راس المكينة في الكرسيدا ؟!

هلابك اخوي طيب اذا كل شي سليم عندك افصل ليات المكيف الحار ركب لكل مخرج لي سدة وريح الحار ماراح تحتاجه وكذا ماراح تخسر 50 ريال جرب حظك انت روح لنفس الميكانيكي اللي قال لك افصل الليات واشرط عليه يضمن لك شغله واحتمال كبير يكون التهريب عندك من نفس المواسير الداخله بالسلندر التابعه للمكيف الحار واصلا المكيف الحار ماراح تستعمله افصله وجرب ابرد لسيارتك وابرد للمكيف برضو وعلى فكرة دام الحرارة ماتوصل النص يعني الى الثلث طبيعي هاذي حرارتها احتمال وجود بلف بموترك لكن شوف مشكله التهريب وربي ييسر امرك وبالتوفيق........

والله شوف في الحقيقة كان وقت شتاء فكانت الحرارة على الربع أو اقل

ياطويل العمر اقوولك لك القصة انا كنت طالع من ينبع الى المدينة المنورة المهم وقفت عند الكلية وشوووف السيارة تطلع دخان مع الشكمان فكيت الكبووت لقيت الاديتر ناقص ماء مع انه مافيه تهريب في الاديتر المهم

قبل مارجع الى ينبع عبيت الاديتر جك ماء أبو ريالين كامل وزيادة اشووي المهم قبل ماراوح للمهندس شفت الماء لقيت الاديتر ناقص نصف الماء اللي فيه وعلى طوول على الورشة واصلحت السيارة مع تغيير الراس وشنابر يعني تقدر تقول نص توظيب بدون خرط السلندر


والله ياطويل العمر الحرارة نفسهااا بعد ماغيرت الراس من الوكالة نفس ماكانت تحت النص هذا في حالة السفر ومشغل المكيف في الظهر وماشي 140
مع اني قمت بتغير كلتش مرووحة والاديتر عندي كبير 3 طبقات والسيارة مافيه شي لا تهريب ولانقص زيت

بس اكتشفت ان الكرسيدا هي كذا الحرارة طبيعي والدليل حتى بعد تغيير الراس مع اني مهتم في السيارة من ناحية الصيانه وكمان مااستخدم غير ماء اصلي

احب ترابك يا نجد

جزآك الله خير .. الله يجعل ما قلته في ميزان حسناتك

ذهب لمحل الاديترات قال لي الاديتر سليم ومافيه اي تهريب

وذهبت الى ميكانيكي آخر قال لي أول شئ لازم تسويه تفصل المكيف الحار لأن الماء ممكن يتبخر من لي المكيف الحار

وبذلك أنا تائه جدا كل واحد يقول لي كلام !!!



دار المحبة

جزآك الله خير على هذه الإضافة

لكن كيف كانت الحرارة عندك قبل تغيير الراس فوق أم تحت النص ؟!
وهل نقص الماء يوميا بمقدار كوب أم ماذا ؟!

هلابك اخوي التشاليح انا معك الا اذا كان الراس ستاندر ماقد خرط ولامسح وي مافيه مشكله يكشف عليه ويفحص بالمخرطة ويوجد روس جديده من اليابان يسمونها مجددة برضو تمام ب600 ريال ركبناه له سنتين ماشاء الله ولكن تفأل خير الرجال ماعنده نفس مشكلتك مشكلته بسيطه لاتخوفه بعدين يهج من المنتدى خلينا نكسبة بهذا المنتدى الرائع وبالتوفيق.........

اخي العزيز السلام عليكم ورحمة الله وبركاته


انا معاي كرسيدا موديل 93 وخرب عندي راس المكينة يعني انشعر مع العلم ان السبب لم يكن من الحرارة الزايدة خرب علي وقت الشتاء المشكلة كانت انه الراس المركب عليها قبل اشتري السيارة من صاحبة راس مكينة مو اصلي

المهم المشكلة هي اني الماء ينقص على طول وفي نفس الوقت كان ينزل ماء من جهة القزوز وكمان دخان ابيض من الشكمان

مع العلم ان المكينة لم يخلط الزيت مع الماء والزيت مافيه شي

اللي سويته اني فكيت الراس حق المكينة ووديته المخرطه وعمل اختبار لراس المكينة عن طريق ظغط هواء داخل الراس وفي حالة وجود تسرب للهواء يكون الراس مشعور المهم اني توكلت على الله واشتريت راس مكينة من الوكالة تقريباً سعره حدود 1400 وركبته على المكينة والكلام هذا قبل سنتين والى الان السيارة من احسن مايكون لنقص ماء ولاغيرة


