حبايبي عندي شروكي موديل 94
مشكلته مشكله مع الحراره
[CENTER]في الشتاء الحراره توصل للنص اما في الصف ماتوقف لين يفور الرديتر
والمكيف يتأثر وبدل مايبيرد يصير حار
طبعا نصحوني اركب له مراوح لكن ابي واحد جرب وينصحني بنوع معين لان المروحه اللي عليه صغيره وحديد
اتمنى اشوف حلول ناس جربت المشكله :xyxwave:
[/CENTER]
شوف يا غالي
[CENTER]هالمشكلة تحديداً ولله الحمد ما مرت علي في سياراتي السابقة وربي لا يجعلها تمر على
أحد وبإذن الله تعالى تنحل مشكلتك عما قريب
أنا بوصيك بشيء بسيط قبل أن تتكلف خسائر وفي النهاية ما تضبط السيارة
ياليت لو تودي السيارة عن فني رديترات تسوي لها حاجتين
# الأولى تسوي تسييخ للراديتر لأن موديل السيارة قديم مؤكد أنواع الطين في الرديتر
وتأكد أنه 3 رصات فأكثر يعني لو رصتين على طول غيره إلى 3 رصات أو 4 طبعاً التسييخ
يكلفك من 70 ريال إلى 100 ريال وبعضهم يزود شوي هذا شيء
# سوي غسيل لراس المكينة مع الرديتر يفكون بلف الحرارة وبعدها تتم العملية والتكلفة بسيطة
من 30 ريال إلى الـ 50 ريال كحد أقصى و أحرص يحط لك موية حمراء أصلية
إذا ما ضبط الوضع عاد الشكوى لله أدخل على الخطوة الي بعدها يا إنك تغير المروحة بعد
ما تتأكد أن الخلل منها أو تتأكد أن راس المكينة ما يكون فيه شعر (يعني شطب من الحرارة)
أو طرمبة الموية تكون تالفة وما تتم دورة الموية في الماكينة
وياليت ترجع تعلمنا وش صار معاك
وبالتوفيق لك
[/CENTER]
