اصحاب الكراون والماركيز ....لو سمحتو

هلابك اخوي فك الفصله من الاساس مايضر اللي يضر استخدامك الخاطئ للسيارة مثلا قومات الممشى فوق ال200 دايم التدعيس هذا اللي يدمر القير حتى لو انه يفصل ثاني حاجه الجو حار مايساعد القير هذا اللي يخلي كلاتشاته تحترق بسرعه الا ان كان فيه مبرد ثاني للقير وتركب مبرد نوعيته ممتازة وتغير الفلتر والزيت اول بأول
الفصله اما تبرمج او تغير الكمبيوتر وتغيير الكمبيوتر ارخص اما تركب كمبيوتر سعودي ويفصل على 200 او كمبيوتر بعض الفكتوريا سبورت سعودي يفصل على 220 او بوليسي لكن المشكله بكمبيوتر البوليسي لازم الدفرنس يكون بنيونه اكبر شوي من الموجود عندك او تبرمج لكن ميزة البرمجه تخليه يفصل على السرعه اللي انت تطلبها مثلا على 220 او 230 او تكون مفتوحه وسعر البرمجه مثل ماذكرو لك اخواني ومالي علم بها لكن اللي اعرف اسعارها من 500 او تشتري الجهاز كامل سعره من 2000 وطالع وبالتوفيق........

حبيبي معليكم منهم انت شوف الزيت لو انه ناقص ولا شي ولا ماغيرته وش اللي توظيب الموتر جديد

واللهي الفكرة براسي انا بعد ماركيز 2008 ابي ابرمجها من امريكي لسعودي اما بخصوص السرعه انا يادوب اوصل 160 هذا اذا مامشيت 120 ههههههههههه ماحب اسرع بصراحة لكن عندي مشكلة بالجيربكس مع القومة يمسك بالنمره ثم يفك بالقوة وديتها قالوا توضيب ب 5500!!! ابي محل بجدة يبرمج سعوووووووودي

up up up up

^^^^^^^^^^^^^^^^^^^^^^
خربات شنووو مثل ايش..!!! فيه ناس تعطي ضماااان على فك الفصله بعدين انا ماهمني اني امشي حتى المسمار انا همي العزم هل يختلف والكرونه اللي عندي ابطئ كروونه

عند اخوي فورد 2004 فل سعودي

فك الوصله بحدود الـ 900

ابدآ ماهو رااسي بعد الـ 180

يمشي حول الـ 250 او 260

والله بعد مافك الفصله الموتر كأنه اخف شووي عزمه صار قوي
بس ما انصحك لان تبدأ الخرابات مع فك الفصله

وانت ابخص

اخي العزيز , أنا مع الشباب والله السرعه مامنها فايده وسلامتك اهم ولو انا مكانك اترك السياره مثل ماهي وشكراً , ,

انا مبرمج سيارتي فكتوريا 2007
برمجة sct
كل الي تحتاجه عدد 2 مبرد للقير
وتغير زيته كل 30 الف كيلو مع الفلتر

وحط ببطنك بطيخه صيفي :)

طيب انا فوردي 2002 و فاك فصلة و مبرمج في القومة اطلع على انفنتي g35 الين 100 و بعدين هوا يروح علي بس لا ضغط الغاز ما يشوف الى غباري بس المشكلة الوحيدة في الفصلة الى و هي القير و ممكن تحلها لو تروح شركة تعديل صاحية مثل كيني او dub او مود كار بيحلولك المشكلة بس انها تكلف فلوووس لنو احتمال يعدل لك قطع في القير هذا اذا ما ركبلك قير جديد يعني بالعربي بيمصو دمك و انت و ضميرك و اذا جيت تبرمج برمج في محل صاحي اذا انت فجدة روح الريس وي في واحد هناك اسمة حسام الطيب خبلل برمجة و ب 1800 ريال و طمان من عندي عالبرمجة سنتين

اخوي انت بس تشوف العداد

ولد خالي على ونيت يمشي 170 على الفصلة وراه كامري تفصل على 210

معروف الامريكي يمشي اكثر من فصلته

^^^^^^^^^^^
تلقاهـ مسويها عن حدى هالورش حطوله برمجة بوليسي ولعبوا في الموتر

لاكن لو يبرمج من أحد شركات البرمجه المعروفه : SCT أو ديابلوا

ما يواجه أي مشاكل بإذن الله

ياخوي والله 180 كااااااااااااافيه جدا
انا حاس بشعورك يوم انك تمشي ماتدري الا هي 179 وتحس انها باقي تبي تمشي
والله 180 كثيره
وانا بغيت افك الفصله زيك لين واحد قال لي
يعرف واحد من اخوياه فك الفصل وسيارته مطلعها جديده موديل 2008
وظب القير مرتين

سبحان الله 165 مشاهده ولا احد عنده اجبات عن اسلئلتي اجابات كاافيه ومجربه

يعطيكم العاافيه بس انا ابي اسأل عن الشباب اللي فكو الفصله وسياراتهم موديل جديد يعني انطباعهم بعد فك الفصله وكيف اوضاع الموتر ؟؟؟

في الرياض يا طويل العمر عندكـ محـــل 4500 في الربــوهـ

عندهـ جهاز ديابلو لبرمجة الفكتر والماركيز

سعره بحدود 1800

انا فكيت الفصله ببرمجه ورجعتها ثاني يوم

ما ارتحت لها وما اعجبتني
بجهاز برمجه اكس ثري

الماركيز والفكتوريا بعد 170 يكون خفيف جدا وغير راسي

نصيحة لوجه الله لاتفصله واترك السرعة مامنها خير

:)