بس نصيحتي لك راس المكينه من الوكالة تقولي تشليح تقولي مستعمل ماينفع

هلابك اخوي اللهم امين ويجزاك خير ويرحم والديك عن النار
اذا رديترك الشد البلد حلو واذا مومتأكد روح لمحل الرديترات وقول له شوف لي الرديترهل هو اصلي ولاتجاري(وطني)ان كانه تجاري بدله اذا قدرت على اصلي حلو ماقدرت بدل المنيوم فيه نوع صيني هذا اردى نوع ومايصلح وفيه اردني ماعليه حق سنتين قدام لا وانت وحظك يمكن يوم ويمكن سنه اليانصيب واذا قال اصلي حلو يكتفي بتسييخه وتغير البلف مع ماء اصلي والتشييك على تماتيك المروحه علما اذا بدلت البلف راح تكون الحرارة من الثلث وتحت وماعليه طبيعي اذا فكيته راح تكون الحرارة تحت الربع على طول وانا مانصح بذلك لان راح تحن السيارة ويصرف بنزين وهواء المكينه عالي واذا مايوجد بها بلف ركب بلف لاتشيله انا انصحك بأبقائه لأنه يمسك الحرارة مايخليها تتعدى مستوى معين وتوقف عليه لانه يعزل الماء البارد بالمكينه عن الحار بعكس اذا فكيته لو ترتفع الحرارة والبلف موموجود مافيه شي يردها تروح فوق وانتبه اي شي تغيرة لاترمية خليه عندك ترا راح تحتاجه لأن بعض المحلات نصابين يقول لك تجاري وهو اصلي واذا غيرت يقول لك راح اشتريه منك ب 50ريال او 60 وينظفه ويبيعه ب400 او 500 ريال واسف ع الاطاله وبالتوفيق .....

مركز جوانا

احب ترابك يانجد

anas2912


جزآكم الله خير .. و أسأل الله أن يعتق رقآبكم من النار في هذا اليوم الفضيل


الصراحة أنا ما اقتعنت في كلام الميكانيكي اللي قال لي لازم افك الراس لذلك ذهبت لواحد آخر تركي الجنسية وقلت له مشكلتي بالضبط وهي

" إن ماء الاديتر ينقص يوميا بمقدار كوب واحد والحرارة مع المكيف تصل النصف او قريب منه و بدون المكيف الربع او اعلى بشوي "

المهم قال الحرارة طبيعي مع الكيف وفي الحر هذا .. وقال المشكلة في الاديتر حقك كبير و ما ينفع وهو يقلب الماء --> ما أدري ما فهمت زين بس هذا كلامه
المهم قال وده لمحل الاديترات و ركب واحد جديد من الالمنيوم

سؤالي :: هل كلامه صحيح والمشكلة من الاديتر ؟ هل لا بد من شراء واحد جديد أم أن الاديتر يحتاج الى تسييخ ؟

انتظر الإجابة الشافية منكم .. وشكرا لكم

^^^^
هذا الكلام الصح

لاتبدأ بالأصعب قبل تنهي الأسهل

نصيحتي لك لو قالوا لك خرط راس وتدبل الوجه لاتطاوعهم
بدل رأس محرك سيسارتك بآخر ستاندر مع دفع الفرق وتحصله كثير عند أصحاب المخارط .........

هلابك اخوي اول شي هل انت فحصت الرديتر تمام احيان يوجد تهريب بسيط بنفس الرديتر وتنقص الماء والمكينه تكتسب هواء ثم ترتفع الحرارة اذا كان الراس تعبان عندك عدة طرق
1-هل الرديتر عندك يفور او يحصل غليان بالرديتر مع المشاوير القريبه اذا لا 100% الراس تمام
2- حرارة السيارة اذا كانت واقفه لمدة خمس دقائق بدون مكيف هل الحرارة توصل النصف
3- اذا اخذت لك مشوار واول ماتوصل اسحب عيار الزيت اذا حصلت ان ماصورة العيار تطلع بخار او دخان المشكله من الراس....
حاول تشيك على الرديتر وسوي له تسييخ اذا كان وسخ ومتسدد وغير غطاء الرديتر باصلي وشيك على تماتيك المروحه والبلف اخسر 150 ريال قبل تخسر 1000 ريال وانا اخوك اذا مانفع فك الراس لأن الراس اذا فك وخرط احيان يمشي واحيان يجلس شهر وترتفع الحرارة اكثر من اول وممكن تحدد الحرارة توصل وين بالضبط.....

في هذه الحاله الشور للمخرطه والقرار لك اخي
بس حاول ان تمر على كذا مخرطه بنفسك مع اخذ الظمانات منهم.
ربنا يعينك ويوفقك انه سميع مجيب,,
كل الود والورد

جزآك الله خير .. وغفر الله كل في هذا الشهر الفضيل


أخي لم أفهم قصدك في الصناعة القديمة ؟!
لكن لو احتجت الى تغيير الراس أين أجد الذي تقوله بـ 600 ريال في .. أي محل ؟


وشكرا لك

جزآك الله خير .. وغفر الله لك في هذا الشهر الفضيل

المشكلة لا أعلم هل وظبت قبل أم لا ؟ و هل خرط الراس قبل كذا أم لا ؟ لأن السيارة مرت على أكثر من مستخدم قبلي


شكرا لك

تجد سعره في الصناعية القديمة جديد ب 600 ريال تقريبا

افضل لك من التشليح و حتى ان كان صيني

تحياتي اليك