سلام عليكم ,,
شباب عندي استفسار عن كم سيارة من حيث الأفضلية ,
الدعوة عامة وللجميع J
يا أخوان ترى الموضوع طويل شوي وأنا طالب فزعتكم بس أول تقرون الموضوع و بعدها نشوف ردودكم .
مقدمة بسيطة :
بنظري اللي يميز السيارات الفخمة بعض الأشياء, واللي ممكن تحصلها في السيارات الأرخص في السعر ومنها :
1-صُغر ارتفاع الزجاج الجانبي , وكِبر ارتفاع الأبواب ( ما أقصد ارتفاع السيارة ) .
2-كُبر الشبك الأمامي وصُغر الشمعات .
3-الجنوط الكبيرة واللي ما تميل للرياضية .
4-مساحة الزجاج الخلفي تكون صغيرة نسبياً .
5-طول السيارة وعرضها يكون كبير .
6-قوة المكينة والتسارع الممتاز .
7-العزل والرساوة وراحة المقاعد والثبات وجودة المواد المستخدمة في جميع أجزاء السيارة وبالأخص الداخلية .
8-الداخلية يغلب عليها الانسيابية والبعد عن الرياضية واستخدام النيكل والتخشيبات والجلد الفاخر .
وانا ما شفت سيارة تجمع هذي الأشياء إلا الكونسبت مثل اللنكولن mkr والكاديلاك sixteen والسيارات الفارهة جداً زي الرولز وأمثالها ,
بس أنا حدي الشيء البسيط , وأنا ناوي على وحدة من هذي السيارات التالية لأنها تحتوي على بعض النقاط المذكورة في الأعلى : ( مع انطباعي عن كل سيارة )
[COLOR=sienna]1-[/COLOR]كيا كادينزا : حلوة من الداخل والخارج ومحركها ممتاز , بس اغلب المميزات اللي ذكرتها ما هي موجودة فيها .
2-فورد تورس : حلوة من الداخل والخارج , ومحركها ضعيف جداً برأيي ( الليميتد ) .
3-لنكولن mks : نفس الهرجة مع التورس .
3-لنكولن mks : نفس الهرجة مع التورس .
4-كرايسلر سي 300 : حلوة من الخارج اما الداخل ماهي بالدرجة المطلوبة بس الراحة والعزل اللي فيها شي عجيب .
5-بيوك لاكروس : حلوة من الداخل والخارج ومحركه ما أتذكر كيف .
وكل وحدة تتفوق عـ الثانية في شي أو أكثر وأسعارها ما تتعدى 95000 بين الجديد والمستعمل .
أخيراً الأشياء المطلوبة من الأهم للأقل أهمية :
1-الراحة والعزل وما يتبعهم .
2-الشكل الخارجي والداخلي .
3-جودة المواد وكلها عاد ما يحتاج بس زي ما قلت في فرق بينهم .
4-المحرك وتسارعه .
والحين نجي لكم يالحبايب وش تفضلون من هذي ! مع ذكر الأسباب واللي عنده اقتراح ثاني يكتبه وبنشوف .
( من دون اي تعصب )
في انتظار ردودكم .
