روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 3 من 3

الموضوع: الفزعة يا رجال .. لي الثلاجة يهرّب موية ..؟!

  1. #1
    عضو نشط
    تاريخ التسجيل
    27-08-2008
    الدولة
    KSA - Hail
    المشاركات
    179
    معدل تقييم المستوى
    32

    الفزعة يا رجال .. لي الثلاجة يهرّب موية ..؟!



    السلام عليكم ورحمة الله وبركاته ..


    بدون مقدمات ..

    أنا سلمكم الله معي فورد كراون فيكتوريا 1997 .. أمريكي ..
    قبل أسبوع تقريباً ، ارفعت الحرارة إلى ثلاث أرباع ، أول مرة من شريتها ( سنة ونص تقريباً ) ..

    ( الغريب أن الحرارة ترتفع أكثر إذا دعست بنزين .. وتبرد شوي إذا وقفت عند إشارة مثلاً )

    وقفت السيارة .. وهي شغالة ما طفيتها حصلت الراديتر فاااااضي مرة !
    عبيتها موية مفلترة أو مدري وش اسمها ، المهم الخضراء ..

    ورجعت للمعدل الطبيعي .. ومشت معي 3 أيام تقريباً والحرارة طبيعية ..
    بعدها وانا ماشي ارتفعت الحرارة ، وقفت السيارة لقيت موية الراديتر حااارة وتبي تطلع !

    المهم تركتها ساعة ولقيت الراديتر نصه تقريباً فاضي ..

    أنا قلت يمكن المشكلة من الراديتر .. رحت للصناعية عند ميكانيكي ..
    يقول المشكلة عندك أن لي الثلاجة يهرب وخربان .. يبيله تغيير ..

    سألته الثلاجة نفسها ما تهرب ولا هي خربانة ؟ يقول لو هي تهرب كان السيارة تقطع !
    والسيارة ما تقطع ولله الحمد ..


    وسعر اللي أو الأنبوب 75 ريال وشغل يد 250 ..

    ما يكون شي بالمكينة مثلآ ؟ مع العلم أن نفس الراديتر ما يهرّب موية ، " ما ينقط أبد "

    شرآيكم ؟



  2. #2
    مشرف سابق الصورة الرمزية M~أمير بكلمتي~M
    تاريخ التسجيل
    28-09-2007
    الدولة
    K.S.A
    المشاركات
    9,219
    معدل تقييم المستوى
    2033

    رد: الفزعة يا رجال .. لي الثلاجة يهرّب موية ..؟!

    وعليكم السلام ورحمة الله وبركاته

    اولاً تفائلوا بالخير تجيدوه والحمد لله مادام المشكلة هوز او لي او خرطوش حاول تغيره

    وبأذن الله تنحل مشكلتك ولكن ياليت تذكر لنا اي لي بالضبط الي خربان لأن سعر 250 ريال

    هذا قيم فك الثلاجة وتغير الهوز الي أسفل الثلاجة !!

    اما الباقي فـ بالكثير ماياخذ عليك 80 ريال اذا كان للسفلي اما العلوي فهو ابسط شئ ممكن تغيره بنفسك

    وحاول تاخذ موية راديتر اصلية وموية مقطرة لأنها خالية من الاملاح بعكس موية الشرب فيها بعض الاملاح

    والقطع تأكد من أنها أصلية

    أخوكـ

  3. #3
    عضو نشط
    تاريخ التسجيل
    27-08-2008
    الدولة
    KSA - Hail
    المشاركات
    179
    معدل تقييم المستوى
    32

    رد: الفزعة يا رجال .. لي الثلاجة يهرّب موية ..؟!

    اقتباس المشاركة الأصلية كتبت بواسطة M~أمير بكلمتي~M مشاهدة المشاركة
    وعليكم السلام ورحمة الله وبركاته

    اولاً تفائلوا بالخير تجيدوه والحمد لله مادام المشكلة هوز او لي او خرطوش حاول تغيره

    وبأذن الله تنحل مشكلتك ولكن ياليت تذكر لنا اي لي بالضبط الي خربان لأن سعر 250 ريال

    هذا قيم فك الثلاجة وتغير الهوز الي أسفل الثلاجة !!

    اما الباقي فـ بالكثير ماياخذ عليك 80 ريال اذا كان للسفلي اما العلوي فهو ابسط شئ ممكن تغيره بنفسك

    وحاول تاخذ موية راديتر اصلية وموية مقطرة لأنها خالية من الاملاح بعكس موية الشرب فيها بعض الاملاح

    والقطع تأكد من أنها أصلية

    أخوكـ
    الأنبوب أو اللي إللي بين الثلاجة والراديتر على ما أعتقد .. أو الثيرموسات مدري وشسمه ..
    أيه على ما أعتقد اللي أسفل الثلاجة .. لأنه يقول لازم أفك الثلاجة وأغير الهوز ..

    شكرآ لك أخوي ..

X