هل كل السيارات تمشي 120 صح ..؟؟!!!!

الامبير والحساس موزون على حجم ومقاس الأطار اللي يخرج من المصنع


بعد كذا اذا غيرت اطار مقاس اكبر او اصغر راح تكون قراءة عداد السرعة خاطئة

وجرب بالقارمن راح تشوف الفرق

صادق اخوي لانه انظمة الجي بي اس او القارمن تجيب لك قراءة العداد متأخره((ياخذ وقت على مايرسل ويستقبل))

اما بالنسبه لاختلاف السرعه عندي احساس انه حساسات السرعه الموجوده على الهوبات مع

مرور الوقت والاستخدام خصوصاً بالاجواء الباريسيه اللي عندنا تبدأ تخور وتعطي قراءات خاطئه

لكن احساسي انه الالماني هو الاجود

واحد من الشباب ركب جنوط 20 على اليوكن من الوكالة كانو مسوين عليها عرض قالوله لازم نعملها اعادة للاعدادات بالكمبيوتر لما سئلنا مدير الورشة ليه قال لوزنية العداد السرعة و الكيلو مترات
جنوطة السابقة 17

عداد السرعه في السياره ما يكون دقيق

إما إنه يزود أو ينقص

يعني عندي بالفورد أمشي 120 بالـجي بي أس 115

وكل ما زادت السرعه كبر الفرق

أنا صارت معي مرة

كنت رايح أنا واخوي ولد عمي مهم طلعنا بسيارتين لأن أخوي راح يسر على دوام بعد

تمشي مهم

نحن سايرين أخوي يقولي لو سرت عنك مب مشكلة لأن مهما كان في فرق بين سرعة

صالون و الفوريل أونه بسب حجم تواير ـ أطارـ عنده ...أكبر من توايرـ أطارـ سيارتي...

ثبتنا على سرعة 125 كلم

تصدق أن سيارتي صارت تقرب عليه لين ما خفيت سرعة 121 تقريبا صرت أمشي مثلة

وهو بالكسزز ماله يمشي 125......

.....

في الحقيقية يمكن سبب أن واحد منهم قرائة سيارته خاظئة بسب عطل

أما بسب تواير تختلف سرعة كلام فاضي مع احترامي وتقديري لكل أعضاء منتدى...

الامريكي ثابت والياباني يلعب هذا الي اعرفه

عداد السرعه في السياره ما يكون دقيق

إما إنه يزود أو ينقص

يعني عندي بالفورد أمشي 120 بالـجي بي أس 115

وكل ما زادت السرعه كبر الفرق

صحيح هي على الكفرات

اعرف واحد مركب بوالين يقول تقريباً اذا كان العداد 120 الفعلي اني امشي 140

طيب الحين على طاري ساهر لو كان الشارع 90 وانت مشيت 93 يعطيك مخالف ؟

السلام عليكم

موضوع شيق ويستحق المناقشة

حسب معلوماتي ان العداد يعطيك سرعة دوران القير وليس دورة الكفرات والمثال البسيط لو مثلاً حرق عندك الكلتش تلقى العداد حق السرعة يرتفع والسيارة تحن وانت تمشي في الواقع شوي شوي
الكفرات لها دور في موازنه السرعة فلو مثلاً ركبت كفرات صغيرة على السيارة مخالفة للمقاس الاصلي راح تشوف السيارة تسير بسرعات عالية بينما في الحقيقة هي اقل من الموجود في العداد والعكس صحيح حال تركيب كفرات كبيرة واحد الاخوان كان عندة جيب ومركب كفرات بالون وقول حسب قراءة الجي بي اس السرعة 120 بينما في العداد 100 كلم /س (طبعاً هذا الكلام في حال عدم تغيير تروس الدفرنش ليتناسب مع القياس الجديد )


حسب تجربتي اكثر السيارات دقة هي الالمانية وبعدها اليابانية

بالنسبة لنظام المرور ما ادري ايش السرعة الي يعتمدونها ومن المفترض ان تكون حسب قراءة جهاز الملاحة لانه يعطيك السرعة الحقيقية وخلال تجارب السرعة القصوي للسيارات الجديدة يتم تحديد ذلك باستخدام هذه الاجهزة

لا يجماعة الخير الساهر الله يهديه يصور ثلاث مرات ويحسب وطلع أقرب نتيجة لسرعت السيارة يعني يشوف الصور وعاد ياتصيب ياتخيب ونت وحظك

وشكرا على الموضوع تقبل مروري

الاجابه عندي السبب الكفرااات بس ماعرف كيف اشرح لكم عشااان توصل المعلومه بس لها علاقه بمقاسات الكفر وارتفاعه بالعربي اذا تبي تخلي قرااءة العداد صحيح التزم بمقاسات كفرااات الوكاله وسلااامتكم