فورد تورس.. فئاتها ومواصفاتها واسعارها ؟

من ناحية الشكل مافيه مقارنه, ياخي الكادينزا شكلها خرافي كل مامرت والله تحسها ألماني
من بعيد. بالنسبه للقوه والتحمل السيارتين أعتقد ماكملوا او توهم يكملون ثلاث سنوات فهذي بعلم الغيب. بالنسبه لشكل التورس شخصياً أراه تفخيم بايخ السياره شكلها خربوطي صراحه خاصةً من الخلف. لكن كصيانه توكيلات الجزيره من أفضل الوكلاء عندنا وهذي النقطه ترى مهمه جداً جداً, وكيل كيا ماعندي علم.

لا الفيوجين ماهي حقت قطب بصراحة لأن شكلها مو ذاك الشيئ وصراحة التورس ماتتفوت لكن اخونا مالقى المواصفات المطلوبة انا انصحة ياخذ فورد قراند ماركيز الرياضي الليميتيد يجي ححلو ونفس الوقت قوي ويتحمل الكرف وقطع الغيار رخيصة

والله الفيوجين مو حلوة مع صاحبي ففيوجين 2010 ستاندر ياخي ايش مشكلتها انها دفع امامي
والسيارة فاشلة وضعيفه جدا احصنتها زي الاكسنت

تبغى سيارة خذلك تشارجر واهم شيئ تكون سيارتك صناعه امريكية زي الفورد والشفر امريكي يتحمل ويعطيك في الخطوط ومايقولك لا اذا كان تبغى مقاومات وان كان تبغى شد خطوط مالك إلا الفورد اللميتيد

والله من رأيي انك تاخذ التوروس تراها قويية وتتحمل ومططوووره جدااا عن بقية سيارات فورد إلا الموستنق طبعا الموستنق مانتكلم عليها

التوروس فيها عازل صوت جااامد جدااا من خلال المقاطع اللي شفتها

وبعدين الكيا ورقة اي دقه لاقدر الله تروح السياره فيها ..

اما الأمريكي مكاين تطرب وقوية وتتحمل الكرف والحديد قوي ان شاء الله

بالنسبه للفيوجن بالعكس المكينه مناسبه على حجمها وعزمها افضل مقارنه بالكامري والاكورد لكن طبعا مو افضل من التورس

وتبي نصيحتي اذا انت تبي موتر شبابي وقطب ومن هالحركات الفيوجن افضل اما اذا تبي موتر راكد وفخم وحق خطوط اكيد التورس ولا كلها مواتر حلوه اما الكوري (تنكه) حده محلات الايجار ولا هالسيارات الرخيصه اما الفخمه يخسي وخصوصا الكيا قمة الفشل

يعطيكم الف عافية يا شباب ماقصرتوا :) الله يجزاكم الف خير :)

بعد مراجعة الردود للأسف استثنيت التورس :( لأن عندي مقدرة على النص فل ومافيها اهم المواصفات اللي انا احتاجها ( شاشة وفتحة سقف وكاميرا والرادارات ... الخ )

عموما سمعت ان الفل من الفيوجن فيه فتحة سقف وشاشة وكاميرا خلفية وحساسات ورادار البقعة العمياء .. صحيح هالكلام ولا لا ؟

وكم سعر الفل من الفيوجن وياليت مواصفاتها كاملة :)

طبعا مكينة الفيوجن 4 سلندر 175 حصان تعتبر ضعيفة صح ؟

النصف فل تتميز عن الستاندرد بـأشياء قليلة منها:
1 - الحساسات الخلفية غير موجود في الستنادرد وتستطيع تركيب مرايا بشاشة من عند الوكيل بحدود 2000 ريال تغني عن الحساس
2 - نظام الأوامر الصوتية ومعظم وظائفه لا تعمل في السعودية ويأتي بثلاث لغات بكل تأكيد ليس منها العربية ( أمريكي وفرنسي وأسباني)
3 - أنوار ليد في الأمام في النصف فل
4 - جنط 18 في الستاندارد وجنط 19 في النصف فل
5 - تخشيب في الطبلون والطارة
6 - تحكم بالتكيف للراكب
7 - تبترونك ولا أعتقد أن وجوده مهم
8 - أماكن وضع الأكواب في الاستاندارد مكشوفة ومفتوحة بجوار قير التعشيق بخلاف النصف فل تكون مغلقة بشكل جميل


