يسعد صباحكم / مساؤكم جميعآ ..
عندي توضيح بالنسبه لضمان السيارات اللي من الصالات ( البيان - الفليج - ... الخ )
انا اشتريت من الفليج والحمد لله الموتر له سنتين معي و 100%
المهم لما سألت المصري عن الضمان قال هذي شركه تسويلك ضمان ومو الفليج نفسه قلت طيب ممكن اشوف عقدهم ؟ وراني عقد ضمان سياره انباعت قبل موتري واتضح ان قيمة الضمان 1500 ريال ومدته 5 سنوات ..
قلت طيب ما ابي الضمان ... قام المصري يلف ويدور المهم حجججرتله وقلت ما ابي ضمانكم ولا أكنسل البيعه ... قام وخصم من قيمة السياره 1500 ريال .
المهم قلت طيب وش سالفة هالضمان عندكم .. قال هي شركه نتعامل معها وكل ضمان له قيمته ممكن 5 سنوات وممكن 3 وممكن 2 وممكن سنه وعلى حسب مواصفات الضمان ممكن مكينه وقير أو يضيف الدفرنس او الثلاجه او المكيف وكل ما زاد عدد القطع المضمونه والمده زاد سعر الضمان ... قلت في نفسي وفرنا 1500 والحمد لله ..
وبعدها قال لي ممكن اي سياره معاك من زمان او اشتريتها قريب او اشتريتها وكاله وانتهى ضمانها تقدر تروح تضمنها بالطريقه هذي ...
انا اشتريت من الفليج والحمد لله الموتر له سنتين معي و 100%
المهم لما سألت المصري عن الضمان قال هذي شركه تسويلك ضمان ومو الفليج نفسه قلت طيب ممكن اشوف عقدهم ؟ وراني عقد ضمان سياره انباعت قبل موتري واتضح ان قيمة الضمان 1500 ريال ومدته 5 سنوات ..
قلت طيب ما ابي الضمان ... قام المصري يلف ويدور المهم حجججرتله وقلت ما ابي ضمانكم ولا أكنسل البيعه ... قام وخصم من قيمة السياره 1500 ريال .
المهم قلت طيب وش سالفة هالضمان عندكم .. قال هي شركه نتعامل معها وكل ضمان له قيمته ممكن 5 سنوات وممكن 3 وممكن 2 وممكن سنه وعلى حسب مواصفات الضمان ممكن مكينه وقير أو يضيف الدفرنس او الثلاجه او المكيف وكل ما زاد عدد القطع المضمونه والمده زاد سعر الضمان ... قلت في نفسي وفرنا 1500 والحمد لله ..
وبعدها قال لي ممكن اي سياره معاك من زمان او اشتريتها قريب او اشتريتها وكاله وانتهى ضمانها تقدر تروح تضمنها بالطريقه هذي ...
اللي يتضح بالأمر يا أخوان إن السالفه تأمييييييييييييييين إيه تأميــــــــــــــــن ..
كأنك إلا تأمن على صيانة السياره والصالات مو خسرانين شي من هالتأمين حتى لو انفجرت مكينة السياره بعد طلعتها بيومين من المعرض .. لأن اللي يدفع قيمة الضمان المشتري والخسران شركة الضمان بتصليح السياره وبنفس الوقت دعايه للصاله إن سياراتهم مضمونه 100% لمدة خمس سنوات .... وغير عن كذا يغثونك شركة الضمان لازم تمر على ورشتهم وتسوي تشييك على السياره كل 5000 كيلو ولو ما شييكت يروح عليك الضمان .. ويا عيني على سكان الرياض .. يعني كل اسبوعين ثلاثه وهو ناقز للصناعيه القديمه بجنوب الرياض عشان التشييك.
كأنك إلا تأمن على صيانة السياره والصالات مو خسرانين شي من هالتأمين حتى لو انفجرت مكينة السياره بعد طلعتها بيومين من المعرض .. لأن اللي يدفع قيمة الضمان المشتري والخسران شركة الضمان بتصليح السياره وبنفس الوقت دعايه للصاله إن سياراتهم مضمونه 100% لمدة خمس سنوات .... وغير عن كذا يغثونك شركة الضمان لازم تمر على ورشتهم وتسوي تشييك على السياره كل 5000 كيلو ولو ما شييكت يروح عليك الضمان .. ويا عيني على سكان الرياض .. يعني كل اسبوعين ثلاثه وهو ناقز للصناعيه القديمه بجنوب الرياض عشان التشييك.
أتمنى إني ما طولت عليكم واتمنى إن القصد واضح وأهم شي يا أخوان مشروعية هذا الضمان هل هو جائز أو لأ .... لأن فيه اعتراض عالقدر مثل التأمين بالضبط وبيني وبينكم الواحد يتوكل على الله ويستخير ولا يتردد .....
ربنا يوفق الجميع للي فيه الخير ولكم الشكر جميعآ وأعتذر عن الإطاله وأرجوا الدعاء لوالدتي بالشفاء العاجل
