المرورالفاشل (دعوة للمناقشة)

^^^^^^^^^^^^

هههههههههه عزالله انك وحش مختبىء والتوقيع خرافي صراحة

تحياتي لك من الأعماق

معلومة هامة

في الدول المتغدمة بيحطو لوحة قبل الكاميرا ب 1 كيلو موضح فيها انو الشارع في كاميرا دايرة والسرعة النظامية حتى مايكون فيه اسغفال للناس

شكرا جزيلا

يا اخي انت تبي الناس على كيفك ليش ماحطيت في الاستفتاء نظام جيد او في تطور مستمر
ياخي انا امامك لم اتعرض و لله الحمد المخالفه طول حياتي من عام 2001 الى الان سو مره تضليل كتم لماذا لني لمن امسك خط اشوف كم اسرعه الامطلوبه و اتبعه يعني 120 120 يعني النضام ماهو جاي ونت ماسويت شي تر عندنا سواقين همج 60 في 100 و هذا رئي و لان احيد عنه اما نضام ساهر فهو ممتاز بنسبة 90 في 100 ما عد اتدبيل

لاحول ولا قوه إلا بالله ....
سالفه الخدامه ..شئ مايخش المخ ..
لاحول ولا قوه إلا بالله ...
باتوفيق للجميع،،

الصراحة فشلهم بان بشكل 100% وقت سيول جده ...

يبون يفكون الطريق لنفسهم ويهربون ..

المواطنين فيهم خير نظموا السير حاولوا ينقذون اللي يقدرون عليه ..

والمرور يهرب من الطريق ..


ما اقول الا مالت عليهم

من جد شي عجيب
طيب حتى لو ماكانت السيارة في المكان لما سقطت عليها على قولتهم بس راح تسقط على الازفلت
يعني بتموت وهي طايحة فوق سيارة ولما تطيح على الارض ماراح يصير لها شي
بعدين هي راميه نفسها تبي تنتحر

اجل بالمنطق هذا لو يجي واحد ويفحط ويصك في اشارة ويموت بسبب الصدمه في الاشاره
يدفع الديه المرور لولا وجود الاشارة في هالمكان كان ما صدم ومات الرجال الي يسوق السياره

السلام عليكم
يا اخوان حبيت اشارك معاكم في موضوع نظام المرور في السعودية
طبعا القواعد واللوائح التي توضع لنظام المرور السعودي اعتبرها جدا مفيدة للشعب
لكن هناك مشكلة كبيرة جداا ألا وهي أنه لا يوجد عسكر يتبعون هذه القواعد واللوائح
عسكري يداوم وما يعرف إلا بوك القسايم والقلم والرخصة والاستمارة ..!
انا صار لي موقف مع عسكري لا يفهم ولا يحترم احد ماعنده وقت يتفاهم
المهم انا دخلت شارع في حي سكني وفي نص الشارع وقفني العسكري
قالي رخصة واستمارة وجنب !!
قلت ليش وش سويت .. قالي عاكس شارع !!!
قلت يا هووو مو عاكس
المهم عابطت معااه والحق معااي انا
لا يوجد لوحة تدل ان الشارع عكس .
لا يوجد سياج حديد او طربوش حق المروور انو الشارع عكس
اخينا واقف في نص الشارع مو في بداية الشارع عشان يصيد الناس
المهم ..
ودوني الحجز ومخالفة عكس اتجاه و عدم ابراز الاثبات وحجز السيارة يووم ..

حسبي الله ونعم الوكيل عليهم

يا شباب هدوا شوي ترا الدنيا ما تسوى احسن حل اننا نسكن جنب اعمالنا ونرتاح من هم السيارات و همك يا (ساهر) وهمك يااا(مرور) ....!!

طيب يامرور ..... عطنا حقنا حنا كسائقين اول وبعدين خذوا حقكم ...

عطونا شوراع منظمة,لوحات واضحة,مطبات نظامية,وخففوا زحمة الرياض .....الخ))


ثم ابشروا والله بعزكم ...

