داعــــــًا يا فورد كراون فكتوريــا من بعد العام هذا .(مقال من موقع فورد).

ياشباب اذا تبغون القراند ماركيز والفكتوريا خليهم يجبون لنا مصنع هنا ويصنعون لنا
وسبب نجاح السيارتين انها نفس اللي يبغاه الشعب
رخص في القطع وسهوله في الصيانه وسعر بيع ممتاز وقويه وتتسع لستة اشخاص
ومقاس الكفرات 16 و17
وانا لو اني صاحب مصنع مااسوي الا سيارات زي كذا لان السعوديين سواقتهم سواقه اجراميه ويبغون سياره تتحمل معاهم

اذا جاء 2011

قالوا شركة فورد تنبه عملائها بان الفكتوريا ستتوقف في 2020 :bigggrin:

كلام اخوي عزيز قوم صحيح

ولا تزعل علينا يا عم من 98 الشكل ما تغير
واكيد مهوب انا ولا انت ولا غيرنا يحدد استمرار الانتاج او الايقاف الي يحدده السوق والطلب عالسياره
وبعدين الظاهر كلامي واضح انا ما تكلمت عن جودت الفكتوريا والماركيزوقطع غيارها وراحتها الخ
بالعكس اتمنى استمرار الاسمين لكن بنفس الوقت اطالب بالتغيير التغيير مطلب الجميع
جميع سيارات فورد محققه نجاحات ومبيعات كبيره الا الفكتوريا ولولا عقود الشركه مع البوليس الامريكي وشركات الليموزين والتاجير كان من زمان فورد موقفه الانتاج

3 سيارات فكتوريا ولله الحمد
94
2004
2010
من جرب الفكتوريا والفورد بشكل عام راح يرجع ويرجع ويرجع
ورد ع كل من يقول دبابه مدري سفينه مدري قاطره
اقولكم هذا الزين وهذا المطلوب
في زمن الزحام والقياده الغوغائيه !
اتحداك احد يحارشك بالرياض ومعك فكتوريا
عارف ليش !!
لانه عارف انك بتقلبه قوطي ببسي قدامك وتشوته من رصيف لرصيف
صدقوني واقع مجرب
اطلع ببانوراما ولا bmw شف الناس مايحترمونك ويطلع عليك بوسط الشارع
لان معه تامين ابو 350 ضد الغير وماهمه احد

بس لاصارت معك فكتوريا ضرب لك 1000 حساب قبل لايتهور معك ويحارشك ولايحدك
لان عارف مصيره راح يكون قوطي ببسي بوجهيه الفكتوريا !!




8888888888888888888888
ااااااه ياتسبديه اللهم اني صائم
الله يصلح شركه فورد بس ع هالتهيييضه الاليمه
يارب يشوف هالكونسبت النور ولو بعد حين

تسلمون اخوااني
بس بالنسبة لي السيارة عملية جدا

اذا كان بيتي عند الصناعية شريت اكسنت والالعاب اللي زيها

:xyxthumbs:

ياخال نفس الشكل من 98 مو 97 الله يصلحك
وثانيا الماركيز او الفورد سيارات تعيش وتريح ومافي احسن منها بالخطوط بالنسبه للسيارات الي من فئتها

وثانيا مو انت ولا غيرك الي تحددون ان الفكتوريا ولا الماركيز يقفون انتاجهم وكلام النت والجرايد من 2006 وهم يقولون اخر انتاج والحين نزل 2011 ولا في اي شئ

وبالاخير اقول مستخدمين افضل شركة امريكية بجوده صناعتها وتحمل سياراتها هم الي يحددون بالكلام هذا وانشاء الله لو يوصل موديل الماركيز 2050 والله معطينا عمر راح نشتريه ولو ماتغير شكله
حبيبي احنا همنا في السيارات
1- الامن بعد حفظ الله
2- الراحه
3- قطع الغيار الرخيص
4- قوة تحمل السياره
واشياء كثيره موجوده ماراح احد يحصلها بنفس فئة الفورد والماركيز بنفس الجوده
تحياتي

خلااص انتهى عصرها ومفروض شركة فورد وضعت بديل يكون دفع خلفي بس ظاهر خلااص شركة ماتفكر بدفع خلفي وكلا بتصير دفع امامي

سيارات العصر الحجري مللنا منها

ما قوم سوقها إلا الاستعمال الامريكي بـ30 ألف و ياخذون لك موتر طول بعرض
بدل ما ياخذون اكسنت وكالة :bigggrin:

خلاص الفكتوريا وفت وكفت والشكل ما تغير من عام 97 تخيل موديل 97 نفس شكل موديل 2011 يعني 13 سنه ما تغير الشكل
وصحيح انها سياره خدومه لكن الناس ملت شكلها
بس كان المفروض على فورد المحافظه على الاسم في الخليج يعني كان سوقت التورس عندنا باسم فكتوريا او طورها بشكل جذري واقتبسو تصميمها من هذا الكونسبت

أتمنى أن تتوقف صناعتها
لأنها الشيء الوحيد الباقي من قوة الصناعة الأمريكية .

كراون فيكتوريا و القراند ماركيز كانوا متصدين لقوة زحف تويوتا .

احسن حركة سوتها فورد

يعني كان من المفروض يسوونها من زمان او يغيرون الشكل

لأن الناس ملت الشكل القديم...

عالعموم مشكور ياصاحب الموضوع

انا صراحة ما اشتهي هالسيارة واتمنى انهم يشيلوها بسرعة :a1120(82):

والله اخواني السيارة كانت ممتازة بالنسبة لسعرها
ولا ماكانت ربع السعودية ماخذة زيها

كفتوريا خلاص انتهت وشكلها قديم
وثقيله الوزن كنها قارب
وتسبب زحمه بالشارع بسبب طولها 52 متر هههه حتى ماتعرف تسوي لها بارك الا بالقوه

اتوقع الماركيز بيتوقف لانه على نفس خط تصنيع الكرون فيكتوريا

حسب المقالة انه البديل لها بالنسبه للشرطة هو توروس واللي ما راح تنافس ضد سيارات دفع خلفي مثل الامبالا او التشارجر
بس ممكن فورد تطلع لنا بطلعة وسيارة دفع خلفي ممتازة فيها مواصفات التوروس مثلا وتكون بدلا للكراون فيك .

والله ما اعرف ..!!!
بس اخوي راجع الموضوع ..:
http://www.assayyarat.com/forums/thread214189.html