السلام عليكم ورحمة الله وبركاته
اخواني مالي غنى عنكم كل ما اتوهق اجيكم على طول وانتو كفو ومنكم نستفيد
اخواني اخوي شرى سياره باترول سوبر سفاري جير عادي موديل 2007 وارد الامارات
ولكن من جربته انزعجت من شي واحد فيه وهي مشكلتي الي ابيكم تعطوني رايكم فيها وان في حل
لها هاتو هنا الله يجزاكم خير
وهو ان الموتر بالخامس على سرعة 120 ضغطه 3وربع يعني ما اوصل الى 140 الا الضغط
واصل للاربعه وهذا بصراحه اشوف انه مزعج جدا وخاصه اننا بنسافر عليه مسافات طويله
وللعلم السياره جنوطه 17 والكفرات عاديه مو بالون
يعني يا اخوان الي مجربه وماعنده هذه المشكله يقول لنا يمكن السياره فيها تعديل او شي
وكل ما اسئل احد يقولي عادي كل موديلات الباترول كذا من موديلات 2003 وفوق
اخواني ابي حل لهذه المشكله ان وجدت اسعفوني فيها تكفون
واشكركم جزيل الشكر
