محتار بين تويوتا (اف جي) 2010 وتاهو 2010

والله انصحك بالتاهو بسبب ان التاهو 1 اكثر سعه مقاعد 2 اكثر راحه 3 مناسب جدا كسيارة عائلية او شبابية 4 افخم
ومن جهة ثانية fj ما انصح فيها بسبب 1 سيارة فعلاً مخصصه لاستخدام جدا شخصي وشبابي يعني ما تصلح تركب فيها اهلك علشان أولاً انها سيارة جدا عالية وثانيا ----> 2 ضيقة 3 بالنسبة لي شكلها من الخارج همر عنده اعاقة جسدية :wink: 4 التصميم من الداخل جدا قبيح وكنك داخل مطبخ عزوبية.......... والله يوفقك

الله يعطيك العافية يالشمري على المداخلة الرائعة ..

شوف يا سنايدي .. انت حديتنا على هالموترين وانا ارشح لك منها التاهو ..

لكن اذا تبي عين العقل .. انا اشوف لو تاخذ لك سيارهـ صغيرهـ افضل لك من ناحية صرفية البانزين ..

الاف جي انا رحت عليه للغيلانه (حول رماح ) رحت ورجعت + فرتين بالرياض فللته مرتين

من ناحية يشرب بانزين فهو يشرب ..

وما ارشحه لك نهائيا .. لانه باب ونص .. بالخط ما ينفع برياال .. عدم الراحه خصوصا للمقاعد الخلفية ..

واحس انو فيه ضيق بالمراتب الامامية .. ما ادري هو فعلا ضيق او انا السمين ..

ترى انا مثلك محتار بينهم
وامس رحت للعيسى وشفت التاهو الفل ماشي حسيت اكسسواراته اي كلام
وقلت للمصري هالشيئ قالي ليه ماتاخذ الترافس
والصراحة حاط عيني على الاف جي لكن المشكلة اكثر من سالته قال حق وراور
وانا يالله حسن الختام وصل عمري فوق الثلاثين
لكن اذا تبي رايي انتظر الين ينزل الاكسبلور الجديد 2011
وان شاء الله بيكون خاتمة الاحزان

انا كان ودي في التاهو بس لأنه سريع الهربده و عريض ما خذيته
خذلك اف جي اذا ودك تلغي وجع الراس

لا تاهو ولا اف جى دامك لالك عزابى اشترى سياره صغيره
وممتازه كرولا وجهه نظر

فيه دبل LS ~ ســ ع ــــد ~

انا جربت الاف جي بصراحه اسياته مريحه لكن في الخطوط الطويله ما ادري عنه

ههههههههههههه هد اعصابك اخوي عمر..احنا في غنا عن هالمواضيع..ماصدقنا تهدأ الامور هههههههه

بالنسبه لي انا اختار الاف جي..مو لأنه معي..لكن انا كنت مثلك..واخترته من بين اختيارات عديده ومنها الاكسبلورر واليوكون


الاف جي اخف في المشاوير يعني تحسه ملموم على بعضه وخفيف..+ 4×4 طبعا

التاهو حلو لو انك ماتفكر في الشكل الشبابي البحت..+ الدبل..لأن الLS على حسب علمي مافيه دبل


وصلاة الاستخارة تغنيك عن مشورة الجميع


f i n e

ما توقعت تعصب بعض الشباب يخلي التاهو شبابي اكثر من الاف جي ..
شوي شوي علينا .. درينا ان التاهو احسن سيارة بالعالم لانها عندك ..

افجي بالراحه وبعدين الافجي مريح بس المراتب اللي ورا اهي اللي عليها الكلام
والافجي شبابي اكثر من التاهو

واحد يقولي التاهو شبابي ياشيخ طير موتر شياب وسواويق

الافضل كسيارة شبابية بالتاكيد الـFJ

والقوة تقريبا حول بعض

اما الراحة التاهو مريح ولا في مقارنة مع الاف جي . من تجربة للسيارتين

على العموم اذا عندك عائلة التاهو ازين ، غير كذا الـfj

الله يوفقك ولاتنسى صلاة الاستخارة

لو التاهو من فئة LT وفوق .. خذه بدون نقاش ... أما لو بتاخذ الستاندر ... فأنصحك تشوف الـ FJ 2010 ...وعندك الفورد إدج لا تنساه

بالتوفيق

هذا الكلام مضبوط:xyxthumbs:

اذا كنت شاب لحالك اشوف الاف جي خيار ممتاز

طبعا كلام الاخوان عن الراحة منطقي 100% ان التاهو اريح

لكن الاف جي راحة معقولة جدا واذا تسال عن القوة في تقارب مع تفوق الاف جي...


اذا كنت راعي طلعات بر ومارح يركب معك احد (غالبا) خذ اف جي

اذا كنت راعي مدينة وتودي اهلك وتجيبهم التاهم افضل خيار(مب معناه ماينفع بالبر لا
موتر جيد في البر بس يتفكك مع الاستخدام الدائم في البر )


وانا بنصحك بموترين تدخلهم بخياراتك فورد اكسبلولر ونيسان باث فايندر (لانهم تقريبا نفس الاسعار)
والبرادو بعد بس اتوقع غالي حبيتين....


اخوك/ ابوخزيم :)

اخوك دامك شبابي وعزابي
مالك ومال التاهو وخذ الاف جي اطلق لك

بسم الله الرحمن الرحيم

اول شي/ انت فكرت بالقوة يعني التاهو غني عن التعرييف بالقوة سواء كان البدي او المحرك او القير ....الخ <<<<<<<<<< يعني تاااهو

ثاني شي/ الراحة معروفة السيارات السيارات الامريكية تمتاز بالراحة والرساوة العالية<<<<<<<يعني تاااهو

ومعروف ان التاهو شبابي وفخامة

الاف جي معروف بأنعدام التام للراحة خاصا" بالمراتب الخلفية (وانا شخصيا" مجرب)


(ومن رأيي انك تزود تقريبا 5 الاف وتاخذ LT) مواصفاته اعلى

وبالتوقيق انشالله

التاهو ما يحتاج قوة وراحة