شف يا طويل العمر ,,
2 وسهم فوق هذا معناته ان الدفع خلفي يعني لا دبل ولا شي وهذا الوضع المناسب للمدينه والطرق
زر auto هذا مايحتاج تستخدمه فـ خله بكيفه
الزر اللي بعده اللي هو 4 وسهم فوق هذا الدبل الخفيف , وهو بختصار اذا جيت تخش للبر شغله .
الزر اللي بعده 4 وسهم تحت هذا الدبل الثقيل , ولا تستخدمه الا اذا غرزت بس , يعني لا تجلس تتمشى فيه مثلا لان الموتر بيكون نفس الشاحنه بالضبط من ثقله وبعد ماتطلع من التغريز رجعه لـ الدبل الخفيف .
وفي كل الحالات اللي فوق , اذا جيت تشبك الدبل او تفصله او تنتقل من خفيف لـ ثقيل او العكس خل القير على N وعشق اللي تبي لين تسمع صوت طقه بالدفرنس , بعدها اعرف ان الدبل شبك معك او فصل حسب اللي انت تبيه .
واذا فيه اسئله ثانيه انا حاظر .