والله من اكبر المؤيدين لنظام ساهر

ومن اكبر المعارضين له

اؤييده اذا كان بيحطون الباصات في جميع الاوقات

اما انهم يحطونه في اوقات واقات لا

كذا مايصلح

على سبيل المثال عندنا في الرياض شارع عبدالرحمن الغافقي(مخرج11)

يجي في رمضان قبل اذان المغرب عشان العالم تبي تلحق على الفطور يصورك

والا يجي الساعه 7 الصباح والناس رايحين للدوامات

هذا الشي يدل على انهم يبون فلوس مايبون ينظمون الشعب

حسبي الله ونعم الوكيل عليهم

نظاااااااااام فاشل جدا

عابر البيد،،، ركبت القطعة على اللوحة الخلفية ليش ؟؟؟؟
ساهر يلقط اللوحة الأمامية عزيزي مع صورتك وانت مبتسم ورجلك على المكيف :)

بصراحة ساهر أدب الناس وصاروا يمشوا صح (أنا اسرع ترا) قبله كنت اشوفهم في الرياض مقلعين على الدائري ماشاءالله كلهم مستعجلين وراهم حرمة بتولد أو طيارة بتطير
وفي جدة أنواع الأدب خاصة في طريق الملك....وتوقعت ان المرور السري يتغاضى عن اصحاب اللوح "الخاصة"...لاوالله قدامي وقف رنج مهبول داعس ومصدق نفسه

ولو اني اعتقد انه كان يفترض في الأيام الأولى تجي رسائل توعوية تحذيرية للي يخالف بدل المخالفة

واللي يقول فوائد ربوية ومدري ايش.....مدري ايش دخل الربا...انت اخذت منهم فلوس ورجعتها مضاعفة مثلا ؟...الحمدلله والشكر

اقول تبغى تودينا ورى الشمس

ياجماعة الخير بالنسبة لنظام ساهر وحسب الإتفاقيه مع الشركة الأميرية اللتي أسست النظام الإتفاقية قائمة على أساس مادي بحت يعني النص في النص بين (من يمثل الدولة) طبعا ليس بيت المال وبين الشركة الأميرية المزعومة

الجباية طبقت علينا للأسف !!!

الناس صار لها أكثر من 3 سنوات ما تسرع في الرياض تجي تحط عندهم نظام لرصد السرعة وتقوم بتحديد سرعة منخفضة جدا حتى غصب يسهى ويتخطاها وبالتالي ياخذ مخالفة غصب وقدامة 30 يوم ويتم إدراجها ظمن برنامج المرابحة الربوي البحت وتدبيل قيمتها!!!

في أحد المقابلات الغير رسمية للقذافي اللي مظيع الجادة واللتي أعلنت على أحد المحطات الفضائية كان يتكلم عن السعودية وشعبها وأهم كلمة ذكرها وهي:

أنا أحب الشعب السعودي وأتمنى اني أحكم شعب مثلة ، مهما تعمل فيه لا يقاوم ويعترض!! أبدا ولربما يؤيد أيضا

خلوها على يجي يوم ويحلها لنا .... إنه سميع سميع مجيب

يعني يانمشي على الفصله ونصفق ام الطبلون والا نمشي 70 و 50 وبعدين 60 على طريق دائري سريع
المشكله انا ناخذ احدث ماتوصلت له تقنية الكاميرات واسلوب تطبيق المخالفات المروريه في الدول المتقدمه وننسى أو نتجاهل المركبه والطريق والسائق و هي المسبب الرئيسي للحوادث
ان جيت للمركبه فمعظم السيارات في مدينة الرياض متهالكه ومحاله للتقاعد من عشرات السنين ويملكها اجانب ونظرا لظروفهم الماديه معظمهم لايستطيعون صيانة سياراتهم اضافه الى انها غير مجهزه بوسائل امن وسلامه و غير العادم المنبعث منها
وان جيت للطريق فالكل يعرف الحفر والمطبات والحفريات في كل شارع وحاره
واذا تكلمت عن السائق فالتهور هو الشعار والعمال الاسيويين اللي مايتعلمون السواقه الا عندنا بينما في بلادهم مايسوقون حتى سياكل
وأكبر دليل تقارير المرور ومن هم اكثر فئه متسببه في الحوادث داخل الرياض
تحياتي

انا ضد السرعة بتاتا لكن المعروف ان في امريكا واروبا بعض الطرق المفتوحة السرعة الى 250 او اكثر . فضلا عن كثير من الطرق بحاجة الى اصلاح وتأهيل قبل تطبيق النظام بشكل قاسي . واشياء كثيرة اخرى بحاجة الى اصلاح سنذكرها في حينه

للجميع اطيب تحية

نظام فااااشل جدا

88888

عين الصوآب .. والله كلآم جميل جدًا ورآقي .. وهذآ هو المفروض أنه يصير ..

