[CENTER]بسم الله الرحمن الرحيم
السلام عليكم ورحمة الله وبركاته
================
اشكركم على هذا الصرح المفيد
واود ان اطرح إستفساري آمل ان اجد منكم الإجابه
شاكر ومقدر لكل من يساعدني
================
رحت للوكاله فرع خريص وسئلتهم عن الدورانجو فئة RT
قالي الموضف ماتنزل في السعوديه واشر لي على فئه سعرها اقل من 136 الف
وايضاً اشار لي إلى فئه سعرها 181 الف
واشار لي إلى فئه سعرها 136 الف
ابيكم تفيدوني هل يوجد فئات غيرها؟
اعجبتني الفئه التي يبلغ سعرها 136 الف لكن تنقصها شاشه وزينون
وماادري لو فيه فئه غير هالثلاث فئات تحتوي على شاشه وزينون
؟؟؟؟
===============
وابيكم تفيدوني بخصوص الوان السياره
واللي عنده رابط يحتوي على الوان السياره
(لا يبخل علينا)
================
افكر لو شريت فئة 136 الف
اركب شاشات خلفيه وزينون وشبك كروم وادور طريقه اركب هوك سحب خلفي (وكاله عدا الهوك)
اللي عنده طريقه حلوه للشاشات و الهوك الخلفي ياليت يفيدنا
================
شكراً لكم
[/CENTER]
وعليكم السلام
* صحيح ما عندنا فئة R/T بس عندنا الكرو الي اشرت عليه 136 ألف ريال وهي قريبة جداً للمواصفات
* موجودة فئة كرو لوكس 151 ألف ريال على ما اعتقد تفرق عن الكرو:
1- الجنط 20.
2- رادار -هذا جهاز في مقدمة السيارة تشغله مثلاً في طريق سفر وانت تمشي 150 كيلو متر ودخلت في وجهك سيارة تمشي 120 كيلو متر السيارة بنفسها تهدي وتحافض على سرعتك مثل سرعة السيارة التي امامك لتجنم الحوادث لا سمح الله .
3- جلد للمقاعد -تدفئة للمقاعد.
4- يوجد اشارة ضوئية من عند المرآية الجانبية لتجنب الإصتدام وتنبيهك اذا كانت سيارة بجنبك بالنقطة العمياء.
* هذا ابرز الاختلافات بين الفئتين.
* شاشه وزينون فقط في الفل ابشن 181 ألف ريال
* بخصوص الالوان انا عن نفسي خذيت فئة كرو اسود وفيه لون ثاني بعد حلو الفضي هذي احلا الالوان صراحه وبخصوص اختياري اللون الاسود انا عاشق الاسود وله هيبة ويجمل الموتر ويطلع وجهيته لو بتحط شبط نيكل ونينون وغير كذا اطراف السيارة لونه فايبر اسود ما يتغير لونة حبيت اوحد اللون .
بخصوص الاسعار :
1- الانوار الزينون للشمعتين كامله 3600 ريال
2- شبك النيكل 1700 ريال
3- الهوك الخلفي 1800 ريال مع تركيبة 800 ريال من الوكالة ولو تبي نصيحتي اذا بتركبة اطلب فايبر حق الصدام الخلفي فئة الفل لانة يجي مقصوص للهوك من شركة الام اما لو بتجي تركبة بيقومون يقصونة لك .
4- تلبيسة المريات نيكل 500 ريال للحبتين
وبخصوص الشاشة والله ما عندي علم والاسعار 95% صحيحه ان شاء الله بس انت اطلب خصم
بخصوص السيارة بشكل عام ممتازة وراسية بالخط مسكت عليها خط وتسارعها جيد جداً هي تجي اقل من الدينالي بخصوص قوه المكيمة لانها هيمي 370 حصان والدينالي 410 احصنة موجود فيها دبل ثقيل وهي دبل رباعي مستمر السيارة ممتازة وثابنه عند المنعطفات
العيوب
1- طقة القير مزعجه السراحه وتوجع القلب بس في واحد من الشباب ماشي علية 70 ألف والقير ماشي معة تمام كلمت الوكاله قالولي يوجد برمجدة تخفف من الدقة .
2- النفقيشاً أو GPS يبغاله تحديث مع العلم ان مديل سيارتي 2012
هذي الاشياء الي لاحضتها لحد الحين بخصوص البانزيز اعبيها 95 وفلها تقريباً إذا فاضي مره 55 ريال وتمشيك من 400 إلى 450 كيلو وبعدين على حسب دعسه رجلك اما بالخط انا عبيته من الرياض ووصلت حدود قطر وباقي فيه شرطه لانه في حركة توفير البانزين بالخطوط ان اذا ثبت السرعة يشتغل لك 4 سلندر ويوفر لك البانزين والسيارة طبلونه 220 وانا مشيت عليه 210 كاتجربة .
وإذا حاب اي استفسار انا جاهز ...
