السلام عليكم ورحمة الله وبركاته
أسعد الله أوقاتكم بالخير والبركه , اسأل الله العلي القدير أن يكت لنا وأياكم الاجر في هذا الشهر الفضيل ويجعلنا وأياكم من المقبولين .. آمين
أخواني أنا قررت أشتري سيارة لومينا 2004 وبعد مافحصتها وكل شي طلع فيها هالعيوب
1) تصفية مكينه ( بواجي , أسلاك بواجي , فلتر هواء , سيفون )
2) وجة غطاء بلوف
3) فحمات أمامي + خلفي + خرط هوبات
4) صوفة قير خلفيه
5) ربلات عمود توازن + مسمار عمود توازن
6) شداد سير + سير
7) تربيط سفلي
8) رماّن عمود كردان
وش رايكم يالربع بالسياره ! هل هالقطع مـُأثرة على السيارة لأني حسبتها وكاله بتطلع 1400 ريال من غير شغل الورشه
يعني الله لا يهينكم وش القطع المهمه وتحتاج تغير والقطع اللي ممكن أخليها بعدين لحين توفر الماده
وجزاكم الله خير وماقصرتوا
تحياتي لكم
شوف يالغالي بالنسبة لموضوع شراء سيارة انصحك قبل كل شيء شيل من راسك فكرة شيء اسمه مستخدم لانه في النهاية راح تخسر عليها اكثر من البيعة لانه اللي باعها لك همه انه يبيع و بس و انت عليك التصليح و التضبيط و التغيير...الخ و الله لو انه BMW او مرسيدس لو اشتريته مستعمل في النهاية راح تحصل فيه خرااابات هو صح الوكالة بتحصل ضربة و غالي بس راح يغنيك عن كل شيء..نظيف+جديد+ضمان و راح يوفر عليييك التعب اما المستعمل كل مررة يطلع لك مشكلة هذه نصيحتي لك و اذا كنت تبي تصلح القطع الي ذكرتها فيفضل انك تاخذها كلها و لا تقول لي اي شيء وكالة مضمون يا خوي الي في الوكالة نفسها الي في محلات قطع الغيارات لانه الشعب السعوودي عندهم مفهوم اللي غالي يعني اوكي و مضمون يا ناس الغلى هذا القصد منه حق نسبة البيع و الشراء بس ياخذون عليها نسب مرابحة لان acdilco و GM كلها اصلية نصيحة خذها من المحلات ارخص لك..هذا كل اللي اقدر افيدك فيه و اعذرنا على الاطالة...
