كامري اخوي خبطت...هل يشملها الضمان وتتصلح ( حسبي الله عليهم )

نهمل الشي ونكرفه كرف الحمار<<الله يكرمكم
ونجي نطالب ليش خبطت السياره؟!!! حافظ على السياره من الى واول بأول والله ماتحتاج لا لوكاله ولالغيرها
رجاً لاتزعل من كلامي هذا الحق والله يعوضك خير منها ويفرج همك ويسهل امرك

يعطيك ظمان على المكينه تجربها وأذا ماعجبتك او فيها عيب

من حقك تطلب بتنزيلها


بالتوفيق لك

يعطيكم العافية شباب وبارك الله فيكم
شكرا يا شباب على النصيحة والله يبعدنا عن الحرام
على العموم انا ان شاء الله متوجه للتشاليح هذي اليومين
ولكن يا شباب
كيف يمكن اعرف ان المكينة نظيفة وليس بها اي مشكلة خاصة ان السيارة راح تكون اما مصدومة او مقلوبة

حفظكم الله من كل مكروه

السلام عليكم

الله يكون في عونك على ما اصابك

لكن تذكر انو ابتلاء من رب العباد

وقول اللهم آجرني في مصيبتي واخلف لي خيرا منها

ولاتنسى تحمد الله على كل حال

واذا على تويوتا

اول شي الله يعينك على المتعصبين

الشي الثاني علشان الجماعة المتعصبين يقتنعوا

لاتنسى تجيب مصدر موثوق او دليل قاطع

يالحبيب راجع موضوع مقتطفات من تويوتا في نفس هذا القسم

وراجع موضوع نصيحة ابتعد عن تويوتا لوجه الله ( بقلم احد الاعضاء) في نفس هذا القسم ايضا

وراح تقتنع ان المشكلة مو عندك لحالك وان الشغلة فيها لعب واضح

مو معقول الكل يشتكي ويكون سوء استخدام منك

اخوي الغالي انا ما املك مصدر على كلامي للاسف

لكن انا مقتنع انك مصدقني ومتاكد ان المتعصبين راح يطلبو مني وصدر علشان يصدقو

لكن يالغلا انا اللي قدرت افيدك فيه افدتك وماراح ارد على اي تعليق بخصوص هذي النقطة


خابرلك ميكانيكي ممتاز في مكاين الياباني والامريكي والجيربوكسات


بمر عليه بكرة واستفسر منو عن الشغلة


وتؤمر أمر يالغالي


وموفق خير عزيزي

السلام عليكم
انا بقولك المكينه ما تتوضب هذا اول شي (لان مالها قطع )
ثاني حاجه اذا اتلفتها بيعوضونك ببديل لها يعني مديل السنه هذي بس تدفع فرق الموديل وتكمل الاقساط اللي باقيه عليه اذا انت رجال وراهم وناشب لهم مثل المندوبين راح تاخذ الشغله من شهر الى شهرين بالكثير . (اذا انت ملتزم بالسداد) هذي الشغله حرررررام .
اللهم بلغت

لاكن انت توكل على الله ودخها الصيانه .؟ هذا الحل الاسلم لك ولا تحد نفسك على الحرام .

ولا تاخذ من التشليح ماكينه اذا هذي ماشيه 120.000وخبطت فما بالك بالي في التشاليح

وسعرها في التشليح من(4000)الى(5500) والله اعلم . بدون الرجيع على ما اذكر




والله يعوظك في مصيبتك ويخلفلك خير منها

ياقو قلبك اذا من جدك تتكلم :confused1:
تخيل بعيد الشر عنه لو رايح فرضا لأي ديره خط وصار له شي ، وهو رايح بسبب فكرتك القبيحه
وش مصيره + وش مصيرك انت .. وهل تتوقع تنجو بفعلتك من الله

هداك ربي بس

لاني شفت توقيعك عجبني انك مهتم بنجمة العالم وبالاخص نجمتها ال s ايش رايك بالي تحت













وفي الختام اي قطعة تاخدها فيها هذه العلامة ثق تماما انك ستعشقها ولن تندم ابدا

هذا الياباني الي مزعجينا فيه, أحسن من الكوري ومن كلام الجهلا


الكوري الحين هو العميد غطا على الياباني الي مهجن الحين الي يصنعن بـ تايوان والي بـ الصين والي بـ الهند

