السلام عليكم جميعا ,,
اتمنى الجميع بصحه وعافيه ..
يا جماعه انا عندي مشكله ..
انا جبت العيد :blue:
قبل شهرين كنت راجع البيت وشفت الحراره مرتفعه لأول مره ..
لقيتها شوي ويفضى المويه ..
اضطريت اعبيها مويه عاديه ع اساس اوصل البيت واشوف لها حل بعدين ..
بعدها بكم اسبوع ..
السياره ارتفعت حرارتها مره ثانيه ولقيت المشكله بالطبه كانت متأكله في الطرف الي داخل احد ليات القربه
شريت طبه وركبتها ونسيت اغير المويه لموية رديتر
والان القى السياره كل يومين ناقصه مويه او ترتفع حرارتها كل ما شغلتها بعد ما اطفيها شوي .. وانا متكيسل اروح اغير مويتها وكل يوم اقول بعبي مويه بزبوز وبكره بغيره وعلى هالحال صارلي اسبوعين ..
امس لقيت فيه تهريب تحت المكينه ماني عارف وين بالضبط بس المهم انه تحت المكينه يعني مو حول القربه ..
فخوفي الحين المكينه جاها شيء
التهريب ما اشوفه الا بعد ما امشي بالسياره .. يعني لو عبيت السيارة وهي واقفه وانتظرت ما القى فيها اي تهريب ..
بس لما امشي عليها .. وبعدين اوقف .. القى تحت المكينه تهريب مويه
وبرضوا ياليت اقتراحات عن المويه للتعبيه وافضل مكان يعبيها وافضل مكان يشيك هل فيه تهريب او لا وما يلعب بحسبة السياره ؟
لان حرام اعبيها واصلا فيها مشكله تهريب .. فبعدين راح اعبي مره ثانيه بعد كم يوم !!
على فكره اشوف في زاوية القربه العلويه شكل كنه قزاز مشعر .. بس اتحسسه القاه ما يهرب ولا شيء .. وملمسه عادي ما فيه شيء
والليات ما فيها الشيء .. العلم كله من تحت المكينه .. وشو مدري .. !!
فياليت حبتين تطمين وحبتين هواش :bigggrin:
عشان بروح اليوم بغير مويتها بإذن واحد احد
شاكر لكم وبالتوفيق ..
