عـندي مشكلتين فورد ماركيز 2003 ..؟ أتعبونـي بصراحة

طيب وش سويت الان هل رحت الى ورشة امس او اليوم

الله يكون بالعون ولكن نصيحه للجميع اخسر 200 ولاتخسر 2000 والله ثم والله ان القير الاوتوماتيك لاتبخل عليه بالزيت بدل اول بأول مع الفلتر ولاتمشي قبل لايعشق ولاتقاوم به وبالطريق لوتمشي طبلونه كل يوم عااااااااااااااااااااااادي مايضرة صدقني يعزك ويعيش معك اكثر من15 سنه بالراحه وخصوصا بجونا الحار وعن واقع تجربه :ch19:مايحتاج وبالتوفيق للجميع...........

جزاك الله خير على الشرح

انا شارى السيارة من شهرين وواضح زيت القير جديد ومستواه ممتاز
بنتظر اخونا اللى فوق ونشوف وش يصير معاه

هلا بك اخوي زيت الطنجرة مايقدر يحدد مستواه لكن يقدر يبدله من دون مايفك الفلتر عن طريق الصوفه الاماميه الخارجيه للقير تنفك وراح تكون الطنجره مباشره تحصل مسامير صغيره حوالي من 3 الى 5 بنفس الطنجرة اي مسمار يكون موازي لفتحة الصوفه يفك المسمار ويطلع زيت الطنجرة ع طول ويخليه لحد ماينتهي ويركب المسمار ويعبي الزيت مع العيار هذا بالفورد وفيه طريقه اخرى لكن هاذي اضمن وافضل عن طريق ماسوره الطرمبه من داخل القير ولكن ماكل يضبطها ممكن تنكسر او شي من هذا هذا ماحبيت اوضحه واسف ع الاطاله وبالتوفيق للجميع............

الله يوفقك
منتظرينك واذا انت بالرياض احفظ الورشة
وشوف كيف يتم التاكد من زيت الطنجرة هل لابد من فك الفلتر للقير

خلك ذيب ههههههه

هههههههههه الله يكون بعونك ماشفت شي انا ركبت معهم مرة ياطلع بموتري ممشى احسب اني راكب فراري من قوة العزم ماشاء الله بس يوم اخذته ابي اجرب قهرني ماسوى لي مثل ماسوى معهم شوف انت من تروح للميكانيكي سو نفسك فاهم لوماعندك سالفه اول شي قوله شيك لي ع الحساس والمسمار وخليه يشيك حتى لوماطلع العطل منها لكنك تدور حول موقع الجريمه.....؟ طيب انت متى اخر مره بدلت زيت وفلتر قير وخليه يشيك لك عليه يمكن يكون زيت القير والطنجرة ناقص وخليه يشيك لك ع طنجرة القير بعدما يشيك لك ع الحساس والمسمار يمكن تكون الطنجرة ضعيفه او ناقص زيتها ان شاء الله مشكلتك بسيطه وانسى شي اسمه توضيب خذها نصيحه دام القير يبدل الاربع تعشيقات وبالتوفيق للجميع............

جزاك الله خير

مشكلتنا فى الورش من يوم تجى تكلم الفنى قام يجرب فى السيارة ويدعس ويفحط ويمشى الف مثل المجنون فيهم شئ غير طبيعى

هلابك اخوي اي قطعه كهربائيه صعب انك تعرف انها سليمه 100% لكن روح لميكانيكي فاهم وقول له افحص لي المسمار اللي يثبت عصا القير من داخل ورا الدركسون وشيك لي ع الحساس الخارجي للقير وشوف وش يقول وبالتوفيق للجميع......

كلامك 100 % منطقي وواقعي
تقبلوا سلامي

اخى بارك الله فيك
هل الحساس هذا ممكن الكشف عليه

هلابك اخوي القير دامه يبدل الاربع تغيرااات شل من راسك انك توضب اذا عندك تأخير عشان يمسك القير المشكله عندك من حاجتين ياعصا القير فيها فضاوه وحلها بسيط يربط ع المسمار تبعها دايم تتحلل بسرعه لكن يبي لك تحرك عصا القير بشويش فوق تحت وراح يمسك او من الحساس الخارجي للقير وسعره ب180 وتركيبه ب20 او 30 والقير انساااااااااااااااه بالتوضيب من ناحية الطقطقه اذا كل شي تمام وتحس بالطقطه تحت رجولك خذ لك قطعه حديده وادخل من تحت من عند باب السواق والراكب بتحصل عمود كرسي القير جاي بالعرض بتحصله ناشب بالبودي دخل الحديده بينهم ووسعه شوي بحيث يكون فيه فضاوة بين البودي والعمود او روح اي سمكري وانت واقف ماتاخذ دقيقتين وبالتوفيق للجميع.........

- غيرت زيت الجير مع الجزجيت أصلي وعند ورشة متخصصة لكن مابوه فايدة

- بالنسبة للفحمات مدري بس اتوقع يوم كنت افحص عند حقين الميزان لوكانت تعبانة كان بينت لهم وماني عارف والله

إذا تعرف ورشة كويسة بالخضرية الدمام الحقني فيها

الله يوفقكم و يحل مشكلتكم

نفس المشكلة الاولى فيه فضاوة او تاخير فى التعشيق ماركيز 99
شريته مستخدم وديته كم ورشه حسيت انهم ماهم فاهمين وبطلت قلت لا يخربونه
حتى ربى يفرجها ونشوف ورشة طيبة او احد ينصحنا

مااعتقد انه من زيت القير

بالنسبة لمشكلة القير
إذا ما غيرت زيت القير فغيره بشرط انك تشتريه من الوكالة وتغيره عند ورش متخصصه .. وإذا انت في الرياض غيره عند ورش البيان

أما مشكلة الطق طقه مع الفرامل
فتأكد وافحص الفحمات والكليبر والهوبات إذ اهي سليه ولا يبيلها إصلاح