسيدس هو رأي والله يكتبلك الخير ويوفقك

[M I X I S]

اخوي معقوله مرسيدس 2009 ماشي 10 الاف كيلو
بـ 260 الف بس .؟؟

حتى لو كانت اس 350
احس ان السعر لقطه ما تتعوض الا اذا كانت السياره مصدومه من قبل
او كانت قليلة المواصفات .؟؟

لو كنت في محلك
راح اختار البي ام بكل بساطه لعدة اسباب :
- سياره جديده على يدي
- سجل جديد للصيانه و بخمس سنوات مع الصيانه المجانيه
- كاملة المواصفات و لا ينقصها اي شي
- تعد الاعلى في فئاتها

و موفق في اختيارك ...

[ZEMAN]

وعليكم السلام ورحمة الله وبركاته

مثل ماقالك طويل العمر M I X I S فيما يخص برنامج الصيانة

يعني خمس سنوات كاملة أو 100 ألف كيلو ماراح تدفع ولا ريال على القطع الإستهلاكية وتركيبها, انت تدفع فلوس بنزين وكفرات بس

وفيه ضمان المكينة والقير والأشياء الكبيرة هذي مدته 3 سنوات او 100 ألف كيلو ( لكن الأفضل لو تستفسر من الوكيل نفسه عن هذا الضمان )

وياسلام لو تكون من جدة صيانة الناغي في جدة أسرع بكثييييير من ناغي الرياض

سيارتي قعدت عندهم أكثر أسبوع على إيش؟ تغيير حساس زيت ومروحة مكينة

عالعموم

قارن المواصفات بنفسك, وشوف من الأفضل

يعني لو الفئة الخامسة الي انت حاجزها مواصفاتها افضل من الـ S Class الي لقيتها, توكل على الله وخذ الـ BMW ماعليك من اسم او نوع السيارة المهم هو المواصفات

الله يوفقك في اختيارك.

[MY VW]

يا صديقي العزيز
المرسيدس E الجديدة افضل واحلى واحسن
وعملية اكثر وتمسك سعر اكثر
وفيها مواصفات مو موجودة بالبي ام السابعة
اعتقد فيه تقرير عن السيارة في هذا المنتدى

[عاشق بنز]

أخوي أنا لو كنت مكانك .. باخذ الـ Mercedes بعد حيرة .. ( رأيي الخاص )

والـ BMW لو أخذتها ما بتكون خسران أبدا .. لأنها باختصار من أفضل الاصدارات في فئتها

أما بالنسبة لاختياري للـ Mercedes لأنني من عشاق الفخامة بخاصة لوكان عليها كت AMG

ولو كانت الـ E-Class بدلا من الـ S-Class لأخترتها أيضا

الـ BMW رائعة جدا .. ولو أخذتها ما بتخسر

لكن أنت .. أصلا .. دافع عربون فتوكل على الله واخذها

==============================================

- سجل جديد للصيانه و بخمس سنوات مع الصيانه المجانيه

للأسف أحد أصحابي ماخذ .. BMW 740 LI 2009

دافع للصيانة المجانية وضمان المكينة والجير .. يعني ما عليه الا بنزينه

صارت عنده مشكلة في كمبيوتر السيارة .. راح للوكالة وقلهم عن المشكلة

ردوا عليه وبكل برود .. (( بس الضمان والصيانة غير شاملة خراب الكمبيوتر !!!!!!! ))

والله لا يهينك ادفع مبلغ .. 15.000 - 30.000 <<<< مو متأكد 100%

وانصدم صدمة كبيرة .. أنا دافع لهم مبلغ وقدره ع الصيانة المجانية والضمان .. وآخر شي .. أدفع !!

==============================================

أتمنى اني أفدتك .. وفي النهاية الخيار لك .. وأنت اللي تقرر

تقبلوا تحياتي .. أخوكم .. عاشق بنز

[عاشق ... AMG]

أتفق مع أخوي الغالي عاشق بنز ..

وأنا أعرف هذا الشخص الذي لديه مشكلة بكمبيوتر السيارة .. .


حسافه والله ... دافع مبالغ وآآخر شي لا يشمل الضمان ..


تحياتي .. عاشق ... AMG


أنا لو كنت بمكانك آخذ bmw أنت دافع العربون وليش تخسره ..

توكل على الله ترى BMW سيارة محترمة والكل يشهد ..

[الوسوف]

حبيب أنا برأيي خد ال bmw بياعه بالسوق وقويه وسريعه وشبابيه اكثر من ال mercedes