بسم الله الرحمن الرحيم ، السلام عليكم ورحمة الله وبركاته ،،
يا إخوان لي شخص عزيز علي ومن أقرب الناس لي ، اشترى لكزس ls430 مديل 2001 وارد امريكا ، السيارة ماشيه تقريبا 100 ألف ونظيفه جدا ،
المهم الرجال فحص السياره عند افضل محلات الفحص الفني ولا فيها ولا شي ،، اشتراها ودفع فلوسها وحولها بإسمه ، ومن بكره الصبح شغل سيارته وحطها ريوس ( قري ) ولا ترجع السياره ’’
المهم بعد ربع ساعه وهي شغال حطها بالريوس مره ثانيه ورجعت طبيعي ,,
راح الرجال وبدل زيت القير مع الفلتر ’ ولا زالت المشكله موجوده
إذا بردت السياره ماترجع ريوس نهائيا ,, لازم تشتغل ربع ساعه وبعدين تصير طبيعيه جدا ,, يمشي عليها 200 مافيها أي شي ,,
وتقدم وترجع عادي ,, مشكلتها بس إذا وقفت اكثر من ساعتين لازم تخلي السياره شغاله لمده ربع ساعه وتمشي عادي ,,
حتى لما تكون بارده ويحطها بال d مرات ماتمشي ,,
ماادري وش العله ’’
وفيه ملاحظة بسيطة ,, لما تكون بارده وتحطها ريوس وتدعس بنزين لين يوصل الضغط 4 مرات تتحرك على الخفيف ,, شي بسيط بس
جننتنا ياشباب ,, تفكون الفزعه ,, اللي مرت عليه المشكله وعنده خلفيه عنها ,,
للعلم ياشباب السياره طبيعيه جدا في الممشى وتبديلات القير ولا أروع وسلسه جدا ,,
المشكله بس لما تكون السياره بارده ,,
نقطه ثانيه ,, ماء الرديتر ينقص بس جنني ماادري وين يرو ,, مافيها اي تهريبات ,, وغيرت غطاء الرديتر من الوكاله ونفس الشي مازال ينقص .!
بإنتظار فزعتكم وعسى الله يجزاكم خير ويكثر من أمثلكم,,
اخوكم ابو عبدالله
