شباب عندي كم مشكلة بالكابريس 1988

كادي22 @user_106230 · 13-09-2010

اهلين شباب كيفكم

الكابريس هاليومين قالبه في راسه ومجنني

وكل يوم مشكلة

1- الكمبروسر كل ماركبت واحد مايطول معي شهر بالكثير ويجيم مع انه اصلي وفريون امريكي واغير الاشياء اللازمة تعبت منه صراحة علما السيارة 3 سيور

2- رجه بالموتر مع المشي سواء بخفيف ولا بسرعة علما اني شيكت على الكفرات مافيها شي
وعزمها شوي ضعيف .. من بعد مااخترب علي الديلكو وصلحته بقطع اصلية

3- تبخير بسيط من جهة غطاء المكينه ونقص بالزيت وفي كم واحد قالو لي يمكن شنبر وقريب تخبط المكينه اذا كان يطلع بخار منها وشيكت والسيارة مشتغلة في عز الظهر فتحت الغطاء مافيه اي بخار وحتى من المعيار مافيه ولا في دخان بالشكمان لا اسود ولا ازرق ولا ابيض

4 - احس بحرارة مو طبيعية بالمكينه مع انه الرديتر 4 صفات واوتماتيك المروحة اوكي ومغير طرمبة المويه وبلف الحرارة

والرديتر ماينقص مويه واشيك عليه كل يوم والحرارة عندي لا كثرت بالثلث في الامبير

وش الحل مع هالمشاكل ابي احلها وارتاح

كادي22 @user_106230 صاحب الموضوع · 14-09-2010

s

sapient

اخوي للحراره شيك على الاهواز اذا كان فيه ضغط
يكون من غطاء الرديتر او بلف الحراره لا يعمل اوالرديتر
فيه وسخ او اشياء اخرى

الاهواز سليمين والبلف مغيره مافيه شيء

والرديتر وغطاه مشيك عليهم قبل اسبوع واوكي حتى الغطاء اصلي من العيسى

السيارة من طلعتها من الورشة بعد السمكرة العين صارت عليها ولا قبل مافيها شيء

كادي22 @user_106230 صاحب الموضوع · 14-09-2010

M

Made for ksa

أخوي فيه أشياء بأقول لك عليها .. مع أنني بلشان بموتري وناشب بيه خخخخخخ

1ـ المفروض لما تركب كمبريسر جديد تروح تغير لاحظ تغير مو تنظف .. أديتر المكيف أصلي .. فلتر اصلي .. خزان ( الأسطوانه أصليه ) .. لأنك بتغييرك الكمبريسر دون هذه القطع .. بيرجع الكمبريسر يمتلئ بالأوساخ ومع الوقت يجيم معك .

2ـ الرجه لها أسباب كثيرة منها عمود الدوران إذا كان الصليب يطق معك إذا تعشق وممكن الجنوط قديمه وتحتاج خرط أو تغيير وتبين معك في الترصيص

3 ـ التبخير إذا كان بسيط لا بأس فيه .. مثل موتري الآن والسبب فيه قطعه لها تسحب الهواء من المكينة وتدخله على الكبليتر تحتاج تنظيف لأنها إذا كانت وسخانه سحبها للبخار يكون ضعيف ويرجع البخار يطلع مع غطاء المكينة و فتحة الكبليتر .. مو واضح لكن تشوف المكينة كأنها مغبره ومليانه تراب

4ـ الحرارة لها أسباب كثيرة .. لكن تأكد أن الأشياء اللي ذكرتها سليمه .. وإلا من علامات أن المكينة تصرف الحرارة العالية وتنقيص الزيت بشكل كبير وواضح يعني علبه كل 500 كيلو أو أقل .

والله ييسر لك أمرك

1 - بالنسبة للشيء الوحيد اللي ماغيرته اخر مرة لما جيت اركب كمبروسر رديتر المكيف واتوقع البلا منه .

2 - بالنسبة للرجة بكشف عليها بكرة يمكن كراسي مكينة ولا عمود زي ماقلت

3- التبخير بسيط جدا وشكله نفس ماقلت القطعه اللي تطلع البخار للكبريتر وبكرة بغيرها

4 - القطع بالنسبة للحرارة سليمة...

كادي22 @user_106230 صاحب الموضوع · 14-09-2010

8

89 بروقهام

الحل يالغالي تشوف اللي صكه بعين وتقوله تعال اتفل على السياره ( اكرمكم الله )

والله دام انك مسوي كل ذا الاشياء فيمكن عين وتعوذ من الشيطان ورح للمعارض

وسو كنك بتبيعها ورح لابو يمن يعرضها لك يحرج عليها اللي يوقف على سعر

واذا خلص قله ما ابغى ابيع ( والله العظيم اكثر الناس اللي جاتهم خرابات وركبوا اشياء جديده راحوا وسوو نفس الحركه

الله يكفيك الشر وانا اخوك

والله العظيم اتوقع عين

لانه الخرابات كلها من بعد ما سويت لها بوية كاملة وطلعت تلفت الانتباه

لا وابشرك اليوم العصر اخترب دينمو الكهرباء

sapient @user_236977 · 14-09-2010

اخوي للحراره شيك على الاهواز اذا كان فيه ضغط
يكون من غطاء الرديتر او بلف الحراره لا يعمل اوالرديتر
فيه وسخ او اشياء اخرى

Made for ksa @user_184992 · 13-09-2010

أخوي فيه أشياء بأقول لك عليها .. مع أنني بلشان بموتري وناشب بيه خخخخخخ

1ـ المفروض لما تركب كمبريسر جديد تروح تغير لاحظ تغير مو تنظف .. أديتر المكيف أصلي .. فلتر اصلي .. خزان ( الأسطوانه أصليه ) .. لأنك بتغييرك الكمبريسر دون هذه القطع .. بيرجع الكمبريسر يمتلئ بالأوساخ ومع الوقت يجيم معك .

2ـ الرجه لها أسباب كثيرة منها عمود الدوران إذا كان الصليب يطق معك إذا تعشق وممكن الجنوط قديمه وتحتاج خرط أو تغيير وتبين معك في الترصيص

3 ـ التبخير إذا كان بسيط لا بأس فيه .. مثل موتري الآن والسبب فيه قطعه لها تسحب الهواء من المكينة وتدخله على الكبليتر تحتاج تنظيف لأنها إذا كانت وسخانه سحبها للبخار يكون ضعيف ويرجع البخار يطلع مع غطاء المكينة و فتحة الكبليتر .. مو واضح لكن تشوف المكينة كأنها مغبره ومليانه تراب

4ـ الحرارة لها أسباب كثيرة .. لكن تأكد أن الأشياء اللي ذكرتها سليمه .. وإلا من علامات أن المكينة تصرف الحرارة العالية وتنقيص الزيت بشكل كبير وواضح يعني علبه كل 500 كيلو أو أقل .

والله ييسر لك أمرك

89 بروقهام @user_230737 · 13-09-2010

الحل يالغالي تشوف اللي صكه بعين وتقوله تعال اتفل على السياره ( اكرمكم الله )

والله دام انك مسوي كل ذا الاشياء فيمكن عين وتعوذ من الشيطان ورح للمعارض

وسو كنك بتبيعها ورح لابو يمن يعرضها لك يحرج عليها اللي يوقف على سعر

واذا خلص قله ما ابغى ابيع ( والله العظيم اكثر الناس اللي جاتهم خرابات وركبوا اشياء جديده راحوا وسوو نفس الحركه

الله يكفيك الشر وانا اخوك