اخوان لدي استفسار بخصوص التاجير باالتمليك ؟ ابي افاده ؟؟

شوف البنك الاهلي بالسنة 25000كم وتقسم على 12 شهر يطلع لك الكيلو
عموما اغلب البنوك والشركات ما تقدر تتنازل الا اذا دفعت 30% من السيارة كدفعة اولى او غرامات وهي
9 اشهر في السنة الاولى
6 اشهر في السنة الثانية
3 اشهر في الثالثة
الرابعة و الخامسة فقط الكيلو الاضافي
ويحسب بحوالي 0.5 ريال او .75 هللة تختلف بين فترة واخرى
راجع الشروط قبل توقيع العقد ولا يغرك كلام المندوبين اقرا العقد بتروي
موفق

بالنسبه لسؤالك عن الكيلوات

كل كيلو قيمته ربع ريال او نصف ريال

يعني 100 الف كيلو بيطلع عليك بـ 25 الف او 50 الف على حسب
وانا صراحه اعتبره خساره لك

من ترك شيء لله عوضه الله خير منه
ترى اغلب اللي اعرفهم اخذو ايجار منتهي بالتمليك صدموا صدمات قويه و خسروا كثير الله يبعدنا عن كل شبهه وعن كل حرام

واللي اخذوا قرض شرعي او اقساط يسر الله لهم السداد

و انا اخوك ما الله حادك على الحرام

اذا كان معك مبلغ
ادفعه دفعه اولى و يقسطون لك السياره

اذا كان ما معك مبلغ
استأجر السياره اللي تبغاها من محلات التأجير حسب المده اللي بتستخدمها فيه
و التصليح عليهم و اذا ما قدرت تسددهم يوم من الايام لا قدر الله ياخذونها منك و انت مطمئن لانك ما دفعت الا قيمة استخدامك بدون ما تخسر شي زياده

هلا بك

طبعا يعطونك تفويض وتقدر تروح فيها خارج السعوديه
ولكن حسب ما سمعت انه ياخذ وقت طويل على ما يطلع التفويض
تقريبا شهر كامل والله أعلم

لكن إذا تبي نصيحتي لاتاخذ سيارة بالأجار المنتهي بالتمليك

لأنه غالبا ما يكون فيها دفعه أخيرة تصل إلى 30 ألف ريال

فهل تستطيع دفع مبلغ 30 ألف دفعه واحده

أغلبية الناس ما يقدرون وعشان كذا يكتب معاك عقد ثاني لتقسيط الدفعه الأخيره
وهي 30 ألف ويكون فيه عقدين بالسالفه

العقد الأول عند شراء السيارة

والعقد الثاني عند الدفعه الأخيره

وهذا حرام شرعا

غير انه يزود عليك المبلغ الإجمالي أكثر مما تتصور

لأنهم راح ياخذون عليك فائدة في مبلغ الدفعه الأخيره

وكذلك اي سيارة تأجير منتهي بالتملك ما تقدر تتصرف فيها ولا تبيعها
وممكن يسحبونها منك بأي لحظة لو يصير عندك ضروف وتتأخر بدفع القسط

أبحث عن سيارة تقسيط وليس تأجير أفضل لك
لأنه راح تكون باسمك من اول يوم تشتريها ولايوجد فيها دفعه أخيره

بالتوفيق