فرق السعر بحدود 8 ألاف ريال

الفورد تورس لها هيبة اكثر من كادينزا وقفتها وشموخها هههه

من علم لا اقلل من هيبة كادينزا وروعتها لكن لكل شخص وذوقه

شوف انتا وش ترتاح له

والتوروس الحين اظن عليها عرض صيانة مجانية 3 سنوات او 60 ألف كيلو

يعني عز الطلب :xyxthumbs:

اوما تترك الكادينزا بسبب تورس.!

معليش بس الكادنزا ابداع وان كانك محتار نصيحه لا تفوت الكادينزا

هذي كلها مواصفات الليمتد

للأسف من المواصفات الي انت ذكرتها مافيه الا حساسات خلفية في الـ SEL

ويجي فيها نظام SYNC من مايكروسوفت للأوامر الصوتية

تشارجر SXT سعرها 99 ألف ريال ويجي فيها شاشة

لمن انصحك تنتظر الشكل الجديد

اما التوروس فأظن انها مو موجودة حالياً وماراح توصل الا بعد العيد ان شاء الله.

شاكر لكم مروركم شباب افدتوني كثير الله يجزاكم الف خير :)

ان شاء الله عندي امكانية اشتري تورس نص فل SEL بـ 93 ألف او حولها

لكن السؤال وش مواصفاتها كاملة :c0214: ؟

فيه مواصفات تهمني ابي اعرف متوفرة بالنص فل او لا :

فتحة سقف هل هي متوفرة او لا :c0214:
حساسات خلفية متوفرة طبعاً لكن امامية فيه ولا لا :c0214: ؟
رادار النقطة العمياء وباقي الرادارات متوفرة بالنص فل ولا بس بالفل :c0214: ؟ < مهم جداً :rolleyes1:

واذا فيه اي مواصفات ثانية ياليت تعلمونا عليها

بالنسبة للمراتب سمعت انها ثقيلة ومو مريحة للسائق اذا طوّل جالس صحيح ولا لا :blue: ؟

وآخر شيء دودج تشارجر فئة SXT ممكن افكر فيها.. ياليت تعطونا مواصفاتها وهل فيها شاشة ولا لا :smile:

اسف اذا كثرت اسئلة عليكم بس حاليا خارج المملكة ومخطط انه اول ما ارجع احجز السيارة قبل لاتخلص عروض رمضان :xyxthumbs:

شكرا

وعليكم السلام

الفئات :

SE وتبدأ من 84 ألف ريال وهي الستاندرد

SEL وتبدأ من 93 ألف ريال للدفع الأمامي و 99 ألف ريال للدفع الرباعي ( دفع رباعي غير مستمر )

Limited وتبدأ من 134 ألف ريال

SHO لحد الآن مانزلت.

الكيا حلوة كشكل لكن افضل التورس وفي الحقيقة الخيار بينهم يحير لكن اقولها للامانة راح تفرق الخبرة والعمر الطويل لصالح فورد في عالم السيارات والاثبات الفترة هذي سيارات فورد مقدمة طرازات ممتازة متفوقة على الكل ولها خطط مستقبلية جبارة وطبعا لما تكون ارباح شركة فورد هذي السنة تعدت 2.6 مليار دولار هذا يعطيك نوع وحجم الانتشار وقبول الناس لسيارات فورد على مستوي العالم اتصور فورد تورس بالنسبة لي راح يكون خياري مقابل سيارة كيا ومع ذلك تبقي كيا خيار معقول .

فئة النصف فل sel إما دفع أماي سعرها ما بين 92 إلى 94 ألف حسب الموظف أما الدفع الرباعي من نفس الفئة من 99 ألف إلى 101 ألأف

تركيب الشاشة على SE , SEL بدون تخريب الطبلون غير مضمون لأن الشاشة تأتي في فئة الليميتد وشكل الطبلون مختلف

الفئة الي بين الستانتدرد والفل اسمها SEL تقريبا سعرها 115 ألف للدفع الرباعي.