يعني بالله اذا انت تبغى توصل لبيتك بسرعة تذبح نفسك وخلق الله بالسرعة العاليه؟ المرور كان يطبق نظام اللي هو يمشيك بس ينصحك لكن الناس ماتتوب الين ماتنجلد قسايم.. النظام في امريكا شفته والناس هناك يستغربون يوم اقولهم ان نمشي فوق 160-180 بالسعودية ( اول ماكان فيه توقيف عال180) وكانو يتمنو هالشي عندهم.. لكن يخافوووووووووووون من القسايم وزيادة قيمة التأمين ( الالزامي) عليهم مع كل مخالفة سرعة..

يا اخوان والله هاللي يصير على شوارعنا ماهو طبيعي ابدا.. لي اقارب ماتو في حوادث الله يرحم موتانا وموتاكم..

والسرعة بأمريكا يحسبونها على التقدير, يعني كم السرعة اللي يقدر يسوق بها جميع انواع السائقين وجميع انواع السيارات. ولا هم يقدروا يزيدو السرعة لكن يراعوا كبار السن والمرضى اللي يسوقون.. بالله كيف تسوق وانت مسخن ولا فيك الم في ظهرك؟ مثل العادة ولا تحس نفسك مضيع شوي؟
واذا مثلا السرعة المحددة 50 ميل... وكل السيارات اللي حوليك او الflow ماشين فوق ال70 مثلا وانت ماشي 50,, البوليس نظاميا له الحق يوقفك انت ويعطيك قسيمة.. اهم شي السيارات ماشية بسرعة متقاربه, في هالوقت اكثر عدد من السيارات يمشي.. لكن واحد ماشي 80 والثاني 120 وغيره 160 يصير الاختناق المروري

واتوقع ماوضع نظام ساهر الا لمعرفة المرور ان عساكرهم دجه وفالحين يغسلون سياراتهم وكاشخين بها, ولا يدري عن الاف المخالفات المرورية اللي يشوفها كل ساعة العسكري ولا يتحرك.

انا سمعت ان نظام اللي يطيح على سيارتك وتدفع الدية غيروه ان ماكنت غلطان؟


وبعدين طبيعي ان الشارع الواحد تختلف فيه السرعات, ومن واجب السائق ملاحظة اللوحات.. احيانا تمشي حول مدرسة او مسجد مثلا!

شوفو الفيديو اللي في موضوع الأخ الكنج:
http://www.assayyarat.com/forums/thread208623.html

-------

لكن مايمنع ان يثقفوا العسكر عندنا.. مع ان لاحظت انهم افضل من اول بكثير.. قعدت بأمريكا 5 سنين دراسة ولا جيت اجازة ولا شي, اول مارجعت حبيت استرجع ايام السرعة, وجلد على جدة مكة فوق ال180, المهم وقفوني في التفتيش وطلعت بطاقة الولاية وان توني راجع من الدراسة كان محترم جداومشاني وغيرت صورتهم في نظري . وبعدها بكم يوم موقف نظامي على خبري بس كانو شايلين لوحات ممنوع الوقوف من الشارع يسوون اصلاحات وكنت واقف قدام محل بطاريات والعامل يغير البطارية, فجاني العسكري واخذ الرخصة ويكتب مخالفة قلتله مافي لوحات وانا صادق قال معروف ان الوقوف ممنوع. قلتله ما ادري عن هالشي ولي عن البلد 5 سنين ومالي اسبوع في مكة.. قال مو شغلي؟؟ بعضهم غريبييين جدا!

------

أسف عالاطالة :/