الله يعافيكم ولا يبتلينا في مابلاكم

اكيد اي كلام ثلاث اعرفهم زين معاهم كوامري كلها فوق 2008 وسقتها كلها فيها عيوب الصوت والزقزقة الي في الطبلون وصوت المكينة العالي والفرامل الي مالها حل حتى في الوكالة غير الوكيل الحرامي حتى في يوم كنت المع سيارتي عشان العيد شفت واحد يصيح على العامل عشان الون حق السيارة بعد ماجى راعي المحل قال انها مو اول سيارة زي كذا المشكلة في الورشة الي ضربت عندهم البوية قاله تستهبل السيارة مسمكرها ومبويها في الوكالة كيف تصير زي كذا ...طلع المسكين صدم باللكزس ووداها الوكالة والوكالة ودتها عند البنقالي عشان يسويها برخيص والعامل الزينة الفلبيني الي عندهم مايعرف يصلحها برخيص بيكلفهم وصاحب اللكزس انجن وطار سيدا على الوكالة بعد ماقله وحلفله بالله صاحب التلميع انها مو اول سيارة زي كذا يبين التلميع جودة البوية والرش وانا بعد ماكنت اموت في اللكزس طاحت من عيني غير الي فعلا سعرها نار وماصدقت التركي وهو يقول لصاحبي انو قطع اللكزس اغلى من المرسدس وفعلا سائلت محل القطع الي جنبه طلع من جد التركي فاهم وصادق صاحبي يقولي انو البي ام الي عنده في 4 او3 انواع لقطعها الناغي 1 والالماني بوش 2 والماني عادي 3 وصيني او تايون او ياباني 4 والثلاث الاخيرة ارخص بالمئات وبعض الحيان بالف وشوي من الناغي الحرامي الي كان محتكر السوق لاكن الان هيهات هيهات والله من جد الالمان ابدعوا في صناعة السيارات من جد ابدعوا اما اليابان ابدعوا في الالكترونيات الترفيهية اما الالكترونيات والاجهزة الطبية المهمة جدا وتجهيزات المستشفيات كلها المانية وبريطانية وفرنسية وامريكية وقليل سويدية وافضل دولة في الطب المانيا ................. الى كل من يملك منتج الماني هنيئا لك ,,,,,,,,,,,,,,,,,,,,,,,,,,,,,,,,,,,,والسلام عليكم ورحمة الله وبركاته

اخوي رح للكويت

تلقا المكاين هناك نص سعر المكينة بالسعودية

مكينة الكورولا بألف وخمس مية ريال بالكويت

عندك تشاليح العجلان في القصيم اتصل عليهم وتاكد منهم عن وجود مكينه والله يعينكم

بعد اذن الادارة بارفع الموضوع مرة ثانية

المشكلة الان انا يوم قررنا ان نغير مكينة على حسابنا في البداية قالو سبغة الاف ولكن الان طلبوا 13 الف ويمكن تزيد ومو مكينة كاملة الا نص مكينة بس

فاحنا قررنا انا يا نتلفها بطريقتنا الخاصة وياكلوا الحرامية هوا او نشتري مكينة من التشاليح ونسويها برى الوكالة لأن الوكالة راح يغيرو كل شي حتى لو كان ما يحتاج تغييير

انا لدي طلب منكم يا شباب وهو
اللي يعرف مكان يمكن احصل فيه مكينة تشليح يدلني اي مكان بالسعودية راح اروح له
انا دورت في جدة على السريع وما حصلت

تكفون اللي يقدر يساعد لا يبخل علينا

الله يكفيكم شر الوكالات

اقرب هاويه وطيحها واستفيد من التأمين

بالله إسألنا عن سبب التخبيط .!!

2008 و 120 الف !
غريبه والله ..!

يمكن خطأ مصنعي او سوء إستعمال من اخوك الله يهديه :)
..

والله ياخوي مدري وش اقولك لكن مالك الا تصلحها على حسابك

والشكوى ماراح تفيدك سواء هنا او الشركه الام لان الضمان منتهي ١٠٠ الف

ولا حتى حمايه المستهلك لانها وبكل بساطه ماعندهم سالفه ولا يفيدون بشي موظفين

على الفاضي الله يعينك صلحها وخلها عندك والله يسعدك فيها ....

تحياتي

ان اقول قدم شكوى على الشركة الام مع ارسال صور من المستندات استمارة السيارة موضح فيها تاريخ شراء السيارة ولو قدرت تاخذ تقرير من الشركة ان المكينة مخبطة بعد احسن
ولازم تقدم شكوى على جمعية حماية المستهلك انا متأكد ان شاء الله راح يفيدونك ولاتقول صعب توصلهم رح للغرفة التجارية وانشب لهم لين ياخذون صور من الاستمارة واذا كان فية تقرير من الوكالة عن التخبيط يكون احسن وتكتب تفصيل كامل عن المشكلة
ولاتيأس ولاتسكت عن حقك ابداً
والله يعوضك وان شاء الله ترد علينا بالاخبار الطيبة وتبشرنا انحلت مشكلتك ولاتنسى توافينا بالاخبار

شوف لك اي مكان يضبط لك العدادات يخليها 95 الف

وودها الوكاله على انك ماشي 95 الف